Ocisungo ca Salomone 4:1-16
4 “Tala! Ove wa posoka, okuacisola cange.
Tala! Ove wa posoka.
Konyima yoveu yove, ovaso ove a kasi ndovaso olopomba.
Esinga liove li kasi ndocunda colohomboVi kasi oku lokila kolomunda vio Gileada.+
2 Ovayo ove a kasi ndocunda colomeme via pemuiwa ndopoVi kasi oku tunda vovava noke yoku sukuiwa,Viosi via cita olonjamba,Kuenda layimue ya fisa okamõla kayo.
3 Omẽla wove u kasi ndukolo umue u kusuka,Oku vangula kuove ku sanjuisa.
Konyima yoveu yove, atama ove a ninaNdonepa yimue yo romã.
4 Osingo yove+ yi kasi ndosapalalo ya Daviti,+Yina ya tungiwa lovilala viovaweKuna kua patekiwa ohulukãi yoviyepelo,Oviyepelo viosi vialume va pama.+
5 Avele ove avali a kasi ndomãla vavali,Okuti, olonjamba viombambi yomange,+Vi kasi oku lila pokati kolonelẽho.”
6 “Osimbu ofela yeteke ka ya fetikile oku sika* kuenda ulembo ka wa pitile,Ame ndi ka enda komunda yo muraKuenda kowulu yonguendu.”+
7 “Ove wa posoka calua, okuacisola cange,+Vokuove ka muli etime.
8 Enju lame, poku tunda ko Levanone, a ndombua yange,Enju lame poku tunda ko Levanone.+Loka oku tunda konumbuko yo Amana,*Konumbuko yo Senire, konumbuko yo Herimone,+Kovitililo violohosi, kolomunda violongue.
9 Ove wa nyana utima wange,+ a manjange, a ndombua yange,Ove wa nyana utima wange loku vanja kuovaso ove,Lonepa yimue yomota yove yo posingo.
10 Ocisola cove ca fina+ a manjange, a ndombua yange!
Ocisola cove ca velapo vali okuti ovinyu yi sule,+Kuenda elemba lionguendu yove ya velapo okuti, ovikũla vielemba liwa vi sule!+
11 A ndombua yange, omẽla wove u lowisa owiki wo vocingo.+
Owiki lasenjele vi kasi vemẽhi lielimi liove,+Kuenda elemba liovowalo ove li sokisiwa lelemba liovusenge wo Levanone.
12 Manjange, ndombua yange, o kasi ndocumbo cimue ca yikiwa,Ocumbo cimue ca yikiwa, ono yimue yovava ya sitikiwa.
13 Ovianja* viove, ocumbo cimue celau* colo romãLapako a velapo, lo hena kumue longuendu,*
14 Onguendu+ lo asafrau, lo kalamu*+ kuenda okanela,+Kumue lapata osi oviti vionguendu, o mura kuenda ocandala,+Kumue lolonguendu viosi via velapo.+
15 Ove wuno yimue yocumbo, ocisimo cimue covava a talala,Kuenda olondui vi tumõha vi tunda ko Levanone.+
16 Pasuka, Afela yo konano;Iñila, Afela yo kombuelo.
Sikila* vocumbo cange.
Elemba lialio li li sandule.”
“Ukuacisola cange, a iñile vocumbo cayeLoku lia apako aco a velapo.”
Atosi Pombuelo
^ Lit., “eteke li fuima.”
^ Ale “Anti-Levanone.”
^ Ale pamue, “ekova.”
^ Ale “ocumbo.”
^ Ocikũla cimue citito ci kuete elemba liwa.
^ Olundeya lumue lu kuete elemba liwa.
^ Ale “Oku sika levando.”
