Esinumuĩlo 33:1-29
33 Eli olio esumũlũho Mose ukuenje wa Suku yocili a eca ku va Isareli osimbu eye ka file.+
2 Eye wa popia hati:
“Yehova wa tunda ko Sinai,+Kuenda wa nina kokuavo oku upisa ko Seire.
Eye wa nina lulamba waye oku upisa kovaimbo a kasi kolomunda vio ko Parane,+Eye wa kala lolohuluwa* violosandu,+Kuenda konele yaye yondio kua kala asualali vaye.+
3 Eye wa kuatela ocisola omanu vaye;+Olosandu viavo viosi vi kasi peka liove.+
Ovo va tumãlele kolomãhi viove;+Va fetika oku yevelela olondaka viove.+
4 (Mose wa tu ĩha onumbi yimue okuti, ocihandeleko cimue,+Ndocipiñalo cekongelo lia Yakoba.)+
5 Eye wa linga osoma vo Yesurumi,*+Eci asongui vomanu va likongela pamosi,+Kumue lovikoti viosi via Isareli.+
6 Ruvene a kale lomuenyo kuenda ka ka fe,+Lalume vaye ka va ka kale vatito.”+
7 Ku Yuda wa eca esumũlũho eli liokuti:+
“A Yehova yevelela ondaka ya Yuda,+Kuenda u tiuwiya vali komanu vaye.
Ovoko aye a teyuila eci caye,Kuenda u kuatisa omo liovanyãli vaye.”+
8 Ku Lewi eye wa popia hati:+
“O Tumimi yove lo Urimi yove+ vi kale lomunu una okuti ukuacili love,+Una ove wa seteka ko Masa.+
Una wa fetika oku lihoya laye ocipepi lovava o ko Meriva,+
9 Ulume una wa popia catiamẽla ku isiaye la inaye hati: ‘Sia va kapeleko.’
Eye ka limbukile vamanjaye,+Wa yanduluka omãla vaye muẽle.
Omo va kapako ondaka yove,Kuenda va lava ocisila cove.+
10 Ovo va longise Yakoba oku endela voviholo viove+Kuenda Isareli Vocihandeleko cove.+
Ovo va ece insensu vi eca elemba liwa kokuove,*+Kuenda ocilumba ceciwa kutala wove.+
11 A Yehova sumũlũisa ongusu yaye,Kuenda sanjukila ovopange ovaka aye.
Teya ovolu* a vana vo katukila,Oco okuti vana vo suvuka ka va votoka vali.”
12 Ku Benjamini eye wa popia hati:+
“U o soliwe la Yehova a tunge loku kolapo konele yaye;Osimbu eye o vundisa eteke liosi,Eye o tunga konyima* yaye.”
13 Ku Yosefe eye wa popia hati:+
“Osi yaye yi sumũlũisiwe la Yehova,+Lovina via velapo vio kilu,Lowume kuenda ovava a lokila posi,+
14 Lovina via velapo vi kula lutanya,Kuenda ovaima a velapo osãi losãi,+
15 Lovina via velapo via tunda kolomunda viosimbu,*+Kuenda ovina vio kolomunda ka vi sondoloka,
16 Lovina via velapo vio posi kuenda ovina vi kasimo,+Loku taviwa la Una wa molẽha vocisapa.+
Ovina viosi evi vi wile kutue wa Yosefe,Vi futisa kutue wa una wa nõliwa pokati ka vahuvaye.+
17 Ongusu yaye ya lisoka leyi yonuñulu yongombe,Kuenda olombinga viaye via lisoka lolombinga vionui yovusenge.
Kuenda undumũhila* lavio omanu,Vosi yavo toke kasulilo o kilu lieve.
Ovo ekũi kolohulukãi via Efarimi,+Haivo olohulukãi via Manase.”
18 Ku Sevulono eye wa popia hati:+
“A Sevulono sanjukila oku litunda kuove,Ove a Isakare sanjukila volombalaka viove.+
19 Ovo va ka kovonga omanu komunda.
Oko va ka lumbila ovilumba viavo viesunga.
Momo ovo va kopa ovokuasi alua* o vokalungaKuenda ovokuasi a solekiwa veseke.”
20 Ku Gadi eye wa popia hati:+
“Wa sumũlũha omunu o vokiya olongave via Gadi.+
Momo oko eye a pekela ndohosi,Okuti ya liangiliyila oku lia okuokuo, ocili, utue wocinyama ya kuata.
21 Eye o ka nõla onepa yatete oco yi linge yaye,+Momo oko ku solekiwa onepa yonganji.+
Asongui vomanu va ka likongela pamosi.
Eye o ka tẽlisa esunga lia Yehova,Kuenda oviholo viaye la Isareli.”
22 Ku Dani eye wa popia hati:+
“Dani omõla ohosi.+
Eye o ka tẽha ko Basiane.”+
23 Ku Nafitali eye wa popia hati:+
“Nafitali wa sanjukila oku taviwa la YehovaKuenda eye wo sumũlũisa calua.
Tambula onepa yutakelo kuenda onepa yombuelo.”
24 Catiamẽla ku Asiyere wa popia hati:+
“Asiyere wa sumũlũisiwa lomãla.
Vahuvaye va lekise ohenda kokuaye,Loku yulisa* olomãhi viaye vulela.
25 Olosapi violombundi viove viutale losipi,+Kuenda ove o ka kolapo oloneke viove viosi.*
26 Lomue wa lisoka la Suku yocili+ ya Yesurumi,+Una endela valende o kilu oco a ku kuatiseHaeye endela valende wulamba waye.+
27 Suku eye ocivundilo tunde kosimbu,+Ovoko Aye ka a pui a kasi vemẽhi liove.+
Eye o ka lupuisa unyãli kovaso ove,+Kuenda o ka popia hati: ‘Va nyõla!’+
28 Isareli o ka tunga loku kolapo,Kuenda ovitumbulukila* via Yakoba vi ka enda lika wavoVofeka yimue muli olomema lovinyu yokaliye,+Okuti kovailu ku ka tunda owume.+
29 A Isareli wa sumũlũha!+
Helie wa lisoka love,+Ofeka yimue okuti epopelo liayo li tunda ku Yehova okuti,+Eye ociyepelo calio ceteyuilo+Haeye osipata yalio yulamba?
Ovanyãli vove va ka ku kuatela usumba,+Kuenda ove o ka va liatela koloñoño viavo.”*
Atosi Pombuelo
^ Ale “ekũi liolohuluwa kolohuluwa violosandu.”
^ Ci lomboloka “Yuna ukuesunga,” onduko yimue yesumbilo ku Isareli.
^ Lit., “vanyulu ove.”
^ Ale “oviongo.”
^ Lit., “pokati kapepe aye.”
^ Ale pamue, “olomunda vio kutundilo.”
^ Ale “oku toma.”
^ Lit., “va lia elau lio.”
^ Ale “oku sukula.”
^ Lit., “Ndeci ci kasi oloneke viove haico ci kala ongusu yove.”
^ Lit., “Ono ya.”
^ Ale pamue, “kovitumãlo via lepa.”
