OCIPAMA 55
Kuatisa Ekongelo Liove
Kolonepa viosi violuali, omanu valua va sanjukila oku fendelela Yehova volohuluwa viakongelo. Ovo va sanjukila elongiso, lolonumbi va tambula kuenda va kuatisa ekongelo volonjila vialua. O liyeva ndati catiamẽla kekongelo liove?
1. Vipi vimue pokati kolonjila o kuama poku talavaya lotembo kuenda ongusu yove oco o kuatise ekongelo?
Vosi yetu tu pondola oku kuatisa ekongelo. Ndeci, vekongelo liove muli hẽ vamue va kuka ale va vela? O pondola hẽ oku vambata kolohongele? Ale o pondola oku va kuatisa lonjila yikuavo ndeci, oku va landelako ovina va sukila, ale oku yelisa onjo yavo? (Tanga Tiago 1:27.) Tu pondolavo oku lieca olumue oco tu kuatise koku yelisa loku semũlũla Onjango yetu Yusoma. Ka tu kisikiwa oku linga ovina viaco. Pole, ocisola tu kuetele Suku kuenda vamanjetu, ci tu vetiya oku “lieca lutima wosi.”—Olosamo 110:3.
Olombangi Via Yehova via papatisiwa, vi kuatisa ekongelo volonjila vikuavo. Vamanji alume va loñoloha konepa yespiritu, va pondola oku kala oloñuatisi viekongelo noke va kala akulu vekongelo. Ci kaile vamanji alume ale akãi, va pondolavo oku kuatisa calua kupange woku kunda poku talavaya ndakundi votembo yosi. Vamanji vakuavo va pondola oku kuatisa koku tunga ovitumãlo viefendelo, ale oku ilukila kekongelo limue li sukila ekuatiso volonepa vikuavo.
2. Tu talavaya ndati lovipako vietu oco tu kuatise ekongelo?
Tu pondola oku ‘talavaya lovina [vietu] via velapo oco tu lekise esumbilo ku Yehova.’ (Olosapo 3:9) Esumũlũho kokuetu oku eca olombongo lovipako vikuavo oco tu kuatise ekongelo lietu kuenda upange woku kunda voluali luosi. (Tanga 2 Va Korindo 9:7.) Olombanjaile vietu vi kuatisavo eci ku pita ovilunga. Valua va nõlapo oku ‘seleka cimue’ olonjanja viosi ndombanjaile. (Tanga 1 Va Korindo 16:2.) Tu pondola oku kapa olombanjaile volokasia vi sangiwa vovitumãlo vietu viefendelo, ale vonumbi yo internet donate.pr418.com. Yehova wa tu ĩha epuluvi lioku lekisa ocisola cetu kokuaye konjila ndomo tu talavaya lovipako vietu.
LILONGISA ONDONGOSI
Kũlĩhĩsa olonjila vimue o pondola oku kuama oco o kuatise ekongelo liove.
3. Tu pondola oku talavaya lovipako vietu
Yehova la Yesu va sole vana va eca lesanju. Yesu wa pandiya ocimbumba cimue ohukũi ca likolisilako oku eca ombanjaile yimue ku Yehova. Tanga Luka 21:1-4, noke konomuisa apulilo a kuãimo:
-
Anga hẽ tu sukila oku eca olombanjaile vialua oco tu sanjuise Yehova?
-
Yehova la Yesu va liyeva ndati eci tu eca olombanjaile vietu lutima wosi?
Oco o kũlĩhe ndomo ku talavayiwa lolombanjaile vietu, ala OVIDEO. Noke konomuisa epulilo li kuãimo.
-
Ku talavayiwa ndati lolombanjaile vi eciwa oco vi kuatise akongelo a sangiwa voluali luosi?
4. Tu eca olumue ekuatiso lietu
Kosimbu, afendeli va Yehova va likolisilako oku talavaya oco ovitumãlo viavo viefendelo vi amameko. Pole, mua kongelele ovina vialua okuti oku eca lika olombongo ci sule. Tanga 2 Asapulo 34:9-11, noke konomuisa epulilo li kuãimo:
-
Va Isareli vosi va kuatisa ndati koku tata onjo ya Yehova, ale ocitumãlo cefendelo?
Oco o tale ndomo Olombangi Via Yehova vi kasi oku kuama ongangu yo kosimbu, tala OVIDEO. Noke konomuisa apulilo a kuãimo.
-
Momo lie ci kuetele esilivilo oku amamako oku yelisa loku semũlũla Onjango yetu Yusoma?
-
Volonjila vipi o pondola oku kuatisa?
5. Vamanji alume va pondola oku likolisilako oku sanda ovikele vialua
Ovisonehua vi vetiya vamanji alume Akristão oku likolisilako oco va kuatise ekongelo. Tala ulandu umue, tala OVIDEO. Noke konomuisa epulilo li kuãimo.
-
Ndomo tua ci mola vovideo, manji Ryan nye a linga oco a likolisileko oku kuatisa ekongelo?
Embimbiliya li lombolola ovituwa vi sukila oku lekisiwa la vamanji va talavaya ndoloñuatisi viekongelo kuenda akulu vekongelo. Tanga 1 Timoteo 3:1-13, noke konomuisa apulilo a kuãimo:
-
Nye ci lavokaiwa ku vamanji oloñuatisi kuenda akulu vekongelo?
-
Nye ci lavokaiwa kapata avo? —Tala ocinimbu 4 kuenda 11.
-
Vamanji alume nda va likolisilako oku lekisa ovituwa viaco, vamanji vosi vekongelo va kuatisiwa ndati?
UMUE PAMUE O PULA: “Pi ku tunda olombongo vi kuatisa kupange Wolombangi Via Yehova?”
-
Nda wa tambulula ndati?
NYE WA LILONGISA?
Yehova o sanjukila alikolisilo etu oku kuatisa ekongelo pocakati cotembo yetu, ongusu kuenda lovipako vietu.
Oku Pitulula
-
Tu talavaya ndati lotembo kuenda longusu yetu oco tu kuatise ekongelo?
-
Tu talavaya ndati lovipako vietu oco tu kuatise ekongelo?
-
Volonjila vipi o yongola oku kuatisa ekongelo?
OCO O KŨLĨHE OVINA VIKUAVO
Kũlĩhĩsa esunga lieci Suku ka kisikila afendeli vaye oku eca onepa yekũi.
“Nye Embimbiliya li Popia Catiamẽla Konepa Yekũi?” (Ocipama ci sangiwa lika vo Internet)
Embimbiliya li lekisa ovikele vimue alume va papatisiwa va kuete. Oco hẽ nda kuli esukila liokuti manji umue ukãi wa papatisiwa eye o tẽlisa ovikele viaco, nye ci lingiwa?
“Omoko Yoku Songola Akulu Vekongelo va Kuete Vekongelo” (Utala Wondavululi wa Kayovo 2021)
Kũlĩha Olombangi vimue Via Yehova vakuotõi okuti, va siata oku likolisilako oku ambata alivulu ku vamanji vakuavo.
Kũlĩha ndomo upange wetu u kuatisiwa lolombongo lonjila ya litepa lovisoko vikuavo viatavo.
Ove o ka ci Sola
APULILO A SIATA
Elilongiso Liembimbiliya li Lingiwa Lolombangi Via Yehova li Lomboloka Nye?
Lekuatiso lielilongiso li lingiwa ocali Lolombangi Via Yehova, o pondola oku kuama Lembimbiliya liosi o yongola. Lianja poku laleka epata liove liosi ale akamba vove, oco vu lilongisili kumosi.
