OCIPAMA 19
Anga hẽ Olombangi Via Yehova Akristão Vocili?
Olombangi Via Yehova vi tava okuti, Akristão vocili. Momo lie? Kũlĩhĩsa oku kua kunamẽla alongiso etu, onduko yilikasi tu kuete kuenda ocisola tu likuetele pokati.
1. Pi kua kunamẽla alongiso Olombangi Via Yehova?
Yesu hati: “Ondaka [ya Suku] oyo ocili.” (Yoano 17:17) Ndeci Yesu a linga, alongiso Olombangi Via Yehova, a kunamẽla Vondaka ya Suku. Kũlĩhĩsa ulandu wetu wo koloneke vilo. Kesulilo liocita 19, ocimunga ca vakuakulilongisa Embimbiliya, ca fetika oku konomuisa lutate Embimbiliya. Alongiso avo a kunamisila kueci olio li longisa, ndaño ceci alongiso aco a litepele lalongiso atavo akuavo. Kuenje va fetika oku longisa ocili Cembimbiliya ku vakuavo. a
2. Momo lie tu litukuila okuti Olombangi Via Yehova?
Yehova o tukula afendeli vaye okuti olombangi viaye omo lioku popia ocili catiamẽla kokuaye. (Va Heveru 11:4–12:1) Kosimbu Suku wa sapuila afendeli vaye hati: “Ene vulombangi viange.” (Tanga Isaya 43:10.) Yesu wa tukuiwa okuti, “Ombangi Yocili.” (Esituluilo 1:5) Kuenje kunyamo wo 1931, tua nõlapo oku tukuiwa londuko Olombangi Via Yehova. Tua sanjukila onduko yaco.
3. Olombangi Via Yehova vi setukula ndati ocisola ca Yesu?
Yesu wa solele calua olondonge viaye okuti, kokuaye via kala ndepata liaye. (Tanga Marko 3:35.) Cimuamue haico, Olombangi Via Yehova epata limue li kasi vomunga voluali luosi. Eli olio esunga lieci tu litukuila okuti, tu vamanji. (Filemone 1, 2) Tu pokolavo kocihandeleko cokuti: “Soli vamanji vosi.” (1 Petulu 2:17) Olombangi Via Yehova vi lekisa ocisola volonjila via litepa ndeci, poku kuatisa vamanji voluali luosi votembo yohali.
LILONGISA ONDONGOSI
Kũlĩhĩsa ciwa ulandu Wolombangi Via Yehova kuenda tala ovovangi a lekisa okuti, Tuakristão vocili.
Akristão vocili alongiso avo a kunamẽla Vembimbiliya, va longisavo vakuavo
4. Alongiso etu a kunamẽla Vembimbiliya
Yehova wa popele okuti, ocili Cembimbiliya ca laikele oku situluiwa. Tanga Daniele 12:4 kuenda etosi, noke konomuisa epulilo li kuãimo:
-
Nye ca laikele oku ‘lua’ pokati kafendeli va Suku osimbu vamamako oku konomuisa Embimbiliya?
Tala ndomo ocimunga ca vakuakulilongisa Embimbiliya, oku kongelamo Charles Russell, va lilongisa Ondaka ya Suku. Tala OVIDEO, noke konomuisa epulilo li kuãimo.
-
Vovideo Charles Russell la vakuavo vakuakulilongisa Embimbiliya, va enda oku lilongisa ndati Embimbiliya?
Wa ci kũlĩha?
Pamue, tua siata oku linga apongoloko amue kelomboloko lialongiso etu. Momo lie? Ndeci nda ekumbi li tunda okuti li situlula kamue kamue eposo liocitumãlo cimue, Suku ecavo elomboloko Liondaka yaye kamue kamue. (Tanga Olosapo 4:18.) Omo liaco, ndaño okuti Embimbiliya ka li pongoloka, tu linga apongoloko kalongiso etu poku mioñolola elomboloko lietu Liembimbiliya.
5. Tu linga ovina ndeci ci likuata londuko yetu
Momo lie tua nõlelapo oku tukuiwa okuti, Olombangi Via Yehova? Tala OVIDEO, noke konomuisa apulilo a kuãimo.
