Mika 3:1-12
3 Nda popia hati: “Lingi ohenda yeveleli, ene asongui vonjo ya YakobaKuenda ene alombiali vionjo ya Isareli.+
Ene hẽ ka vu sukila oku kũlĩha eci cesunga?
2 Pole, ene wa suvuki eci ciwa+ kuenda vu sole eci cĩvi;+Vu tukũla ekova liomanu vange kuenda ositu yakepa avo.+
3 Ene vu liavo ositu yomanu vange+Loku tukũla ekova liavo,Vu nyanyõla akepa avo, loku a lingisa ovinimbu,+Ndocina cimue ci kasi oku telekiwa vombia,* ndositu yi kasi vombia yoku telekela.
4 Kotembo yaco, ovo va ka vilikiya Yehova poku pinga ekuatiso,Pole, eye ka ka va tambulula.
Kotembo yaco eye o ka salamisa ocipala caye kokuavo,+Omo liovilinga viavo vĩvi.+
5 Eci oco Yehova a popia catiamẽla kovaprofeto vana va yapuisa omanu vange+ hati:
Va imba oluiya ‘Luombembua!’+ osimbu ovo va lumana* lovayo avo+Pole, va popia* eci catiamẽla kuyaki ku una ka kapi lacimue vovimẽla viavo:
6 ‘Ene vu ka kala vowelema nduteke+ kuenda ka vu ka kuata ovinjonde.+
Kokuene ku ka kala lika owelema okuti, layimue ondimbukiso yi tunda ku Suku;Ekumbi li ka iñilila ovaprofeto,Kuenda utanya u ka pongoloka uteke kokuavo.+
7 Vakuavinjonde va ka kutisiwa osõi,+Kuenda vakuakutãha va ka sumua,Vosi yavo va ka munĩha ovimẽla viavo.
Momo ka ku ka kala etambululo li tunda ku Suku.’”
8 Catiamẽla kokuange, nda yukisiwa lunene omo liespiritu lia Yehova,Lesunga kuenda longusu,Oco okuti, ku Yakoba ku sapuiwa esino liaye kuenda ku Isareli ekandu liaye.
9 Yeveleli eci, lingi ohenda, ene asongui vonjo ya YakobaKuenda ene alombiali vionjo ya Isareli,+Ene vu nyãle esunga haine vu pengisa cosi ci kasi ciwa,+
10 Haine vu tunga o Siono loku pesela osonde kuenda o Yerusalãi lekambo liesunga.+
11 Asongui* vaye va sombisa locitukiko,+Ovitunda viaye vi longisa londando,+Kuenda ovaprofeto vaye va tãha omo liolombongo.*+
Haimo lumue, va sanda ekuatiso ku Yehova poku popia vati:
“Yehova ka kasi hẽ letu?+
Ka kuli eyambulo li ka tu kuata.”+
12 Omo liaco, omo liene,O Siono yi ka putuiwa ndepia limue,O Yerusalãi yi ka linga ondunda yovingululu,+Kuenda omunda Yonjo* yi ka linga ndovitumãlo via lepa vusenge umue.+
Atosi Pombuelo
^ Ale “ombia yimue yoku telekela ya sanjavala.”
^ Ale pamue, “osimbu va kuete cimue coku takĩla.”
^ Lit., “oku kolisa.”
^ Lit., “ovitue.”
^ Ale “opalata.”
^ Ale “omunda yonembele.”