ELILONGISO 6
Lombolola Ndomo Ocisonehua ci Kapiwako
Yoano 10:33-36
CECI O SUKILA OKU LINGA: Ku ka tange lika ocisonehua cimue kuenje o tẽhela kocisimĩlo cikuavo. Lekisa okuti ocisonehua wa tanga ci kuete elitokeko letosi o kasi oku lombolola.
NDOMO O CI LINGA:
-
Tukula olondaka via velapo. Noke yoku tanga ocisonehua cimue, tukula olondaka vi kuete elitokeko letosi lia velapo. O pondola oku ci linga poku pitulula olondaka via velapo vocinimbu, ale poku linga apulilo a vetiya omanu oku limbuka olondaka viaco.
-
Pitulula etosi o yongola okuti omanu va li patekela. Lombolola ndomo olondaka via velapo viocisonehua caco vi kuete elitokeko letosi o kasi oku lombolola.
-
Lekisa lonjila ya leluka ndomo ocisonehua ci kapiwako. Yuvula oku vangula ovina ka vi kuete elitokeko letosi lia velapo. Nda wa sokolola kueci omanu va kũlĩha ale catiamẽla kulandu waco, ci ku kuatisa oku nõla ovina o sukila oku va lomboluila oco va kuate elomboloko lietosi.
