Havakuki 1:1-17
1 Esapulo limue Havakuki* uprofeto a tambula vocinjonde:
2 A Yehova, toke otembo yipi ndi kaluka oku pinga ekuatiso, pole, ku yevi? +
Toke otembo yipi ndi pinga ekuatiso oco o ndi yovole kungangala, pole, ku yovola?*+
3 Momo lie o ndekisila evĩho?
Kuenda momo lie ecelela ohali?
Momo lie kovaso yange ku kasilili enyõleho lungangala?
Kuenda momo lie ku kasilili ema kuenda ovoyaki?
4 Oco ocihandeleko ca imũha,Kuenda esunga lalimue eteke li tẽlisiwa.
Momo ondingaĩvi ya ñuala ukuesunga;Eli olio esunga lieci okuti, ka ku lingiwa esunga.+
5 “Tali pokati kolofeka kuenda yeveleli!
Tali loku saluka kuenda komõhi;Momo koloneke viene ku ka pita ocina cimue okuti,Ka vu ka ci kolela ndaño va ku ci sapuili.+
6 Momo ñasi oku nena va Kaldea+ okuti;Ofeka yimue yevĩho kuenda yungangala.
Ovo va katukila olonepa vinene viongongo,Oco va tambule olofeka okuti haviavoko.+
7 Ovo va lingisa usumba haivo va yokokisa.
Va tumbika esunga liavo muẽle kuenda unene.*+
8 Olokavalu viavo vi lupuka calua okuti olongue vi sule,Kuenda ovo va tema calua okuti, olombinji luteke vi sule.+
Olokavalu viavo viuyaki vi amamako oku lupuka;Olokavalu viavo vi tundilila kupãla.
Ovo va katukila ndeci ongonga yi yayulako oku kuata ocinyama.+
9 Vosi yavo veya locimãho coku linga ungangala.+
Ovipala viavo vi luluvalela kovaso ndofela yo kutundilo,+Kuenda vongolola olomandekua ndeseke.
10 Ovo va sepula olosomaKuenda va yola epembe vakesongo va velapo.+
Va pembula ovitumãlo viosi vi kuete oviteyuilo;+
Va linga elundu limue lieve kuenje va vi kuata.
11 Ovo vamamako oku enda ndofela kuenda va ka pita vofeka yilo,Pole, va ka kuata eko,+Momo ovo va eca unene wavo ku suku yavo.”*+
12 A Yehova ku kasi hẽ tunde otembo ka yi pui?+
Ove wu Suku yange o Kola kuenda ku fi.*+
A Yehova ove wa va nõla oco o tẽlise eyambulo liove;Aciteyuilo Cange,*+ ove wa va nõlela eyambulo.*+
13 Ovaso ove a kola calua oco o vanje kueci cĩvi,Kuenda ku pondola oku ecelela evĩho.+
Momo lie ecelela vakuelimbi+
Kuenda ku vangula eci omunu umue ũvi a nyõla omunu ukuavo ukuesungapo vali okuti eye ci sule?+
14 Momo lie o lingisa okuti omunu o kala ndombisi yo vokalunga,Kuenda ndovinyama vi likoka posi okuti ka vi kuete ombiali?
15 Eye* o vi kuata viosi lonjolo.
Eye o va kuata lowanda waye,Kuenda o vi ongolola vowanda waye woku pipa.
Eli olio esunga lieci a sanjukila calua.+
16 Eli olio esunga lieci eye a lumbila ovilumba kowanda waye,Kuenda eca ovilumba* kowanda waye woku pipa;Mekonda liawanda aco, okulia kuaye kua singiwa ciwa lulela,Kuenda okulia kuaye ku panga ciwa vetimba.
17 Anga hẽ eye o kamamako oku yukisa kuenda oku sukumũla owanda waye?*
Anga hẽ eye o kamamako oku ponda olofeka okuti, ka va kuatela ohenda?+
Atosi Pombuelo
^ Pamue ci lomboloka “Oku Lipupola Kapepe Locisola.”
^ Ale “oku popela.”
^ Ale “esumbilo.”
^ Ale pamue, “unene wavo owo suku yavo.”
^ Ale pamue, “ka tu fi.”
^ Lit., “Handa yange.”
^ Ale “oku lemẽla.”
^ Okuti, unyãli u Kaldea.
^ Ale “oku tuimisa owisi wovilumba.”
^ Ale pamue, “oku nãla osipata yaye?”
