Amosi 6:1-14
6 “Ngongo ya vana va likolela* vo Siono,Vana va sima okuti va kolapo komunda yo Samaria,+Asongui vofeka ya velapo,Ku vana onjo ya Isareli ya kolelele!
2 Kuendi ko Kaline kuenda tali.
Oku upisa oko kuendi ko Hamati Yinene,+Kuenda lokili ko Gati olupale lua va Filisiti.
Anga hẽ o-o a velapo ovosoma* ava,Ale ovikanjo viavo via tanda okuti viene vi sule?
3 Anga hẽ vu kasi oku upa vovisimĩlo viene eteke liohali+Kuenda oku nena uviali* umue wungangala?+
4 Ovo va pekela kolohama viombinga yonjamba+ kuenda va tumãla kolomangu via fina,+Va lia ovitupi violomeme viopiwa vocunda kuenda olongombe via neta;*+
5 Ovo va luvikiya ovisungo viocileñi cohalupa,*+Kuenda nda Daviti, ovo va luvikiya ovikuata vioku sika;+
6 Va nyuila ovinyu volokopo vinene+Kuenda va li sieketa ulela wa velapo.
Pole, ovo ka va sakalalele* lekundu lia Yosefe.+
7 Omo liaco, pokati ka vosi ovo tete va ka enda kumandekua,+Kuenda otembo yoku tumãla kolomangu via fina yi ka sulila.
8 ‘Ñala Tõlo Yehova wa lisila eye muẽle,’+ oco Yehova Suku ukualohoka a popia,‘“Nda suvuka ocipululu ca Yakoba,+Ndi nyãle olosapalalo viaye vi kuete oviteyuilo,+Ndi ka eca olupale kuenda cosi ci kasimo.+
9 “‘“Nda vonjo yimue mua supa ekũi kalume, ovo va ka pondiwavo.
10 Umue ukuepata* o keya kuenje o va tundisila posamua loku va timĩha umosi umosi. Eye o ka tundisa vonjo akepa avo; kuenje o ka pulisa wosi o kasi volohondo vionjo hati: ‘Muli vali umue o kasi love?’ Noke eye o ka tambulula hati: ‘Ka muli laumue!’ Kuenje eye o ka popia hati: ‘Ũhako! Momo hatemboko yoku tukula onduko ya Yehova.’”
11 Momo Yehova wa eca ocihandeleko,+Kuenda eye o ka nyõla pe onjo yinene,Kuenje onjo yitito yi linga alunda.+
12 Anga hẽ olokavalu vi yolokela vesenje limue,Ale umue o limilamo lolongombe?
Momo ene wa pongololi esunga ndocikũla ci kuete owule,Kuenda epako liesunga lia pongoloka ocikũla cilula.*+
13 Ene vu sanjukila eci ka ci kuete esilivilo,Kuenda vu popia hoti: “Ka tua pamele* hẽ omo liongusu yetu muẽle?”+
14 Omo liaco, Anjo ya Isareli, ndi nena ofeka yimue kokuene,’+ oco Yehova Suku ukualohoka a popia,‘Kuenje ovo va ko kangisi oku upisa ko Lebo-Hamati*+ toke Vekango* lio Araba.’”
Atosi Pombuelo
^ Ale “oku lipolapo.”
^ Citava okuti, ci tiamisiwila kovosoma o ko Yuda kuenda o Isareli.
^ Lit., “omangu.”
^ Ale “olonãle.”
^ Ale “ovikuata viovisikilo via pangiwa lovikolo.”
^ Lit., “ka va velele omo.”
^ Lit., “Manji ya isiaye.”
^ Tala Elomboluilo.
^ Lit., “wambata olombinga vietu muẽle.”
^ Ale “poku iñilila ko Hamati.”
^ Tala Elomboluilo.
