Havakuki 2:1-20
2 Ndi kamamako oku talama pocitumãlo cange coku lava,+Kuenda ndi ka kala kilu liocimbaka.*
Ndi kamamako oku lavulula oco ndi tale eci eye a ka popia pocakati cange,Kuenda eci ndi ka tambulula eci ndi pisiwa.
2 Yehova wa ndi tambulula hati:
“Soneha ocinjonde kuenda ci soneha vavaya lonjila yimue ya leluka,+Oco okuti omunu o ci tanga lolukandi, o ci linga lulelu.+
3 Momo ocinjonde handi ci kevelela otembo ya tukuiwa,Kuenda oco ci lupuka toke kesulilo* liaco kuenda ka ci ka kemba.
Ndaño oco ci cilua,* amamako oku ci lavoka!*+
Momo oco ci ka tẽlisiwa muẽle.
Ka ci ka cilua!
4 Tala omunu ukuepela;Eye ka sungulukile vutima waye.
Pole, ukuesunga o ka mola omuenyo omo liekolelo liaye.*+
5 Omo okuti ovinyu yi kuete elimbi,Omunu ukuepela ka tẽlisa ocimãho caye.
Eye o kasi lonjala Ndonjembo;*
Eye o kasi ndoku fa kuenda ka tẽla oku kuta.
Eye amamako oku ongolola olofeka viosi,Kuenda ongoluila kokuaye omanu vosi.+
6 Anga hẽ vosi yavo ka va ka popia olusapo, olupolo kuenda alumbu atiamẽla kokuaye?+
Ovo va ka popia vati:
‘Ngongo ya una ongolola eci hacayeko,Toke otembo yipi?
Haeye o vokiya calua kofuka yaye!
7 Vana wa levala ka va ku katukila hẽ ocipikipiki?
Ovo va ka votoka loku ku tuñunya longusu,Kuenda kokuavo ove o kala ocina cimue coku punda.+
8 Omo okuti ove wa punda olofeka vialua,Omanu vosi vakuavo va ka ku pundavo,+Momo ove wa pesela osonde yomanu
Kuenda wa linga ovina viungangala kilu lieve,Valupale kuenda ku vana va tungamo.+
9 Ngongo yomunu o muisa epata* liaye onganyu yevĩho,Oco a tumbike ocanju caye kocitumãlo ca lepa,Kuenje o puluka koku kuatiwa kefengi!
10 Esokiyo liove lĩvi lia nenela osõi onjo yove.
Poku ponda omanu valua, o li lueyela ove muẽle.+
11 Ewe limue li ka kalukila vocimano,Kuenda ohangalo yimue yi ka tambuluila kolusoka.
12 Ngongo yomunu o tunga olupale poku pesela osonde,Haeye o tumbika olupale luaco lekambo liesunga!
13 Tala! Yehova ukualohoka haeyeko hẽ wa lingisa okuti omanu va talavaya calua oco va tekule ondalu,Kuenda olofeka vi likavisa ovio muẽle elivova?+
14 Momo ilu lieve li keyuka lukũlĩhĩso wulamba wa Yehova
Ndeci ovava a sikĩlĩla okalunga.+
15 Ngongo yomunu eca cimue coku nyua kakamba vaye,Okuti ca tengiwa lonyeño kuenda oku fungula oco a va koluise,Loku vanja kepõlõla liavo!
16 Ove o kekuta lekambo liesumbilo okuti ulamba hawoko.
Lovevo nyua kuenda lekisa uyamba wove.*
Li ka pitĩlapo epuluvi liove lioku nyua kokopo yi kasi peka liondio lia Yehova,+Esepu li ka sikĩlĩla ulamba wove;
17 Momo ungangala wa lingiwa ko Levanone u ka ku sikĩlĩla,Enyõleho lina lia yokokisa ovinyama li keya kokuove,Momo wa pesela osonde yomanuKuenda wa linga ovina viungangala kilu lieve,Valupale kuenda ku vana va tungamo.+
18 Esilivilo lie li kuete ociñumañuma ca songiwaCina ca pangiwa lomunu umue?
Esilivilo lie li kuete ociñumañuma cimue cutale kuenda ulongisi wovohembi,Ndaño okuti omesele yaco yi ci kolela,Kuenda yi panga olosuku ka vi kuete esilivilo haivio ka vi vangula?+
19 Ngongo yomunu o sapuila ocinimbu cevaya hati, “Pasuka!”
Ale kewe ka li vangula hati, “Pasuka! Tu longise!”
Tala! Oco ca lañiwa lulu kuenda opalata,+Kuenda vokati kaco ka muli efuimo.+
20 Pole, Yehova o kasi vonembele yaye yi kola.+
Ilu lieve liosi liũheko kovaso aye!’”+
Atosi Pombuelo
^ Ale “ociteyuilo.”
^ Ale “oku tẽlisiwa.”
^ Ale “nda ci molẽha okuti, ci cilua.”
^ Ale “oku ci talamẽla lombili!”
^ Ale pamue, “ceci a tava.”
^ Okuti, ocitumãlo mu kendiwa omanu va fa.
^ Ale “ofeka.”
^ Ale pamue, “kuenda yengenga.”
