Isaya 22:1-25
22 Esapulo limue lioku katukila Ocimbota Cocinjonde:*+
Nye ci kasi oku pita love okuti, omanu vove vosi va londa kolusoka?
2 Olupale luove lueyukisiwa lombuanja,Olupale lumue lueyuala, imbo limue liulamba.
Ovivimbi viove ka via pondiwile losipata,Ndaño oku pondiwa kuyaki.+
3 Olombiali viene viosi via tilila kumosi.+
Ka via sukilile ohonji oco vi kuatiwe.
Vosi vana va sangiwa va kuatiwa,+Ndaño okuti va tilila kupãla.
4 Eli olio esunga lieci nda popela hati: “Ko ka vanji vali kokuange,+Ko ka lipilikili oku ndembeleka.
Ndi ka lila lesumuo lialuaOmo lienyõleho liomõla ukãi* womanu vange.+
5 Momo eli eteke limue liombuanja, lieyulo kuenda liesakalalo,+Li tunda ku Ñala Tõlo Yehova ukualohoka,Vocimbota Cocinjonde.
Muli enyõleho liocimbaka+Kuenda oku litetela kuomunda.
6 Elami+ o kuata ocilalo covisongoKuenje iya lalume va endela kakãlu uyaki kuenda olokavalu,*Kuenje Kiri+ o sikũlũla* ociyepelo.
7 Ovimbota* viene via velapoVi ka yuka lakãlu uyaki,Kuenda olokavalu* vi ka talama pombundi,
8 Kuenje eteyuilo lio Yuda li kopiwako.
“Keteke liaco, vu ka kolela kovimalẽho viuyaki vi kasi Vonjo Yusenge,+
9 kuenda vu ka mola apangu alua o Volupale lua Daviti.+ Kuenje vu kongolola ovava pociva ci sulemo.+
10 Ene vu ka tenda olonjo vio Yerusalãi kuenda vu ka kundula olonjo oco vu pamisi ocimbaka.
11 Kuenje ene vu ka fẽla ocisimo cimue pokati kovimbaka vivali viovava pociva cosimbu, pole, ka vu ka vanja ku Una Unene wa vi panga kuenda ka vu ka mola Una wa vi panga osimbu.
12 Keteke liaco, Ñala Tõlo Yehova ukualohoka,O ka imba oluiya lumue luoku lila kuenda luoku lisiõsiõla,+Oco va pemũle ovitue loku wala ocikelẽyi.
13 Pole, kuli onjivaluko kuenda esanju,Oku pondiwa kuolongombe kuenda kuolomeme,Ku liwa ositu kuenda oku nyua ovinyu.+
‘Tu li, tu nyũi momo hẽla tu fa.’”+
14 Noke Yehova ukualohoka wa li situlula eye muẽle kokuange hati: “‘Ekandu eli liene ka li ka sitikiwa toke eci ene vumanu vu fa,’+ oco Ñala Tõlo Yehova ukualohoka a popia.”
15 Ca popia Ñala Tõlo Yehova ukualohoka ceci hati: “Kuende ku kalei Sievena,+ o kuete ocikele conjo* kuenda u sapuila hoti:
16 ‘Nye ove o yongola kulo, helie ukuepata liove kulo okuti ove o li fẽlela ocitumãlo coku ku kendelamo?’ Eye o kasi oku li fẽlela ocitumãlo cimue coku kendelamo kocitumãlo cimue ca lepa; eye o kasi oku li songela ocitumãlo* cimue cepuyuko vesenje limue.
17 ‘Amunu tala! Yehova o ka ku imba vemẽhi longusu yalua kuenda o ku kuata longusu.
18 Kuenje eye o ka ku muña muẽle okuti, o kõla kuenda o ka imbiwa ndombunje vofeka yimue ya sanjavala. Vofeka yaco, omo ove o ka fila kuenda omo mu ka kala akãlu ove ulamba, epese lionjo ya cime cove.
19 Kuenje ndi ka ku upa pomangu yove kuenda oku tambula ocikele cove.
20 “‘Keteke liaco, ndi ka vilikiya ukuenje wange Eliakimi+ omõla a Hilikiya,
21 kuenje ndu ko walisa ocikutu cove kuenda oku kuta uvia ove wa siata oku wala+ loku eca omoko* yove peka liaye. Kuenje eye o ka kala isia yolonungi vio Yerusalãi kuenda yonjo ya Yuda.
22 Ndi ka kapa osapi yuviali wa Daviti+ kapepe aye. Eye o ka yulula kuenda lomue o ka yika; kuenje eye o ka yika kuenda lomue o ka yulula.
23 Ndu ko kapa ndopeleko pocitumãlo cimue ca koka kuenda eye o ka kala ndocalo culamba konjo ya isiaye.
24 Kuenje ovo va ka pateka kokuaye ulamba* wosi wonjo ya isiaye okuti, ovitumbulukila kuenda ombuto, lovikuata viosi vitito, atiyela kuenda asanga osi anene.
25 “‘Keteke liaco,’ Yehova ukualohoka wa popia hati: ‘Opeleko ya valeliwa pocitumãlo ca koka, oyo yi ka tetiwa kuenda yi kupuka+ kuenje ocitele ca patekiwako ci ka kupuka oco ci nyõliwe, momo Yehova eye muẽle wa ci popia.’”
Atosi Pombuelo
^ Citava okuti ci tiamisiwila ko Yerusalãi.
^ Upopi umue wocindekaise okuti pamue, u situlula ohenda ale ocikembe.
^ Ale “alume va endela kolokavalu.”
^ Ale “pongiya.”
^ Ale “alume va endela kolokavalu.”
^ Ale “atapi a vomba.”
^ Ale “elombe.”
^ Lit., “onjo.”
^ Ale “oku viala.”
^ Lit., “ocilemo.”
