Hosea 6:1-11
6 “Enjui, tu tiuki ku Yehova,Momo ndaño eye wa tu nyanyõla,+ pole, o ka tu sakula.
Ndaño wa tu lemẽha, pole, o ka sakula apute etu.
2 Noke lioloneke vivali o ka tu ĩha omuenyo.
Keteke liatatu o ka tu pindula,Kuenda tu ka kala lomuenyo kovaso aye.
3 Tu ka kũlĩha Yehova kuenda tu ka sanda oku u kũlĩha lutima wosi.
Oku iya kuaye kua koleliwa ndeci oku tunda kuekumbi;Eye o keya kokuetu ndombela yi loka,Ndombela yomandavela* yi tapela ongongo.”
4 “A Efarimi, nye ndi sukila oku linga love?
A Yuda, nye ndi sukila oku linga love?
Momo ocisola cene ka ci pongoloka ci kasi ndalende omẽle,Ndowume u takata lonjanga.
5 Eli olio esunga lieci ndi ka ku kunduila* pocakati covaprofeto;+Ndi ka ku ponda lolondaka viomẽla wange.+
Asombiso ove a ka nina ndocinyi.+
6 Momo ame ndi sanjukila ocisola ka ci pongoloka,* ocilumba hacoko,Kuenda ndi sanjukila ukũlĩhĩso wa Suku okuti, ovilumba viosi vioku pia elisi vi sule.+
7 Pole, ovo ndomanu vakuakandu, va sinĩla ocisila.+
Va ndi pakuila vofeka yavo.
8 Gileada olupale lumue luolondingaĩvi,+Ovo va pesela osonde yalua.+
9 Ocisoko covitunda ci kasi ndovimunga violombandi vi lavekela vonutula omunu umue.
Ovo va siata oku ponda vetapalo lio Sekeme,+Momo elinga liavo li kutisa osõi.
10 Ame nda mola ocina cimue ca vĩha vonjo ya Isareli.
Efarimi omo a lingila upuepue;+Isareli wa li vĩhisa.+
11 Handi vali, A Yuda kua ku sokiyiwila oku ungula,Eci ndi nena vali omanu vange olomandekua.”+
