Esekiele 45:1-25
45 “‘Eci vu tepisa ofeka ndocipiñalo,+ vu sukila oku eca ombanjaile yimue ku Yehova onepa yimue yi kola yofeka.+ Oku lepa kualio ku soke 25.000 kovikeya* kuenda upati walio u soke 10.000 kovikeya.+ Ocitumãlo caco cosi ci ka kala onepa* yimue yi kola.
2 Vokati kalio mu ka kala ocitumãlo ci kola colonele vikuãla via lisoka, vi soka 500 kovikeya+ kuenda konele yikuavo 500 kovikeya* kuenje ocitumãlo caco ci ka kuata 50 kovikeya viusenge woku lisila oviunda konele lonele.+
3 Kocitumãlo caco, ove o sukila oku setekako ci soka 25.000 kovikeya koku lepa kuenda 10.000 kovikeya vupati kuenda omo mu ka kala ocitumãlo ci kola okuti, ocitumãlo ci kola koku kola.
4 Oyo yi ka kala onepa yimue yi kola yofeka yovitunda,+ vina vi vumbila vocitumãlo ci kola okuti, va amela ku Yehova oco vo vumbe.+ Oco, ci ka kala ocitumãlo cimue colonjo viavo kuenda ocitumãlo ci kola conembele.
5 “‘Ku va Lewi vana va vumba vonembele, ku ka kala onepa yimue yi kuete 25.000 kovikeya kusõvi kuenda 10.000 kovikeya vupati+ kuenda ovo va ka kuata 20 kolohondo vioku lilamo ndocipiñalo.+
6 “‘Ene vu sukila oku eca ndocipiñalo colupale, onepa yimue yi kuete 25.000 koku lepa (yi soka lombanjaile yi kola) kuenda 5.000 kovikeya vupati.+ Oyo yi ka tiamẽla konjo yosi ya Isareli.
7 “‘Catiamẽla kusongui, ku ka kala ofeka yimue kolonele vivali viombanjaile yi kola kuenda onepa ya nõliwila ofeka. Oyo yi ka kala ocipepi lombanjaile yi kola kuenda ocipiñalo colupale. Oyo yi ka kala konele yutakelo kuenda konele yutundilo. Oku lepa kualio oku upisa kongave yutakelo toke kongave yutundilo, ku soka lonepa yeciwa kocikoti cimue.+
8 Ofeka eyi yi ka linga ocipiñalo caye ko Isareli. Asongui vange ka va ka talisa vali ohali omanu vange+ kuenda ovo va ka eca onepa yofeka ya supapo konjo ya Isareli ndomo ci likuata locikoti cavo.’+
9 “Ca popia Ñala Tõlo Yehova ceci hati: ‘Ci tẽla yapa, asongui vo Isareli!’
“‘Sipo ungangala wene kuenda akangiso kuenje lingi eci ciwa leci ca sunguluka.+ Liwekipo oku tambula ovipiñalo viomanu vange,’+ oco Ñala Tõlo Yehova a popia.
10 ‘Ene vu sukila oku talavaya lombalãsa yocili, ombalãsa yonjongo* yo efa kuenda ombalãsa yocili yonjongo* yombatu.+
11 Ku kale lika onjongo yimosi yo efa kuenda onjongo yombatu. Onjongo yombatu yi kuate ekũi lio homeri* kuenda onjongo yo efa yi kuate ekũi lio homeri. O homeri oyo yi ka kuamiwa vonjongo.
12 Osiekele+ yi soke 20 kologera.* Kuenda 20 kolosiekele oku vokiyako 25 kolosiekele oku vokiyako 15 kolosiekele okuti vi ka lisoka lomane* yimue kokuene.’
13 “‘Ombanjaile vu sukila oku eca yeyi: onepa yimue yepandu yo efa ko homeri lo homeri yotiliku kuenda onepa yimue yepandu yo efa ko homeri lo homeri yosevata.
