Ocisungo ca Salomone 6:1-13
6 “Ukuacisola cove pi a enda,Okãi wa velapo koku posoka pokati kakãi?
Ukuacisola cove wa ñualila konjila yipi?
Linga tu u sandiliye kumue love.”
2 “Ukuacisola cange, wa lokila vocumbo cayeVoviumbo violonelẽho vi kuete ovikũla vielemba liwa,Oco a lisilemo ocundaKuenda oku upa olonelẽho.+
3 Ame ndu waye,Kuenda eye wange.+
Eye o kasi oku lisila pokati kolonelẽho.”+
4 “Ove wa posoka calua ndo Tirica,*+ okuacisola cange,+Wa fina calua ndo Yerusalãi,+Ove o komõhisa ndolohoka via liongolola oco vi ende kuyaki.+
5 Ku ka tiamisile ovaso ove+ kokuange,Momo ovaso ove a ndi sakalaisa.
Esinga liove li kasi ndocunda colohomboCi lokila kolomunda vio Gileada.+
6 Ovayo ove a kasi ndocunda colomemeVi kasi oku tunda vovava noke yoku sukuiwa,Viosi via cita olonjamba,Kuenda layimue ya fisa okamõla kayo.
7 Konyima yoveu yove, atama* ove a ninaNdonepa yimue yo romã.
8 Citava okuti ku kala 60 kolonasomaLakama va soka 80Kuenda afeko ka va tendiwa.+
9 Pole, umosi lika okuti eye opomba yange,+ una wange okuti ka kuete etime.
Eye lika ku inaye.
Eye wa soliwa,* ku una wo cita.
Omãla vakãi vo mola kuenje va vangula ciwa catiamẽla kokuaye;Va nasoma kuenda akama vamamako oku u sivaya.
10 ‘U helie okuti, o nina* ndongula yi tola,Wa fina calua ndosãi ya linga ongalo,O yela ndocinyi cekumbi,O komõhisa ndolohoka via liongolola oco vi ende kuyaki?’”+
11 “Nda lokila vocumbo coviti violonendo+Oco ndi mole ocina cokaliye ci kasi oku kulila vocimbota,*Oco ndi mole nda uti wayuva wa kala oku yova,*Nda oviti vio romã via telẽha.
12 Osimbu sia limbukile eci ca kala oku pita,Onjongole yange ya ngambataKakãlu vomanu vange vawa.”*
13 “Tiuka, tiuka, A Sulamita!
Tiuka, tiuka,Oco tu ku tale!”
“Momo lie vu vanjela Sulamita?”+
“Eye o kasi ndomiluko yovimunga vivali viomanu!”*
Atosi Pombuelo
^ Ale “Olupale lu Sanjuisa.”
^ Ale “olombandu.”
^ Lit., “wa pua eko.”
^ Lit., “o vanja posi.”
^ Ale “vekango.”
^ Ale “oku telẽha.”
^ Ale “omanu vange va lieca olumue koku vumba.” Ale pamue, “olombiali viange.”
^ Ale “oku piluka kuo ko Mahanayimi.”
