Watatu wa Yoano 1:1-14
1 Ame ndulume wa kuka,* ndi sonehela Gaio wa soliwa haeye ndi sole cocili.*
2 A manji wa soliwa, ndi likutilila okuti kovina viosi amamako oku kala ciwa* kuenda o kuata uhayele uwa, ndeci omuenyo wove u kasi ciwa.
3 Momo nda sanjuka calua eci vamanji veya kuenda va imba uvangi watiamẽla kocili ove wa kakatela, osimbu ove wamamako oku endela vocili.+
4 Eci ndi yeva okuti omãla vange va kasi oku endela vocili, ci ndi sanjuisa* calua.+
5 A manji wa soliwa, ove o lekisa okuti ukuacili ku Suku kovina viosi o lingila vamanji, ndaño muẽle ku vana kua kũlĩhĩle.+
6 Ovo va imba uvangi wocisola o kuetele ekongelo. Linga ohenda, va tuma vonjila yavo ndomo ci sanjuisa Suku.+
7 Momo ovo va enda oco va ka kunde mekonda lionduko ya Suku okuti, ka va tambuile cimue+ komanu vakualofeka.
8 Omo liaco, tu sesamẽla oku yekisa omanu va soka ndava+ oco tu talavayele kumosi vocili.+
9 Nda sonehela cimue ekongelo, puãi Deotrefe una o sole oku likapa pomangu yatete pokati kavo,+ cosi tu popia ka ci tava lesumbilo.+
10 Eli olio esunga lieci okuti nda ndeya, ndi ka situlula ovina a kasi oku linga poku sandula olondaka vĩvi viatiamẽla kokuetu.*+ Omo okuti eye ka sanjukile lovina evi, eye o likala oku yekisa vamanji+ lesumbilo; kuenda vana va yongola oku va yekisa, eye o seteka oku va tateka loku va tundisa vekongelo.
11 A manji wa soliwa, ku ka setukule eci cĩvi, puãi setukula eci ciwa.+ Una o linga eci ciwa wa tunda ku Suku.+ Pole, una o linga eci cĩvi ka kũlĩhĩle Suku.+
12 Vamanji vosi va imbila uvangi uwa Demetrio kuenda eye wambata omuenyo u litava locili. Letuvo tu kasi oku imba uvangi watiamẽla kokuaye kuenda ove wa kũlĩha okuti uvangi tu eca, wocili.
13 Ñuete ovina vialua vioku ku sonehela, pole, si yongola oku ku vi sonehela lopena kuenda lotinda.
14 Puãi ndi lavoka oku ku mola ndopo, oco tu sapele polo la polo.
Ombembua yi kale love.
Akamba va ku tumisa ovilamo. Eca ovilamo viange kakamba, omunu lomunu.
Atosi Pombuelo
^ Ale “Ukulu.”
^ Ale “ndu solele vocili.”
^ Lit., “oku suñamisa onjila.”
^ Ale pamue, “esunga lioku pandula.”
^ Lit., “oku popia olondaka ka via sungulukile viatiamẽla kokuetu.”
