Esekiele 48:1-35
48 “Evi ovio olonduko viovikoti oku fetikila kesulilo lionele yo konano: Onepa ya Dani+ ya fetikila oku upisa konjila yo Hetilone toke ko Lebo-Hamati,*+ ko Hacare-Enana, oku loña kongave yo konano yo Damasko, konele yo Hamati;+ kuenje oyo ya sanjavala oku upisa kutundilo toke kongave yutakelo.
2 Onepa ya Asiyere+ yi lisungue longave ya Dani, oku upisa kongave yutundilo toke kongave yutakelo.
3 Onepa ya Nafitali+ yi lisungue longave ya Asiyere, oku upisa kongave yutundilo toke kongave yutakelo.
4 Onepa ya Manase+ yi lisungue longave ya Nafitali, oku upisa kongave yutundilo toke kongave yutakelo.
5 Onepa ya Efarimi yi lisungue longave ya Manase,+ oku upisa kongave yutundilo toke kongave yutakelo.
6 Onepa ya Ruvene yi lisungue longave ya Efarimi,+ oku upisa kongave yutundilo toke kongave yutakelo.
7 Onepa ya Yuda yi lisungue longave ya Ruvene,+ oku upisa kongave yutundilo toke kongave yutakelo.
8 Kongave ya Yuda, oku upisa kongave yutundilo toke kongave yutakelo, vu sukila oku tepako ombanjaile yi kuete 25.000 kovikeya* vupati+ kuenda koku lepa yi likuate lolonepa vi eciwa kocikoti cimue, oku upisa kongave yutundilo toke kongave yutakelo. Ocitumãlo ci kola ci ka kala vokati kalio.
9 “Ombanjaile yina vu sukila oku eca ku Yehova yi kuate 25.000 kovikeya vusõvi kuenda 10.000 vupati.
10 Eyi, yi ka kala ombanjaile yi kola kovitunda.+ Oyo yi ka kuata 25.000 kovikeya konele yo konano, 10.000 konele yutakelo, 10.000 konele yutundilo kuenda 25.000 kombuelo. Ocitumãlo ci kola ca Yehova ci ka kala vokati kalio.
11 Oyo yi ka kala yovitunda via kolisiwa pokati komãla va Sadoke,+ vina vi tẽlisa ovikele viavo kokuange kuenda ka via yapuisiwile eci va Isareli la va Lewi va yapuisiwa.+
12 Ovo va ka kuata onepa yimue yombanjaile yofeka ya tepiwa ndocina cimue ci kola koku kola, yi lisungue longave ya va Lewi.
13 “Noke yonepa yovitunda, va Lewi va ka kuata onepa yimue yi soka 25.000 kovikeya koku lepa kuenda 10.000 vupati. (Usõvi waco wosi u ka soka 25.000 koku lepa kuenda 10.000 vupati.)
14 Ka citava okuti va landisa, va tolokala, ale oku eca onepa yimue ya velapo yofeka, momo oyo ocina cimue ci kola ku Yehova.
15 “Onepa yi supapo yi soka 5.000 kovikeya vupati konele yongave yeci ci soka 25.000 kovikeya, yi ka tiamẽla kovopange año o volupale,+ konjo kuenda kusenge woku lisila oviunda. Olupale lu ka kala vokati kalio.+
16 Oloseteko violupale vievi: ongave yo konele yonano yi soka 4.500 kovikeya, ongave yo konele yombuelo yi soka 4.500, ongave yo konele yutundilo yi soka 4.500 kuenda ongave yo konele yutakelo, yi soka 4.500.
17 Usenge woku lisila oviunda wolupale u ka kuata 250 kovikeya konele yonano, 250 konele yombuelo, 250 konele yutundilo kuenda 250 konele yutakelo.
18 “Usõvi wonepa yi supapo, u ka likuata lombanjaile yi kola+ okuti 10.000 kovikeya konele yutundilo kuenda 10.000 konele yutakelo. Oyo yi ka lisoka lombanjaile yi kola kuenda ovaima alio a ka kala okulia kua vana va linga upange volupale.
