ONEPA 11
Anga hẽ Yehova o tu Yevelela?
Suku o yevelela olohutililo vietu.—1 Petulu 3:12
Yehova ‘Ukuakuyevelela ohutililo.’ (Osamo 65:2) Eye o yongola okuti, tu u sapuila ovina vi kasi vutima wetu.
Likutilila lika ku Yehova, komunu ukuavo hakoko.
1 Yoano 5:14
Tu pondola oku likutilila catiamẽla kovina vialua.—Likutilila okuti ocipango ca Suku ci lingiwa kilu kuenda palo posi.
Likutilila vonduko ya Yesu. Oku ci linga ci lekisa okuti, wa kapako ovina a ku lingila.
Pinga ku Yehova oco a ku kuatise oku linga eci ciwa. O pondolavo oku likutilila catiamẽla keteku lio ketimba, koku sanda upange, oku kuata onjo, uwalo, kuenda uhayele.