Ocisungo ca Salomone 7:1-13
7 “Olomãhi viove via posoka calua volohaku viove,Amõla ukãi ukuacali!
Ovikalo viove via fina vi kasi ndovina vioku liposuisa,Via pangiwa lovaka onalavayi yimue ya loñoloha calua.
2 Ohopa yove yi kasi ndokopo.
Oyo lalimue eteke mu kamba ovinyu ya tengiwa.
Imo liove ondunda yimue yotiliku,Ya ñualiwa lolonelẽho.
3 Avele ove avali a kasi ndomãla vavali,Okuti, olonjamba viombambi yomange.+
4 Osingo yove+ yi kasi ndosapalalo yimue yombinga yonjamba.+
Ovaso ove+ a kasi ndoviva vio ko Hesibone,+Vi kasi ocipepi lombundi yo Batrabi.
Enyulu liove li kasi ndosapalalo yo Levanone,Yina ya imba ovaso ko Damasko.
5 Utue wove u kasi ndo Karimele,+Kuenda esinga*+ liutue wove li kasi ndelinya liohusu.+
Utima wa soma u kutiwa lesinga liove lia fina halio lia lepa.
6 Ove wa posoka calua kuenda o sanjuisa calua,Ove una ame ndi sole, kilu liovina viosi viwa!
7 Utunga wove u kasi nduti weva,Kuenda avele ove a kasi ndovilende viondende.+
8 Nda popia siti: ‘Ndi ka londa vuti wevaOco ndupe ovianja viaco vi kuete apako.’
Avele ove a kale nd ovilende viayuva,Elemba liefuimo liove li kale ndolomasã,
9 Kuenda omẽla* wove u kale ndovinyu ya velapo.”
“Oyo yi lokile ciwa venguli liukuacisola cange,Yi loke levando vomẽla wa vana va pekela.
10 Ame nda tiamẽla kukuacisola cange,+Kuenda onjongole yaye yi kasi kokuange.
11 Enju, Okuacisola cange,Tu ende kovapia;Tu kale pokati kovikũla vio hena.+
12 Tu pasuke selo kuenda tu ende koviumbo viayuvaOco tu tale nda uyuva wa yova,Nda olonelẽho via telẽha,+
Nda olo romã via telẽha.+
Oko ndi ka situluila ocisola ndu ku kuetele.+
13 Apako+ a eca elemba liao;Papito etu pali apata osi apako awa.+
Ci kaile okaliye ale osimbu,Okuacisola cange, ame ndamamako oku ku solekelako.