14 Onepa yimue yulela yeciwa, yi kunamẽla konjongo yombatu. Ombatu, onepa yimue yekũi yo koru* kuenda olombatu ekũi vi soka o homeri yimosi, momo olombatu ekũi, vi soka o homeri yimosi.
15 Pokati kolomeme vioviunda via Isareli, polomeme 200 pa tunde omeme yimosi oco yeciwe. Ovio vi ka eciwa ndocilumba colomema,+ ocilumba cosi coku pia elisi+ kuenda ovilumba viombembua,+ oco ku tuvikiwe akandu omanu,’+ oco Ñala Tõlo Yehova a popia.
16 “‘Omanu vosi vo vofeka va ka eca ombanjaile yaco+ kusongui wo ko Isareli.
17 Pole, usongui eye o ka kala ukuacikele covilumba viosi vioku pia elisi,+ ocilumba colomema+ kuenda ocilumba coku nyua vokuenda kuovipito,+ oku molẽha kuosãi yokaliye, Asambata+ kuenda ovipito viosi via sokiyiwa vionjo ya Isareli.+ Usongui waco eye o ka linga esokiyo lioku eca ocilumba cekandu, ocilumba colomema, ocilumba coku pia elisi kuenda ovilumba viombembua, oco ku tuvikiwe akandu onjo ya Isareli.’
18 “Ca popia Ñala Tõlo Yehova ceci hati: ‘Kosãi yatete, keteke liatete liosãi, ove o sukila oku eca onãle ka yi kuete etondelo yopiwa vocunda kuenje o yelisa ocitumãlo ci kola kekandu.+
19 Ocitunda ci ka tikula onepa yimue yosonde yocilumba cekandu kuenda o ka yi kapa kovikuli viapito vionembele+ okuti, kolonele vikuãla via ñuala kongenge yutala kuenda kovikuli viombundi yocitali co vokati.
20 Eci oco o ka linga keteke liepanduvali liosãi, omo liomunu umue wa linga ekandu okuti halocipangoko ale omo okuti ka yonguile oku ci linga;+ kuenda vu sukila oku tuvika ekandu lionembele.+
21 “‘Kosãi yatete keteke 14 liosãi, vu ka linga ocipito co Paskoa.+ Vokuenda kuoloneke epanduvali ku liwe ombolo ka yi kuete etumbisa.+
22 Keteke liaco, usongui o ka linga eliangiliyo lionãle ndocilumba cekandu coku tuvika akandu aye muẽle kuenda oku tuvika akandu omanu vosi vo vofeka.+
23 Vokuenda kuoloneke epanduvali viocipito, eye o ka linga eliangiliyo liocilumba coku pia elisi ku Yehova, olongombe epanduvali ka vi kuete etondelo kuenda olomeme epanduvali ka vi kuete etondelo eteke leteke vokuenda kuoloneke epanduvali,+ oku kongelamo ocitupi cohombo eteke leteke ndocilumba cekandu.
24 Eye o sukilavo oku linga eliangiliyo liocilumba cimue colomema co efa yonãle lonãle kuenda o efa yomeme lomeme, oku kongelamo o hine* yulela wo efa lo efa.
25 “‘Kosãi yepanduvali, keteke 15 liosãi, voloneke epanduvali vokuenda kuocipito,+ eye o sukila oku linga eliangiliyo limuamue liocilumba cekandu, ocilumba coku pia elisi, ocilumba colomema kuenda ulela.’”
Atosi Pombuelo
^ Yi tiamisiwila kovikeya via lepa. Tala Alombo. B14.
^ Ale “Vokati kolongave vialio viosi.”
^ Lit., “kolonele viosi 500.”
^ Tala Alombo. B14.
^ Tala Alombo. B14.
^ Tala Alombo. B14.
^ Ale “omina.” Tala Alombo. B14.
^ Tala Alombo. B14.
^ Tala Alombo. B14.
^ Tala Alombo. B14.
