Havakuki 3:1-19
3 Ohutililo yuprofeto Havakuki ya lingiwa loku lisiõsiõla* hati:
2 A Yehova nda yeva ulandu watiamẽla kokuove.
A Yehova nda komõha ovopange ove.
A linga vali vokuenda kuanyamo!*
A situlula vokuenda kuanyamo.*
Tu ivaluke kuenda lekisa ohenda vokuenda kuonjuvungo.+
3 Suku wa tunda ko Temani,Una o Kola wa tunda Komunda Parane.+ (Sela)*
Ulamba waye wa sikĩlĩla ovailu;+Ongongo yeyuka lomanu vo sivaya.
4 Eye wa kala oku nina ndekumbi.+
Oviliakulo vivali via tunda peka liaye,Apa ongusu yaye ya salama.
5 Efengi li amamako oku u pitila kovaso,+Kuenda ombambi yalua yo kuama konyima.
6 Eye wa talama kuenda wa tuñunya ongongo.+
Eci eye a vanja, wa kokela olofeka oku luluma.+
Olomunda vina vi kasiko tunde osimbu via nyanyuiwa,Kuenda oviwulu viosimbu via petama.+
Olonjila vio kosimbu viaye.
7 Nda mola ohali volombalaka vio Kusiana.
Olonanga viombalaka viofeka yo Midiane via luluma.+
8 A Yehova anga hẽ onyeño yove ya katukila olondui,Anga hẽ wa temẽla olondui?
Ale onyeño yove ya katukila okalunga?+
Momo ove wa endela kolokavalu viove;+Akãlu ove a nena epopelo.+
9 Ove wa tikula ohonji yove kuenda wa lipongiya oco o ase layo.
Olombueti* via nõliwa lohuminyo yimue. (Sela)
Lolondui ove wa tepa ongongo.
10 Olomunda via litetela levalo eci via ku mola.+
Etande limue linene lia pita vofeka.
Ovava a longa a kala okuõla lolukandi.+
O-o a katuka toke kilu.
11 Ekumbi losãi via talama kocitumãlo cavio ca lepa.+
Olosongo viove via tunda ndocinyi.+
Unga wove wa nina ndociliakulo.
12 Ove wa ñuala ñuala ongongo loku tutula lonyeño.
Ove wa kosa* olofeka lonyeño.
13 Ove wa tunda oco o popele omanu vove, oco o popele ombuavekua yove.
Wa nyanyõla usongui* wonjo yondingaĩvi.
Oyo ya nyõliwa tunde kociseveto toke kilu.* (Sela)
14 Ove wa ponda asualali vaye lovimalẽho viaye muẽle viuyaki,Eci ovo va tunda oco va ndi sandole.
Ovo va sanjukilile oku nyõla vuyombeki ukuakutala ohali.
15 Ove wa enda lolokavalu viove poku pita vokalunga,Ove wa pita vovava alua.
16 Eci nda ci yeva, nda luluma,*Omẽla wange wa luluma lesapulo liaco.
Oku vola kua iñila vakepa ange;+Ovolu ange a luluma.
Pole, ndi kevelela lepandi eteke liohali,+Momo olio li kasi oku iya komanu va tu katukila.
17 Ndaño okuti uti wukuyu ka u telẽha,Kuenda kuti wuyuva ka ku kala epako;Ndaño okuti uti woliveira ka wimi epako,Kuenda kovapia ka ku tundi okulia;Ndaño okuti oviunda vi takata vocunda,Kuenda vocunda ka mu kala olongombe;
18 Lopo kokuange ndi yolela Yehova;Ndi ka sanjuka omo lia Suku yepopelo liange.+
19 Ñala Tõlo Yehova eye ongusu yange;+Omãhi yange o ka yi lingisa ndeyi yosonge,Eye o ka ndi liatisa kovitumãlo via lepa.+
Atosi Pombuelo
^ Ale “ovisungo viesumuo.”
^ Ale pamue, “Votembo yetu.”
^ Ale pamue, “Votembo yetu.”
^ Tala Elomboluilo.
^ Ale pamue, “olosongo.”
^ Lit., “oku liatala.”
^ Lit., “utue.”
^ Lit., “kosingo.”
^ Lit., “kuenda imo liange lia luluma.”
