Hosea 7:1-16
7 “Eci ndi seteka oku sakula Isareli,Oku lueya kua Efarimi ku molẽha,+Kuenda evĩho lio Samaria.+
Momo va linga eci cĩvi;+Ovimunu vi iñila volonjo kuenda ovimunga via vakuakupunda vi pundila posamua.+
2 Pole, ovo ka va sokolola vutima wavo okuti, ame ndi ka ivaluka evĩho liavo liosi.+
Kaliye ovilinga viavo viosi via va ñuala;Ovio vi kasi kovaso yange.
3 Ovo va sanjuisa soma levĩho liavo,Kuenda va sanjuisa olombuale lovohembi avo.
4 Vosi yavo vakuakulinga ukahokolo,Ovo va taima ndofolono ya siakãliwa lukuakuyoka olombolo,Eye o liwekapo oku siakãla ondalu noke yoku kosa osema ya tamiwa toke eci yi tumba.
5 Keteke liocipito ca soma yetu, olombuale via vela,Ovo va tema omo liovinyu.+
Eye woluĩla eka liaye ku vakuakupembula.
6 Va lingisa okuti ovitima viavo vi sanya ndu okuti va vi nena ocipepi lofolono.*
Ukuakuyoka olombolo o pekela vokuenda kuteke wosi;Komẽle ofolono yi taima ndondalu yi liakoka.
7 Vosi yavo va tokota ndofolono,Kuenda va nyõla olombiali* viavo.
Olosoma viavo viosi via kupuka;+Lomue pokati kavo o mbilikiya.+
8 Efarimi o litenga lomanu vo kolofeka vikuavo.+
Efarimi o sokisiwa lombolo yi kasi ndombunje okuti, ya yokiwa lika onele yimosi.
9 Ovingendeleyi via nyõla ongusu yaye,+ pole, eye ka ci limbuka.
Kuenda esinga liaye lia pongoloka li yela, pole, eye ka ci limbuka.
10 Epela lia Isareli li eca uvangi ũvi watiamẽla kokuaye,+Pole, ovo ka va tiukile ku Yehova Suku yavo,+Kuenda ka vo sandiliyile ndaño lovina viosi evi.
11 Efarimi o kasi ndopomba yimue eveke, ka kuete elomboloko.*+
Ovo va pinga ekuatiso Kegito;+ kuenda va sanda ekuatiso ko Asuria.+
12 Kuosi va enda, ndi nyanyumuĩla owanda wange kokuavo.
Ndi va kupuila posi ndolonjila viovailu.
Ndi va yambula ndomo ci likuata lelungulo lia eciwa kohongele yavo.+
13 Ngongo yavo, momo ovo va ndi tila!
Va kunduiwe, momo ovo va ndi sinĩla!
Nda kala lonjongole yoku va yovola, pole, ovo va popia ovohembi atiamẽla kokuange.+
14 Eci va ndi vilikiya oco ndi va kuatise, ka va ci lingile lutima wosi,+Ndaño ovo vamamako oku lisiõsuĩla povola avo.
Va li tãla tãla ovo muẽle oco va pinge olomema kuenda ovinyu yokaliye;Ovo va ndi ñualelapo.
15 Ndaño nda va pindisa loku pamisa ovoko avo,Ovo vamamako oku sokiya eci cĩvi kuenje va ndi ñualelapo.
16 Ovo va pongoloka, pole, ka va pongolokele kocina cimue ciwa;*Ka va koleliwile, ndeci ohonji ya yonga ka yi koleliwa.+
Olombuale viavo vi ka kupuka losipata omo lielimi liavo lĩvi.
Omo liaco, ovo va ka kala ocikuata cimue cesepu vofeka Yegito.”+
Atosi Pombuelo
^ Ale pamue, “Ovitima viavo vi kasi ndofolono eci ovo va amela ocipepi loku lihoya kuavo.”
^ Lit., “olonganji.”
^ Lit., “ka kuete utima.”
^ Okuti, hakonjilako ya sunguluka yoku fendela.
