ONEPA 3
Omuenyo wa Kala Ndati Vocumbo Celau?
Yehova wa ecele ku Adama la Heva ovina vialua viwa.—Efetikilo 1:28
Yehova wa lulika ukãi watete o tukuiwa hati, Heva, kuenje wo weca ku Adama oco a linge ukãi waye.—Efetikilo 2:21, 22.
Yehova wa va lulika lovisimĩlo via lipua, kuenda letimba lia lipua, okuti ka va kuete ekandu.
Ovo va kala vocitumãlo cimue ca posoka ci tukuwa hati, ocumbo Cedene, muna mua kala olondui viovava, oviti viapako, kuenda ovinyama.
Yehova wa enda oku sapela lavo, kuenda oku va longisa. Nda va pokuile kokuaye, nda va kala otembo ka yi pui Vocumbo Celau palo posi.
Suku wa handelekele okuti ka ci tava oku lia kepako liuti umue.—Efetikilo 2:16, 17
Yehova wa lekisa ku Adama la Heva uti umue wapako wa kala vocumbo, kuenje wa va sapuila hati, nda va liako, va fa.
Umue pokati kovangelo va Suku, wa lekisa esino. Ungelo waco ondingaĩvi, Satana Eliapu.
Satana ka yonguile okuti, Adama la Heva va pokola ku Yehova. Omo liaco, wa iñilila vonyoha kuenje wa sapuila Heva hati, nda wa lia kepako liuti, ka fi, pole, o kala nda Suku. Ocili okuti, ondaka eyi ya kala yuhembi.—Efetikilo 3:1-5.
Ove o ka ci Sola
ESSENTIAL BIBLE TEACHINGS
Momo Lie Suku a Lulikila Ongongo?
Ongongo yetu ocitumãlo cimue ca posoka. Oyo ya kapiwa ocipãla lutanya, ya kapiwa pocitumãlo calio kuenda yi ñuala ñuala vesokiyo yalio. Momo lie Suku a pangela ongongo?
