OCIPAMA 02
Embimbiliya li tu Ĩha Elavoko
Kolonepa viosi violuali, omanu va liyaka lovitangi vi va nenela esumuo, esakalalo kuenda evalo. Ove hẽ wa pitile ale locitangi cimue ca ku kokela oku liyeva lonjila ndeyi? Citava okuti, o kasi oku tala ohali omo liuvei umue, ale liolofa viomunu umue o sole. Pamue o lipula ndoco: ‘Omuenyo u ka kala ciwa?’ Embimbiliya li eca etambululo li lembeleka kepulilo eli.
1. Elavoko lipi Embimbiliya li tu ĩha liatiamẽla kovaso yoloneke?
Embimbiliya ka li lombolola lika esunga lieci voluali mueyukila ovitangi, pole, li tu sapuilavo olondaka viwa viokuti, ndopo Suku o ka malako ovitangi viosi. Olohuminyo Viembimbiliya vi pondola oku ‘eca kokuove ekalo liwa kuenda elavoko limue.’ (Tanga Yeremiya 29:11, 12.) Elavoko liaco, li tu kuatisa oku pandikisa lovitangi, oku kuata ocisimĩlo ca sunguluka kuenda oku kuata esanju otembo ka yi pui.
2. Elavoko lipi lio kovaso yoloneke Embimbiliya li lombolola?
Embimbiliya li lombolola okuti, kovaso yoloneke “oku fa ka ku ka kalako vali, ndaño oku lila loku liyula levalo ka vi ka kalako vali.” (Tanga Esituluilo 21:4.) Ovitangi vina vi kokela omanu oku tala ohali ndeci: Uhukũi, ekambo liesunga, uvei kuenda oku fa, ka vi ka kalako vali. Embimbiliya li likuminya okuti, omanu va ka sanjukila omuenyo otembo ka yi pui Vocumbo Celau palo posi.
3. O pondola oku pamisa ndati ekolelo liove kelavoko Embimbiliya li eca?
Omanu valua va lavoka okuti ku pita ovina viwa, pole, ka va kuete ekolelo liokuti elavoko liavo eteke limue li ka tẽlisiwa. Pole, eci ca litepa leci Embimbiliya li likuminya. Tu pondola oku pamisa ekolelo lietu kueci olio li popia poku “konomuisa Ovisonehua.” (Ovilinga 17:11) Osimbu o lilongisa Embimbiliya, o ka tẽla oku nõla nda o pondola oku kolela kovina olio li popia viatiamẽla kovaso yoloneke.
LILONGISA ONDONGOSI
Kũlĩhĩsa ovina vimue Embimbiliya li likuminya viatiamẽla kovaso yoloneke. Tala ndomo elavoko Embimbiliya li tu ĩha li kasi oku kuatisa omanu koloneke vilo.
4. Embimbiliya li tu ĩha elavoko liomuenyo ko pui vekalo limue lia lipua
Tala ulala u kuãimo wolohuminyo vi sangiwa Vembimbiliya. Pokati kolohuminyo viaco yipi o solepo vali? Momo lie?
Tanga ovisonehua via tukuiwa ponele yolohuminyo viaco, noke konomuisa apulilo a kuãimo:
-
O sima hẽ okuti ovisonehua evi vi ku kuatisa? Ovio vi pondola hẽ oku eca elavoko kepata liove kuenda kakamba vove?
Sokolola oku kala voluali lumue okuti
|
LOMUE O KA . . . |
OMUNU LOMUNU O KA . . . |
|---|---|
|
|
|
|
|
|
|
|
|
|
5. Elavoko Liembimbiliya li pondola oku ku kuatisa
Omanu valua va siata oku sumua, ale oku kuata onyeño omo liovitangi va liyaka lavio. Vamue va likolisilako oku seteka oku pongolola ovina viaco oco vi kale ciwa. Tala ndomo ohuminyo Yembimbiliya yokuti, ovina vi ka kala ciwa yi kuatisa omanu cilo. Tala OVIDEO, noke konomuisa apulilo a kuãimo.
-
Ndomo ca lekisiwa vovideo, ekambo lipi liesunga lia enda oku sakalaisa Rafika?
-
Ndaño okuti ekambo liesunga eye a mola ka lia pitile, Embimbiliya lio kuatisa ndati?
Elavoko Embimbiliya li tu ĩha liatiamẽla kovaso yoloneke li tu kuatisa oku liyaka lesumuo kuenda lovitangi lonjila yimue ya sunguluka. Tanga Olosapo 17:22 kuenda Va Roma 12:12, noke konomuisa apulilo a kuãimo:
-
O sima hẽ okuti esapulo lielavoko li sangiwa Vembimbiliya li ku kuatisa komuenyo wove cilo? Momo lie?
OMANU VAMUE VA POPIA VATI: “Olohuminyo Viembimbiliya viwa calua oco vi kale viocili.”
-
Momo lie ci kuetele esilivilo kokuove oku kũlĩhĩsa ovovangi aco?
NYE WA LILONGISA?
Embimbiliya li tu ĩha elavoko kuenda li tu kuatisa oku liyaka lovitangi poku tu likuminya ekalo limue liesanju kovaso yoloneke.
Oku Pitulula
-
Momo lie omanu va sukilila elavoko?
-
Nye Embimbiliya li popia catiamẽla kovaso yoloneke?
-
Oku kuata elavoko liatiamẽla kovaso yoloneke, ci ku kuatisa ndati cilo?
OCO O KŨLĨHE OVINA VIKUAVO
Lilongisa ndomo elavoko li pondola oku ku kuatisa poku liyaka lovitangi.
“Pi o Pondola Oku Sanga Elavoko Liocili?” (Omasuli!, 22 ya Kupupu 2004)
Limbuka ndomo elavoko liatiamẽla kovaso yoloneke li pondola oku kuatisa vana va kasi oku liyaka luvei ka u kuete esaku.
Eci o tala ovideo yocisungo eci, li sokolola ove muẽle kuenda epata liove oku sanjukila omuenyo wa likuminyiwa Vembimbiliya kovaso yoloneke Vocumbo Celau.
Kũlĩhĩsa ndomo ekalo liomunu umue wa enda oku teyuila ekalo liomanu kuenda liovinyama lia pongoloka noke lioku lilongisa elavoko Liembimbiliya liatiamẽla kovaso yoloneke.
“Si Kuete Unene Woku Pongolola Ovitangi Violuali” (Utala Wondavululi, 1 Yevambi Linene 2013)
Ove o ka ci Sola
APULILO A SIATA
Elilongiso Liembimbiliya li Lingiwa Lolombangi Via Yehova li Lomboloka Nye?
Lekuatiso lielilongiso li lingiwa ocali Lolombangi Via Yehova, o pondola oku kuama Lembimbiliya liosi o yongola. Lianja poku laleka epata liove liosi ale akamba vove, oco vu lilongisili kumosi.
