Mika 2:1-13
2 “Ngongo ya vana va sokiya oku linga eci cĩvi,Vana va sokiya eci cĩvi povola avo!
Eci ku ca, ovo va ci linga,Momo va kuete povaka avo omoko yoku ci linga.+
2 Ovo va livela ovapia kuenda va a tambula;+Va livelavo olonjo kuenje va vi tambula;Ovo va tambula onjo yulume umue luhembi,+Va tambula ocipiñalo culume umue.
3 Omo liaco, ca popia Yehova ceci hati:
‘Ñasi oku pongiyila epata eli ohali+ limue okuti, ka vu ka tẽla oku puluka.*+
Ka vu ka enda vali loku litunula,+ momo eyi oyo otembo yohali.+
4 Keteke liaco, omanu va ka tukula olusapo lumue luatiamẽla kokuene,Kuenda va ka lisiõsiõla loku lila calua mekonda liene.+
Ovo va ka popia vati: “Tua kunduiwa olumue!+
Eye wopa ocipiñalo comanu vetu kokuetu loku ceca komanu vakuavo!+
Eye o tepa ovapia etu ku una okuti, ufendeli wayeko.”
5 Omo liaco, ove ku ka kuata laumue o ka nyanyumũla ukolo woseteko,Oco a tepele ofeka kekongelo lia Yehova.
6 “Liwekipo oku kunda!” ovo va kunda,“Ka ci tava okuti ovo va kunda ovina evi;Osõi ka yi ka tu sanga!”
7 Eci oco ci kasi oku popiwa, Anjo ya Yakoba okuti:
“Espiritu lia Yehova lia pua hẽ epandi?
Anga hẽ evi ovio ovilinga viaye?”
Olondaka viange hẽ ka vi kuatisa vana va endela vesunga?
8 Pole, noke omanu vange va katuka ndunyãli umue.
Ene wopi eposo kuwalo wavo.
Ku vana va kasi oku pita okuti va kolapo, nda vana va tiuka kuyaki.
9 Ene wa lupuisi akãi vomanu vange volonjo viavo via posoka;Pokati komãla vavo vupipo ovina viwa otembo ka yi pui.
10 Votoki, kuendi, momo eci hacitumãloko cepuyuko.
Omo lievĩho,+ ku ka kala enyõleho okuti, enyõleho limue lia piãla.+
11 Nda omunu umue endela vesanda kuenda o popia uhembi wokuti:
“Ndu ku kundila eci catiamẽla kovinyu kuenda kovinyua vi koluisa,”Eye ukundi umue uwa womanu ava!+
12 Ame ndu kongololi vosi yene, A Yakoba;Ndi kongoluila muẽle pamosi ovisupe via Isareli.+
Ndi ka vi kapa pamosi ndolomeme vi kasi vocunda,Ndocunda pocililo calio;+
Ku ka kala onjuela yomanu.’+
13 Una o yikula apangu, o ka enda kovaso yavo,Ovo va ka yikula epangu loku pita pombundi kuenje va ka tunda.+
Soma yavo o ka pita kovaso yavo,Yehova o ka kala kovaso yavo.”+
Atosi Pombuelo
^ Lit., “ka vu kopako olosingo viene.”
