Sokolola esunga lieci o tangela ocisonehua. Osimbu kua tangele ocisonehua cimue, sokolola etosi o yongola oku lombolola kuenda popia cimue ci pondola oku vetiya olonjeveleli vocinimbu caco.

Lekisa okuti cosi o popia ci tunda Vembimbiliya. Poku sapela lomanu va tava ku Suku, va kuatisa oku limbuka eci Embimbiliya li popia catiamẽla kondaka yimue okuti, ku tukula ovisimĩlo viove muẽle.

Vetiya olonjeveleli oku lekisa onjongole kovisonehua. Linga epulilo limue kuenda lekisa ndomo ocisonehua ceca etambululo liaco. Tukula ocitangi cimue, noke lekisa ndomo ocisonehua ci kuatisa oku ci tetulula. Tukulavo onumbi yimue kuenje lekisa ndomo Embimbiliya li kuatisa oku kapako onumbi yaco.