Isaya 65:1-25
65 “Nda lingisa okuti ame muẽle ndi kũlĩhĩwa la vana ka va ndi pulisile;Nda ecelela okuti, ndi sangiwa la vana ka va ndi sandiliyile.+
Nda popia siti: ‘Ame ulo, ame ulo!’ kofeka yina ka ya vilikiyile onduko yange.+
2 Eteke liosi ndoluĩla ovaka ange komanu va siva,+Ku vana va endela vonjila ka ya sungulukile,+Poku kuama ovisimĩlo viavo muẽle;+
3 Komanu vana va ndi sanumũla olonjanja viosi,+Poku eca ovilumba voviumbo violonelẽho+ kuenda oku tuimisila owisi wovilumba katisolu.
4 Ovo va tumãla pokati kayambo,+Kuenda va pita uteke vovitumãlo via vundisiwa,*Loku lia ositu yolongulu,+Kuenda palonga avo pali usole wovina via vĩha.+
5 Ovo va popia vati: ‘Talama apa o kasi; ku ka amele kokuange,Momo ame nda velapo koku kola okuti ove* o sule.’
Ovo va kasi ndowisi vanyulu ange, ndondalu yimue yi taima eteke liosi.
6 Tali! Ca sonehiwa kovaso ange;Ame si kõha,Pole, ndi ka va fetuluinya,+Ndi ka va fetuluinya vonjongo* yimue
7 Omo liakandu avo kuenda akandu a vakukululu yavo,”+ oco Yehova a popia.
“Momo ovo va tuimisila owisi wocilumba kolomundaKuenda ovo va ndi sanumuĩla koviwulu,+Ocina catete ndi ka linga, oku yonga ofeto yavo yosi.”*
8 Ca popia Yehova ceci hati:
“Ndeci ovinyu yokaliye yi sangiwa kocisiakata cayuvaKuenda omunu umue o popia hati: ‘Ku ka ci nyõle, momo kuli eci ciwa,’*Haico ndi ka linga omo liakuenje vange;Si ka va nyõla vosi.+
9 Ku Yakoba ku ka tunda ocitumbulukila* cimueKuenda ku Yuda ku ka tunda una o ka piñala olomunda viange;+Vana ame nda nõla, va ka piñala ofeka,Lakuenje vange va ka tungamo.+
10 O Siarone+ yi ka linga ocitumãlo cocililo colomemeKuenda Ocimbota* co Akore+ ocitumãlo cepuyoko colongombe,Omo liomanu vange va ndi sanda.
11 Pole, ene vu kasi pokati ka vana va yanduluka Yehova,+Vana va ivalako omunda yange yi kola,+Vana va yala omesa ku suku Yesanju,Kuenda vana va yukisa olokopo lovinyu ya tengiwa ku suku Yosande.
12 Omo liaco, ndi ko weci kosipata,+Vosi yene vu ka petama oco vu pondiwi,+Momo ame nda vilikiya, pole, ene ka wa tambuluili,Nda popia, pole, ene ka wa yeveli;+Wamamiko oku linga eci cĩvi kovaso ange,Kuenda wa nõli eci ci ndi sumuisa.”+
13 Omo liaco, ca popia Ñala Tõlo Yehova ceci hati:
“Tali! Akuenje vange va ka lia, pole, ene vu ka kala lonjala.+
Akuenje vange va ka nyua,+ pole, ene vu ka kala lenyona.
Akuenje vange va ka sanjuka,+ pole, ene vu ka kutisiwa osõi.+
14 Akuenje vange va ka kaluka lesanju omo liekalo liwa liovutima,Pole, ene vu ka kaluka lolukandi omo lievalo liovutima
Kuenda ene vu ka lila omo liutima wa teka.
15 Ene vu ka sia onduko yimue okuti, vana va nõliwa lame va ka siñala layo,Kuenda Ñala Tõlo Yehova, o ka eca omunu lomunu pokati kene kolofa,Pole, akuenje vaye muẽle, eye o ka va tukula londuko yikuavo;+
16 Oco okuti, wosi una o sandiliya esumũlũho liaye muẽle kilu lieveO ka sumũlũisiwa la Suku ukuacili,*Kuenda wosi una o lisila kilu lieveO ka lisila omo lia Suku ukuacili.*+
Momo olohali* viosimbu vi ka ivaliwa,Ovio vi ka salamisua vovaso ange.+
17 Momo tali! Ndi lulika ovailu okaliye longongo yokaliye;+Kuenda ovina viosimbu ka vi ka ivalukiwa vali,Ndaño oku iya vali kutima.+
18 Omo liaco, yoleli kuenda sanjuki otembo ka yi pui kovina ndi kasi oku lulika.
Momo tali! Ndi kasi oku lulika o Yerusalãi ndono yesanjuKuenda omanu valio, ndono yonjolela.+
19 Kuenje ame ndi ka sanjukila ko Yerusalãi loku yolela omo liomanu vange;+Ka ku ka yevala vali ondaka yoku kaluka ale yoku lila omo liesumuo.”+
20 “Ka ku ka kala vali oñaña yi kala komuenyo oloneke vitito,Ale yu wa kuka okuti ka kala komuenyo oloneke viaye viosi.
Momo omunu wosi o fa locita canyamo, o ka tendiwa okuti umalẽhe,Kuenda ukuakandu o ka siñaliwa ndaño okuti, eye o kuete ocita canyamo.*
21 Ovo va ka tunga olonjo kuenda va ka kalamo,+Kuenda va ka kũla oviumbo viayuva kuenje va ka lia apako alio.+
22 Ovo ka va ka tunga oco umue wiñi a kalemo,Ndaño oku kũla okuti vakuavo ovo va liako.
Momo oloneke viomanu vange, vi ka kala ndoloneke viuti umue,+Kuenda vana nda nõla va ka kuatisiwa lupange wovaka avo.
23 Ovo ka va ka talavaya elivova,+Ndaño oku cita omãla oco va talisiwe ohali,Momo ovo kumue lovitumbulukila* viavoOcitumbulukila+ ca vana va sumũlũisiwa la Yehova.+
24 Osimbu ovo ka va kovongele, ame ndi ka va tambulula;Osimbu ovo va vangula, ame ndi ka va yeva.
25 Ombinji kuenda omeme vi ka lila pamosi,+Ohosi yi ka lia owangu ndongombe,Kuenda onyõha yi ka lia oneketela.
Ovio ka vi ka linga cimue cĩvi ndaño oku nyõla komunda yange yosi yi kola,”+ oco Yehova a popia.
Atosi Pombuelo
^ Ale pamue, “ovipundo via vakuakulavulula.”
^ Ale pamue, “Momo ndi ka sambuisa oku kola kuange kokuove.”
^ Lit., “vonete yavo.”
^ Lit., “vonete yavo.”
^ Lit., “esumũlũho limue.”
^ Lit., “ombuto.”
^ Ale “Etapi Lia Vomba.”
^ Lit., “Amene.”
^ Lit., “Amene.”
^ Ale “ovitangi.”
^ Ale pamue, “Kuenda una ka tẽlisile ocita canyamo o ka tendiwa okuti wa siñaliwa.”
^ Lit., “ombuto.”
