Vana va kuela ndopo, va yongola okuti esanju va yeva keteke va kuela, li kala otembo ka yi pui. Eci ci tẽliwa. Akristão vana va kuela osimbu, haivo va likolisilako calua oku kapako olonumbi Viembimbiliya, va kũlĩha okuti, ci tẽliwa.

1. Olonumbi vipi Embimbiliya li eca kalume va kuele?

Yehova wa eca kulume ohueli ocikele coku songuila epata. (Tanga Va Efeso 5:23.) Yehova o lavoka okuti, ulume o nõla olonjila vi kuatisa epata. Embimbiliya li vetiya alume va kuele hati: “Amamiko oku sola akãi vene.” (Va Efeso 5:25) Eci ci lomboloka nye? Ulume ukuacisola o tata lohenda ukãi waye, ci kaile konjo kuenda powiñi. Eye u teyuila kovina viosi vi pondola oku u kokela ohele, o likolisilako oku u tata konepa yetimba kuenda kovina vikuavo vi sukiliwa. (1 Timoteo 5:8) Ocina ca velapo vali ceci okuti, eye u kuatisa oku kuata ukamba wa pama la Yehova. (Mateo 4:4) Ndeci, eye o likutilila loku tanga Embimbiliya lukãi waye. Ulume ohueli, nda o tata locisola ukãi waye, amamako oku pamisa ukamba waye la Yehova.—Tanga 1 Petulu 3:7.

2. Olonumbi vipi Embimbiliya li eca kakãi va kuele?

Ondaka ya Suku yi popia okuti, ukãi “o sukila oku lekisa esumbilo liocili kulume waye.” (Va Efeso 5:33) Eye o ci linga ndati? Poku sokolola kovituwa viwa viulume waye kuenda kalikolisilo eye a siata oku linga poku u tata ciwa kumue lomãla vavo. Ukãi o lekisavo esumbilo poku tava kolonjila ulume waye a nõla, poku vangula laye locisola kuenda eci catiamẽla kokuaye, ndaño okuti ka fendela Yehova.

3. Olohueli vi pamisa ndati olohuela viavo?

Embimbiliya li popia eci catiamẽla kolohueli hati: “Kavali kavo va ka linga etimba limuamue.” (Mateo 19:5) Eci ci lomboloka okuti ovo va sukila oku likolisilako oco va yuvule ovisimĩlo vioku litepa. Ovo va ci linga poku kala kumosi olonjanja vialua kuenda oku situlula lutima wosi ovisimĩlo viavo locisola komunu lukuavo. Ovo ka va ecelela okuti, cimue ale omunu ukuavo—okuti Yehova hayeko,—o velapo ohueli yaye. Ovo lutate walua va likolisilako oku yuvula oku kuata ukamba ka wa sungulukile lomunu ukuavo.

 LILONGISA ONDONGOSI

4. Ene alume—soli kuenda tati ciwa akãi vene

5. Ene akãi—soli kuenda sumbili alume vene

Embimbiliya li vetiya ukãi oku sumbila ulume waye ci kaile okuti o fendela Yehova ale sio. Tanga 1 Petulu 3:1, 2, noke konomuisa apulilo a kuãimo:

• Nda ulume wove ka fendela Yehova, citava okuti ove o kuata onjongole yokuti eye o kalavo ufendeli wa Yehova. O sima okuti nye nda ca kuatisa vali, oku u kundila olonjanja viosi, ale oku lekisa ovituwa viwa kuenda esumbilo kokuaye? Momo lie?

 Alume lakãi, va pondola oku nõla olonjila viwa. Pole, olonjanja vimue ukãi ka tava kovisimĩlo viulume waye. Ukãi citava okuti, o situlula ovisimĩlo viaye lonjila ya sunguluka kuenda lesumbilo, pole, o sukila oku ivaluka okuti Yehova wa eca kulume waye ocikele coku nõla eci ci kuatisa epata liaye. Ukãi o sukila oku likolisilako calua oco a kuatise onjila ulume waye a nõla. Poku ci linga, o kuatisa epata liaye oku kuata esanju. Tanga 1 Petulu 3:3-5, noke konomuisa epulilo li kuãimo:

• Yehova o liyeva ndati eci ukãi a lekisa esumbilo kulume waye?

6. O pondola oku yula ovitangi volohuela viove

 NYE WA LILONGISA?

Ulume lukãi, va kuata esanju nda va li sole, va li sumbila kuenda va kapako olonumbi Viembimbiliya.

Oku Pitulula

• Ulume nye a sukila oku linga oco volohuela mu kuate esanju?

• Ukãi nye a sukila oku linga oco volohuela mu kuate esanju?

• Ove nda o kuele, olonumbi vipi Viembimbiliya vi ku kuatisa oku pamisa olohuela viene?