-
Momo lie onduko Olombangi Via Yehova ya sungulukila?
Momo lie Yehova a nõlela omanu oco va kaile olombangi viaye? Momo ovo va laikele oku u situlula okuti eye Suku yocili, omo liovohembi alua a siata, atiamẽla kokuaye. Kũlĩhĩsa ovohembi amue avali.
Atavo amue a siata oku longisa oloñame viavo okuti, Suku o yongola okuti ovo vo fendela pocakati coviteka. Pole, tanga Ovisila 26:1, noke konomuisa apulilo a kuãimo:
-
Cipi ocili? Yehova o liyeva ndati catiamẽla kondaka yaco?
Asongui vamue vatavo va longisa okuti Yesu eye Suku. Pole, tanga Yoano 20:17, noke konomuisa apulilo a kuãimo:
-
Cipi ocili? Suku la Yesu vamuamue?
-
O liyeva ndati poku kũlĩha okuti Yehova wa siata oku tuma Olombangi viaye oco vi kunde ocili catiamẽla kokuaye kuenda Komõlaye?
6. Tu lisole pokati
Embimbiliya li sokisa Akristão ndolonepa via litepa vietimba. Tanga 1 Va Korindo 12:25, 26, noke konomuisa apulilo a kuãimo:
-
Akristão vocili nye va sukila oku linga nda Akristão vakuavo va tala ohali?
-
Nye wa siata oku mola catiamẽla kocisola ci sangiwa pokati Kolombangi Via Yehova?
Eci Olombangi Via Yehova vi tala ohali konepa yimue yoluali, vepuluvi liaco, Olombangi viosi vikuavo vi eca ekuatiso liavo. Oco o kũlĩhe ulandu umue, tala OVIDEO. Noke konomuisa apulilo a kuãimo
-
Elikolisilo Liolombangi Via Yehova lioku eca ekuatiso, lia situlula ndati ocisola?
Akristão vocili va lekisa ocisola kuava va suka
OMANU VAMUE VA POPIA VATI: “Etavo Liolombangi Via Yehova liokaliye.”
-
Tunde otembo yipi Yehova a siata oku tukula afendeli vaye okuti olombangi viaye?
NYE WA LILONGISA?
Olombangi Via Yehova Akristão vocili. Tuepata limue voluali luosi liafendeli vana okuti, alongiso etu a kunamẽla Vembimbiliya kuenda tu sapula ocili catiamẽla ku Yehova.
Oku Pitulula
-
Momo lie tua nõlelapo oku tukuiwa okuti Olombangi Via Yehova?
-
Tua siata oku litata ndati pokati?
-
O sima hẽ okuti Olombangi Via Yehova Akristão vocili?
OCO O KŨLĨHE OVINA VIKUAVO
Lilongisa ovina vikuavo viatiamẽla kulandu wetu.
Olombangi Via Yehova—Ekolelo Kovilinga, Onepa 1: Oku Tunda Vowelema Oku Iñila Vocinyi (1:01:27)
Tala ulandu umue u lekisa ndomo Olombangi Via Yehova via siata oku situlula alongiso esanda.
Sanda atambululo apulilo o kuete atiamẽla Kolombangi Via Yehova.
“Apulilo a Siata Oku Lingiwa Atiamẽla Kolombangi Via Yehova” (Onepa yimue yo Internet)
Stephen wa pangelevo onepa kovongangala esuvu. Kũlĩha eci a limbuka Kolombangi Via Yehova okuti, co vetiya oku linga apongoloko.
“Omuenyo Wange wa Kala Oku Nyõleha” (Utala Wondavululi 1 Wevambi Linene 2015)
a Ukanda wetu wasapulo wa velapo okuti Utala Wondavululi, wa siata oku sandeka ocili Cembimbiliya tunde kunyamo wo 1879.
Ove o ka ci Sola
APULILO A SIATA
Elilongiso Liembimbiliya li Lingiwa Lolombangi Via Yehova li Lomboloka Nye?
Lekuatiso lielilongiso li lingiwa ocali Lolombangi Via Yehova, o pondola oku kuama Lembimbiliya liosi o yongola. Lianja poku laleka epata liove liosi ale akamba vove, oco vu lilongisili kumosi.
