Amosi 5:1-27
5 “Yeveleli ondaka eyi ndi kasi oku sapula ndelisiõsuĩlo* kokuene, Anjo ya Isareli:
2 ‘Isareli, ufeko wosombo, wa kupuka;Eye ka tẽla vali oku votoka.
Eye wa yandulukiwa vofeka yaye muẽle;Ka kuli laumue u votola.’
3 “Ca popia Ñala Tõlo Yehova ceci hati:
‘Olupale lu tuma ohulukãi yasualali kuyaki, lu tiuka locita casualali;Kuenda luna lu enda locita casualali lu tiuka lekũi, konjo ya Isareli.’+
4 “Yehova wa sapuila onjo ya Isareli hati:
‘Ndi sandiliyi kuenje wamamiko oku kala lomuenyo.+
5 Ko ka sandiliyi o Betele,+Ko ka endi ko Giligali+ ale oku enda ko Beresieva,+Momo o Giligali yi kambatiwa muẽle kumandekua,+Kuenda o Betele yi ka kunduiwa.*
6 Sandi Yehova kuenje wamamiko oku kala lomuenyo,+Oco okuti, eye ka lundula onjo ya Yosefe ndondalu,Loku timĩha o Betele okuti lomue o yima.
7 Ene wa pongololi esunga okuti, li linga ocikũla cilula,*Kuenda wa tundisi esunga kilu lieve.+
8 Una wa panga ocengele colombungululu* vio Kima kuenda ocengele colombungululu,* vio Kesili,+Una o pongolola ulembo okuti u linga omẽle,Una o lingisa okuti utanya u linga owelema nduteke,+Una o kovonga ovava o vokalungaOco a a sukumuile kilu lieve+—Yehova oyo onduko yaye.
9 Eye o ka koka enyõleho oco li nyõle u wa pama,Eye o nena enyõleho kovitumãlo via koka.
10 Ovo va nyãle olonganji vi sombisila pombundi yolupale,Kuenda va nyãle vana va vangula ocili.+
11 Omo okuti ene vu kisika ohukũi oku eca kokuene apako* o vepiaKuenda vu tambuli olomema viavo ndulambu,+Ene ka vu kamamako oku kala volonjo viovawe a songiwa, vina ene wa tungi+Ndaño oku nyua kovinyu yi tunda kayuva ene wa kũli.+
12 Momo nda kũlĩha evokiyo liovilinga viene viesinoKuenda ndomo akandu ene a livokiya—Ene vu saluisa vakuesunga,Vu tava ovitukiko;Kuenda ka vu sombisa lesunga ohukũi pombundi yolupale.+
13 Omo liaco, vana va loñoloha va kamamako oku ũha kotembo yaco,Momo oyo yi ka kala otembo yimue yohali.+
14 Sandi eci ciwa kuenda ko ka sandi eci cĩvi,+Oco wamamiko oku kala lomuenyo.+
Kuenje Yehova Suku ukualohoka o kala lene,Ndeci ene vu popia hati, eye o kasi lene.+
15 Suvuki eci cĩvi kuenda soli eci ciwa,+Eceleli okuti olonganji vi lekisa esunga pombundi yolupale.+
Pamue Yehova Suku ukualohokaO kuatela ohenda ocisupe ca Yosefe.’+
16 “Omo liaco, Yehova Suku ukualohoka, Yehova wa popia hati:
‘Povitanda viosi pa ka kala oku lisiõsiõla,Kuenda volokololo viosi ovo va ka popia vati: “Avoyo we, avoyo we!”
Ovo va ka vilikiya olongunja oco vi lileKuenda vana va fetiwa oco va lile.’
17 ‘Voviumbo viosi viayuva mu ka kala oku lisiõsiõla;+Momo ndi ka pita pokati kene,’ oco Yehova a popia.
18 ‘Ngongo yava va lavoka eteke lia Yehova!+
Eteke lia Yehova li ka lomboloka nye kokuene?+
Olio li ka kala owelema okuti ocinyi sio.+
19 Eteke liaco, li ka kala ndulume o tila ohosi kuenje o ñualẽhela lo ursu,Kuenda eci a iñila vonjo yaye loku kunamela eka vocimano, onyõha yimue yu lumana.
20 Eteke lia Yehova ka li ka kala hẽ owelema okuti ocinyi sio?
Ka ku ka kala hẽ alende a tekãva okuti ocinyi sio?
21 Nda suvuka, ndi nyãle ovipito viene,+Kuenda si sanjukila elemba liolohongele viene vilikasi.
22 Ndaño vu ndi lumbila ovilumba vioku pia elisi kuenda ovilumba,Si ka vi sanjukila,+Kuenda si ka vanja lohenda kovilumba viene viombembua viovinyama via neta.+
23 Liwekipo oku ndingila onjuela lovisungo viene,Kuenda si yongola oku yeva ovileñi viovikuata viene viovisikilo via pangiwa lovikolo.+
24 Esunga li tumõhe ndovava,+Kuenda esunguluko ndolui lumue ka lu takata.
25 Anjo ya Isareli, ene hẽ wa ndi neneli ovilumba vioku eca ndombanjaileVekalasoko vokuenda kueci ci soka 40 kanyamo?+
26 Kaliye vu sukila oku ambata Sakuti soma yene kuenda Kayuma,*Oviñumañuma violumbungululu ya suku yene vina wa li pangeli,
27 Kuenje ndu tumisi kumandekua ocipãla lo Damasko,’+ oco ca popia Suku ukualohoka una okuti, onduko yaye Yehova.”+
Atosi Pombuelo
^ Ale “ndocisungo cesumuo.”
^ Ale pamue, “yi ka kala ocina cimue ci nyõliwa.”
^ Tala Elomboluilo.
^ Pamue olombungululu vio Pleiades vocengele colombungululu vio Touro.
^ Pamue ocengele colombungululu vio Orion.
^ Ale “elisimu.”
^ Olosuku viaco vi tiamisiwila kocengele Saturno okuti, ca enda oku fendeliwa ndosuku yimue.