Mika 1:1-16
1 Ondaka ya Yehova yeya ku Mika*+ wo ko Morasiti, yina a tambula vocinjonde yatiamẽla ko Samaria kuenda ko Yerusalãi, koloneke via Yotama,+ via Ahasi+ kuenda via Hesekiya,+ olosoma vio ko Yuda+ yiti:
2 “Yeveleli amanu vosi!
Yeveleli, Angongo kuenda ovina viosi vi kasimo,Yehova o kasi konembele yaye yi kola.
Ñala Tõlo Yehova a kale pokati kene ndombangi.+
3 Tali! Yehova o kasi oku tunda pocitumãlo caye,O ka loka kuenda o ka liatela povitumãlo via lepa vio kilu lieve.
4 Olomunda vi ka yenguluka vemẽhi liaye,+Kuenda ovimbota* vi ka litepa pokati
Ndosela yi kasi kovaso yondalu,Ndovava a loka vowulu.
5 Ovina viosi evi vi ka pita omo liesino lia Yakoba,Omo liakandu onjo ya Isareli.+
Lipi esino lia Yakoba?
Siti o Samaria?+
Kuenda vipi ovitumãlo via lepa vio Yuda?+
Siti o Yerusalãi?
6 O Samaria ndi ka yi lingisa ovingululu viovusenge,Ocitumãlo cimue coku kũla ayuva;Ndi ka imba* ovawe alio vokati kocimbota,Kuenda oviseveto vialio ndi ka vi sia ndoto oco vi muiwe.
7 Oviñumañuma vialio viosi via songiwa vi ka nyãnyuiwa,+Kuenda olombanjaile viosi eye a tambula vi ka timĩhiwa londalu.+
Ndi ka nyõla oviñumañuma viaye viosi.
Momo eye wongolola ovina viaco lofeto yi tunda kupuepue,Kuenje ovio vi ka linga vali ofeto yovipuepue.”
8 Omo liovina evi, ndi ka lisiõsiõla kuenda oku lila;+
Ndi ka enda okuti si wala olohaku kuenda ndi ka enda epõlõla.+
Oku lisiõsiõla kuange ku ka kala ndoku lisiõsiõla kuolombua viovusenge,*
Kuenda oku lila kuange ndoku kuolombo.
9 Epute liaye ka li sakuiwa;+
Epute liaco lia pitĩla toke ko Yuda.+
Efengi lia li sanduila toke pombundi yomanu vange, ko Yerusalãi.+
10 “Ko ka ci imbili oluiya ko Gati;Ko ka lili.
Ko Bete-Afara* li tiñolõli voneketela.
11 Amamiko lepõlõla kuenda losõi, Alonungi vio Safiri.
Olonungi vio ko Sanana ka via tundile.
Ku ka kala oku lila ko Betecele kuenda oyo ka yi ka eca vali ekuatiso ya ecaeca kokuene.
12 Olonungi vio Moroti via kala oku kevelela eci ciwa,Pole, Yehova wa lokisa eci cĩvi kombundi yo Yerusalãi.
13 Tokekisi akãlu kolokavalu, Alonungi vio Lakisi.+
Ove wufetikilo liekandu komõla ukãi a Siono,Momo vokuove mua sangiwa ovilinga viesino vio Isareli.+
14 Omo liaco, ove o ka eca olombanjaile vioku liusika ku Morasiti-Gati.
Olonjo via Akisivi+ via kala ocina cimue celimbi kolosoma vio Isareli.
15 Handi ndi ka nena kokuene ukuakutambula,+ Alonungi vio Maresia.+
Ulamba wo Isareli u keya toke ko Adulama.+
16 Lipemũli esenya kuenda teti esinga omo liomãla vene va soliwa.
Kali lepela ndongonga,Momo ovo vopiwa pokati kene kuenda vambatiwa kumandekua.”+
Atosi Pombuelo
^ Ondaka yoku teta onimbu okuti, Mikaeli ale Mikaya, yi lomboloka “Helie wa Lisoka la Yehova?”
^ Ale “atapi a vomba.”
^ Lit., “oku pesela.”
^ Ale “Ocinyama cimue covusenge ca setahãla ombulu.”
^ Ale “Vonjo ya Afara.”
