Isaya 49:1-26
49 Njeveleli ene avifuka,Kuenda yeveleli lutate alofeka vi kasi ocipãla.+
Yehova wa mbilikiya osimbu sia citiwile.*+
Tunde eci nda kala vimo lia ina yange, eye wa tukula onduko yange.
2 Eye wa lingisa omẽla wange ndosipata yimue ya tua;Eye wa ndi seleka vulembo weka liaye.+
Eye wa ndi lingisa osongo yimue ya yelisiwa;Eye wa ndi seleka vocilalo caye.
3 Eye wa ndi sapuila hati: “Ove wukuenje wange A Isareli,+Pocakati ca una ame ndi ka lekisa ulamba wange.”+
4 Pole, nda popia siti: “Ame nda talavaya elivova.
Nda pesela ño ongusu yange elivova.
Pole, nda kũlĩha okuti esombiso liange li kasi ku Yehova,*Kuenda onima* yange yi tunda ku Suku yange.”+
5 Kuenje cilo Yehova, Una wa ndi sovola tunde vimo ndukuenje waye,Wa ndi sapuila oco ndi nene vali Yakoba kokuaye,Oco okuti o Isareli yi liongoluila kokuaye.+
Ame ndi ka sivayiwa kovaso a Yehova,Kuenda Suku yange o ka kala ongusu yange.
6 Noke eye wa popia hati: “Ove kukuenje wangeko ñoOco o votole ovikoti via YakobaLoku nena vali ovisupe via Isareli.
Ame nda ku ecavo ndocinyi colofeka,+Oco okuti epopelo liange li pitĩla kasulilo o kilu lieve.”+
7 Ca popia Yehova, Upopeli wa Isareli, Una waye o Kola,+ ku una o pembuiwa,+ ku una o suvukiwa lofeka, kukuenje wolombiali ceci hati:
“Olosoma vi ka mola kuenda vi ka votoka,Olombuale vi ka kekama,Omo lia Yehova, una wa koleliwa,+Una o Kola wa Isareli, wa ku nõla.”+
8 Ca popia Yehova ceci hati:
“Kotembo yoku lekisa ohenda, ame nda ku tambulula,+Kuenda keteke liepopelo, ame nda ku kuatisa;+Ame nda ku teyuila oco ndu ku ece ndocisila komanu,+Oco o tumbulule ofeka,Oco okuti, ovo va tambula ovipiñalo viavo via siala upolokoso,+
9 Oco o sapuile kolomandekua hati: ‘Tundi!’+
Kuenda ku vana va kasi vowelema+ hati: ‘Molẽhi!’
Ovo va ka sanga eci va lia vonjila,Volonjila* viosi mu ka kala ovisenge viavo vioku lisila oviunda.
10 Ovo ka va ka kuata onjala ndaño oku yeva enyona,+Ndaño oku kangisiwa lowuya wa piãla ale oku kakuiwa lutanya.+
Momo Una o lekisa ohenda kokuavo o ka va songuila,+Kuenda eye o ka va songuila kolono viovava.+
11 Ndi ka lingisa okuti, olomunda viange vi kala etapalo,Kuenda olonjila viange vi ka lepa.+
12 Tala! Ovo, va tunda kupãla,+Kuenje Tala! Vamue va tunda konano kuenda vamue va tunda kutakelo,Kuenda vakuavo va tunda kofeka yo Sini.”+
13 Kaluki lonjolela ene availu kuenda yolela ove angongo.+
Olomunda vi yolele londaka yesanju.+
Momo Yehova wa lembeleka omanu vaye,+Kuenda o lekisa ohenda ku vana va kasi oku tala ohali.+
14 Pole, Siono wamamako oku popia hati:
“Yehova wa njanduluka+ kuenda Yehova wa njivala.”+
15 Citava hẽ okuti ukãi umue ivala oñaña yaye
Ale ka lekisa ohenda komõla wa tunda vimo liaye?
Ndaño okuti akãi vaco va ivalako, ame lalimue eteke ndi ka ku ivala.+
16 Tala! Peka liange nda sonehapo onduko yove.
Ovimbaka viove otembo yosi vi kasi kovaso yange.
17 Omãla vove valume va tiuke lonjanga.
Vana va ku nyõla loku ku kundula, va ka tunda kokuove.
18 Petula ovaso kuenda vanja kolonele viosi.
Vosi yavo va liongoluila pamosi.+
Ovo va kasi oku iya kokuove.
“Ndeci ñasi lomuenyo,” oco Yehova a popia,“Ove o ka va wala vosi ndoku wala ovina vioku liposuisa,Kuenda ove o ka liposuisa lavo ndeci ndombua a linga.
19 Ndaño okuti, ovitumãlo viove via nyõliwa loku siala alunda+ kuenda ofeka yove ya siala ovingululu,+Cilo, yi ka likupika calua ku vana va tungamo,Kuenda vana va ku nyõla,+ va ka kala ocipãla.+
20 Omãla vana va citiwa eci wa kala vesumuo va ka popia vati:
‘Ocitumãlo eci ca likupika calua kokuetu.
Tu lingileko ocitumãlo oco tu kalemo.’+
21 Kuenje ove o ka popia vutima wove hati:
‘Helie isia yomãla ava va eciwa kokuange?
Ndukãi umue wa fisa omãla kuenda ndisiũle,Ndimandekua kuenda nda kapiwa vokayike?
Helie wa va tata?+
Tala! Nda siwa ulika,+Omo liaco, ovo hẽ va tunda pi?’”+
22 Ca popia Ñala Tõlo Yehova ceci hati:
“Tala! Ndi ka votuila eka liange olofeka,Loku kapa ondimbukiso* yange komanu.+
Ovo va ka nena omãla vove valume povaka avo*
Kuenda oku ambata omãla vove vakãi kapepe avo.+
23 Olosoma vi ka ku tata,+Va nasoma yavo va ka kala vakuakulela omãla.
Ovo va ka kekamẽla kovaso yove lovipala viavo posi+Kuenda va ka lesa oneketela yi kasi kovolu ove,+Kuenje ove o ka kũlĩha okuti, ame ndi Yehova;Vana va lavoka kokuange ka va ka kutisiwa osõi.”+
24 Anga hẽ vana vambatiwa kumandekua va pondola oku upiwa komunu umue wa pama,Ale olomandekua vi kasi oku kangisiwa vi pondola hẽ oku yovuiwa?
25 Pole, ca popia Yehova ceci hati:
“Ndaño muẽle olomandekua viomunu wa pama vi kambatiwa kupãla,+Kuenda olomandekua vina viambatiwa lukuakutalisa ohali vi ka yovuiwa.+
Ame ndi ka lambalala vana va ku lambalala,+Kuenda ndi ka yovola omãla vove muẽle.
26 Ndi ka lingisa okuti, vana va ku talisa ohali va ka lia ositu yavo muẽle,Kuenda va ka kolua osonde yavo muẽle ndu okuti va kolua ovinyu.
Kuenje omanu* vosi va ka kũlĩha okuti, ame ndi Yehova,+Onjovoli yove+ haeye Upopeli wove,+Una Ukuonene wa Yakoba.”+
Atosi Pombuelo
^ Lit., “oku upisa vimo.”
^ Ale “Yehova o ka ndi lingila esunga.”
^ Ale “ofeto.”
^ Ale pamue, “oviwulu via kukuta.”
^ Lit., “ponete.”
^ Ale “ombueti yondimbukiso.”
^ Lit., “ositu.”
