Ocisungo ca Salomone 1:1-17
-
Ocisungo covisungo (1)
-
Ufeko (2-7)
-
Omãla vakãi vo Yerusalãi (8)
-
Soma (9-11)
-
“Etu tu ka ku pangela ovina viulu vioku liposuisa” (11)
-
-
Ufeko (12-14)
-
‘Ukuacisola cange o kasi ndocipete co mura celemba liwa’ (13)
-
-
Ungombo (15)
-
“Ove wa posoka, okuacisola cange”
-
-
Ufeko (16, 17)
-
“Ove wa posoka, okuacisola cange” (16)
-
1 Ocisungo covisungo* okuti, ca Salomone:+
2 “Ndi sipule lasipulo omẽla wove,Momo ocisola cove ca velapo okuti, ovinyu yi sule.+
3 Elemba lionguendu yove liwa.+
Onduko yove yi kasi ndelemba lionguendu ya pesiwa.+
Eli olio esunga lieci akãi amalẽhe va ku solele.
4 Ngambate;* tu yoloke.
Soma wa ndiñisa vohondo yaye yo vokati!
Tu sanjuke kuenda tu yolele kumosi.
Tu sivaye* ocisola cove okuti, ca velapo ovinyu yi sule.
Ove o sesamẽla ocisola cavo.*
5 Ekova liange li tekãva, pole, ame da posoka, Amãla vakãi vo Yerusalãi,Ndolombalaka vio Kedare,+ ndolonanga viombalaka+ ya Salomone.
6 Ko ka vanji kokuange omo okuti ndi tekãva,Momo utanya wa ndi kakula.
Vamanjange va temẽle lame;Ovo va ndi nõla oco ndi lave oviumbo viayuva,Pole, ocumbo cange muẽle cayuva, sia ci lavele.
7 Ndi sapuile, ove una ndi sole calua,Apa ove o lisaila ocunda cove,Apa ove o vi pekalaisa ekumbi pongunji.+
Momo lie ame ndi sukilila oku endela pokati koviunda viakamba voveNdukãi umue wa sitika ocipala caye loveu?”*
8 “Nda ove kua ci kũlĩhĩle, Okãi wa velapo koku posoka pokati kakãi,Kuende, kuama volomãhi viocundaKuenda lisila otulohombo tuove ocipepi lolombalaka viangombo.”
9 “Ove o kasi ndokavalu kamue ka posoka, pokati kakãlu a Fareo, okuacisola cange.+
10 Atama ove a posuisiwa lovina vioku liposuisa,*Osingo yove ya posuisiwa lolomota.
11 Etu tu ka ku pangela ovina viulu vioku liposuisa*Kumue lolomota viopalata.”
12 “Osimbu soma a tumãla komesa yaye,Onguendu yange+ yeca elemba lialio.
13 Ukuacisola cange, kokuange o kasi ndocipete co mura celemba liwa+Ci pita uteke pokati kavele ange.
14 Ukuacisola cange, kokuange o kasi ndocisiakata+ cocikũla celemba liwa*Pokati koviumbo viayuva vio Engedi.”+
15 “Tala! Ove wa posoka, okuacisola cange.
Tala! Ove wa posoka. Ovaso ove a kasi ndovaso olopomba.”+
16 “Tala! Ove wa posoka,* okuacisola cange kuenda o ndi sanjuisa.+
Ula wetu u kasi pokati kamẽla.
17 Olohangalo vionjo* yetu viosedru,Olohangalo violusoka wetu, vioviti wongaye.
Atosi Pombuelo
^ Ale “Ocisungo ca velapo.”
^ Lit., “Ndi kokele konyima yove.”
^ Ale “oku lombolola.”
^ Okuti, akãi amalẽhe.
^ Ale “oveu yoku lila.”
^ Ale pamue, “pokati katombi esinga.”
^ Ale “ovinunga.”
^ Ale “co hena.”
^ Ale “wa fina.”
^ Ale “onjo yinene.”