19 Oyo yi ka limiwa la vana va linga upange volupale okuti, va tunda kovikoti viosi via Isareli.+
20 “Ombanjaile yosi yi soka 25.000 kovikeya kolonele vikuãla via lisoka. Vu sukila oku yi supisapo ndombanjaile yi kola kumue locipiñalo colupale.
21 “Ovina vi ka supa kolonele vivali viombanjaile yi kola kuenda ocipiñalo colupale, vi ka tiamẽla kusongui.+ Oyo yi ka kala ocipepi lolongave vi soka 25.000 kovikeya konele yutundilo kuenda konele yutakelo yombanjaile. Oyo yi ka li kuata lolonepa via lisoka kuenda vi ka kala viusongui. Ombanjaile yi kola kuenda ocitumãlo ci kola conembele vi ka kala pokati kaco.
22 “Ocipiñalo ca va Lewi kuenda ocipiñalo colupale vi ka kala pokati konele yi tiamẽla kusongui. Ocikanjo cusongui ci ka kala pokati kongave ya Yuda+ kuenda ongave ya Benjamini.
23 “Catiamẽla kovikoti via supapo, onepa ya Benjamini yi tunda oku upisa kongave yutundilo toke kongave yutakelo.+
24 Onepa ya Simeone yi lisungue longave ya Benjamini,+ yi tunda oku upisa kongave yonele yutundilo toke kongave yutakelo.
25 Onepa ya Isakare+ yi lisungue longave ya Simeone, yi tunda oku upisa kongave yonele yutundilo toke kongave yutakelo.
26 Onepa ya Sevulono yi lisungue longave ya Isakare,+ yi tunda oku upisa kongave yonele yutundilo toke kongave yutakelo.+
27 Onepa ya Gadi yi lisungue longave ya Sevulono,+ yi tunda oku upisa kongave yonele yutundilo toke kongave yutakelo.
28 Ongave yo kombuelo ocipepi longave ya Gadi yi ka fetika oku upisa ko Tamare+ oku loña kovava o Merivoti-Kadesi+ oku loña Kekango*+ toke Kokalunga Kanene.*
29 “Eyi oyo ofeka vu tepisa ndocipiñalo kovikoti via va Isareli+ kuenda ovio vi ka kala olonepa viavo,”+ oco Ñala Tõlo Yehova a popia.
30 “A-a a ka kala atundilo o volupale: Onele yo konano yi ka kuata 4.500 kovikeya.+
31 “Olombundi violupale vi ka lukiwa olonduko ndomo ci likuata lovikoti via Isareli. Kolombundi vitatu vio konano kuli ombundi yimue ya Ruvene, yimue ya Yuda kuenda yimue ya Lewi.
32 “Konele yutundilo ku ka kuata 4.500 kovikeya koku lepa kuenda ku ka kuata olombundi vitatu: Ombundi yimue ya Yosefe, ombundi yimue ya Benjamini kuenda ombundi yimue ya Dani.
33 “Konele yombuelo ku ka kuata 4.500 kovikeya koku lepa kuenda ku ka kuata olombundi vitatu: Ombundi yimue ya Simeone, ombundi yimue ya Isakare kuenda ombundi yimue ya Sevulono.
34 “Konele yutakelo ku ka kuata 4.500 kovikeya koku lepa kuenda ku ka kuata olombundi vitatu: Ombundi yimue ya Gadi, ombundi yimue ya Asiyere kuenda ombundi yimue ya Nafitali.
35 “Esokiyo liosi li ka kala 18.000 kovikeya. Kuenje oku upisa keteke liaco toke kovaso, onduko yolupale yi ka kala Yehova Oko a Kasi.”+
Atosi Pombuelo
^ Ale “oku iñilila ko Hamati.”
^ Ci tiamisiwila kovikeya via lepa. Tala Alombo. B14.
^ Okuti, o Mediterraneo.
^ Okuti, Ekango lio Kegito.
