Amosi 2:1-16
2 “Ca popia Yehova ceci hati,‘“Omo liasino* atatu a Moavi+ kuenda omo liasino akuãla, si ka litiukamo,Momo eye wa timĩha akepa a soma yo ko Edome oco a lingiwe ohala.
2 Omo liaco, ndi ka tumisa ondalu ko Moavi,Kuenda oyo yi ka lia olosapalalo vi kuete oviteyuilo vio ko Keriote,+Moavi o ka fila vokati konjuela,Loku liyula kuyaki locileñi combinga yimue.+
3 Ndi ka tundisa ombiali* pokati kayeKuenda ndi ka ponda olombuale viaye viosi kumue laye,”+ oco Yehova a popia.’
4 Ca popia Yehova ceci hati;‘Omo liasino atatu a Yuda+ kuenda omo liasino akuãla, si ka litiukamo;Momo ovo va likala ocihandeleko* ca Yehova,Kuenda momo ka va lavele oviholo viaye;+Pole, va yapuisiwa lovohembi amuamue ana vakukululu yavo va kuama.+
5 Omo liaco, ndi ka tumisa ondalu ko Yuda,Kuenje oyo yi ka lia olosapalalo vi kuete oviteyuilo vio Yerusalãi.’+
6 Ca popia Yehova ceci hati,‘Omo liasino atatu a Isareli+ kuenda omo liasino akuãla, si ka litiukamo,Momo ovo va landisa esunga lopalata,Kuenda ohukũi lolohaku vivali.+
7 Ovo va siata oku kosela ovitue viambombe voneketela yo kilu lieve,+Kuenda ovo va yika onjila ya vakuesunga.
Isia kuenda omõlaye ulume va siata oku lipekela lufeko umuamue,+Va sepula onduko yange yi kola.
8 Ocipepi lovotala osi,+ ovo va tikula ovikutu viavo ndonjeke yeci ca levaliwa;*+Kuenda ovinyu va nyua konjo* yolosuku viavo, ya tunda ketevo lia kisikiwa komanu.’
9 ‘Pole, ame nda kundula u Amori kovaso avo,+Una wa lepele calua nduti wosedru kuenda wa pamele calua ndulemba;Nda nyõla apako aye kilu kuenda olombombo viaye kosi.+
10 Ame ndo vupi kofeka Yegito,+Kuenda nda vu endisi vekalasoko vokuenda 40 kanyamo,+Oco vu piñali ofeka yo Amori.
11 Nda nõla vamue pokati komãla vavo ndovaprofeto+Kuenda vamue pokati kamalẽhe vavo nda va Nasiri.+
Eci hẽ haciliko, Amanu va Isareli?’ oco Yehova a popia.
12 ‘Pole ene wa ecaeci ovinyu ku va Nasiri oco va nyue,+Kuenda wa handeleki ovaprofeto hoti: “Ka vu ka imbi owanji.”+
13 Omo liaco, ndi ka vu koseli kovitumãlo viene,Ndeci okalosa kamue ka ambata ovitungu viotiliku ka kosa ovina viosi vi kasi vemẽhi liaco.
14 Ukuanjanga ka ka kuata ocitumãlo coku tilila,+U wa pama ka ka kuata ongusu,Kuenda lalimue esualali li ka puluka lomuenyo.
15 Ukuahonji ka ka puluka,U o kuete ovolu onjanga ka ka puluka,Ukuakuendela kolokavalu ka ka puluka lomuenyo.
16 Ndaño muẽle una ukuotõi* pokati kasualali,Keteke liaco o ka tila atako,’+ oco Yehova a popia.”
Atosi Pombuelo
^ Ale “ungangala.”
^ Lit., “onganji.”
^ Ale “onumbi.”
^ Ale “nduvangi.”
^ Ale “onembele.”
^ Ale “vana va pama vutima.”
