Mika 6:1-16
6 Lingi ohenda, yeveleli eci Yehova a kasi oku popia.
Votoki, lomboluili ocitangi cimue kovaso yolomunda,Kuenda oviwulu vi yeve ondaka yene.+
2 Yeveleli, ekanga lia Yehova Alomunda,Ene aviseveto via koka vio kilu lieve,+Momo Yehova o kuete ekanga limue lomanu vaye;Eye o ka tumbika ekanga liaco ku va Isareli liokuti:+
3 “Amanu vange nye ame ndo lingi?
Nda ku kavisi ndati?+
Njimbili uvangi woku ñatukila.
4 Momo ame nda kupi vofeka Yegito,+Nda ku yovoli konjo yupika;+Nda tuma kovaso yene Mose, Arone kuenda Miriama.+
5 Amanu vange mangi ohenda, ivaluki eci Balaka soma yo Moavi a popia,+Kuenda eci Baliame omõla a Beore o tambulula+Okuti ca pita oku upisa ko Sitimi+ toke ko Giligali+Oco ene vu kũlĩhi ovilinga viesunga via Yehova.”
6 Nye ndi kambata eci ndi ka limolẽhisa kovaso a Yehova?
Nye ndi kambata eci ndi ka petamẽla kovaso a Suku una o kasi kocitumãlo ca lepa?
Ndi ka limolẽhisa kovaso aye lovilumba vioku pia elisi,Kumue lolonãle vi kuete unyamo umosi?+
7 Anga hẽ Yehova o ka sanjukila olohuluwa violomeme,Lonepa yalua yulela?+
Ndi ka eca hẽ onuñulu yange omo liesino liange,Epako lietimba liange omo liekandu liange?+
8 Amunu, eye wa ku sapuila eci ciwa.
Nye Yehova a pinga* kokuove?
Te okuti o linga esunga*+ loku sola ocili,*+Kuenda oku endaenda la Suku yove+ lesuluviko!+
9 Ondaka ya Yehova yi kalukila olupale;Vana va kuete olondunge, va ka kuatela usumba onduko yove.
Yeveleli ondaka yombueti kuenda una wa eca ombueti yaco.+
10 Anga hẽ konjo yondingaĩvi kuli ukuasi umue wevĩhoKuenda onjongo yesanda yo efa* ka ya sungulukile?
11 Ndi pondola hẽ oku liyelisa lombalãsa yesanda,Lonjeke yimue yocilemo cewe?+
12 Momo alume vaye olohuasi, veyuka ungangala,Kuenda olonungi vialio vi vangula uhembi;+Elimi liavo liuhembi.+
13 “Omo liaco, ndi ka ku kangisa,+Loku ecelela okuti, o nyõliwa omo liakandu ove.
14 Ove o ka lia pole, ku kekuta;O ka kala upolokoso.+
O ka seteka oku ambata ovokuasi ove pole, ku ka ci tẽla,Kuenda eci ove o ka tẽla oku ambata, ndi ka ceca kosipata.
15 O ka kũla, pole, ku kongula.
O ka kosa oliveira pole, ku ka linga cimue lulela waco;Kuenda o ka linga ovinyu yokaliye pole, ku ka nyua ovinyu yaco.+
16 Momo ene vu kuãi oviholo via Omiri lovopange osi onjo ya Ahava,+Kuenda wendi ndomo ci likuata lalungulo avo.
Eli olio esunga lieci ndu ku lingisili ocikuata cocinjokoKuenda olonungi vialio ocina cimue coku tombiwa;+
Kuenje ene vu ka sepuiwa lomanu.”+
Atosi Pombuelo
^ Ale “oku kala ukuahenda kuenda ukuacili vocisola cove.” Lit., “oku sola ocisola ka ci pongoloka.”
^ Ale “oku kala ukuesunga.”
^ Ale “kisika.”
^ Tala Alombo. B14.
