Olonganji 5:1-31
5 Keteke liaco, Devora+ kumue la Baraka+ omõla a Avinoama va imba ocisungo eci:+
2 “Omo liesinga lia fuamõha* ko Isareli,Omo liomanu va lieca olumue,+Sivayi Yehova!
3 Yeveleli, ene alosoma! Kululi ovatũi ene alombiali!
Njimbila Yehova.
Njimbila Yehova,+ Suku ya Isareli esivayo.*+
4 A Yehova eci wa tunda ko Seire,+Eci wa tunda oku upisa kocikanjo ca Edome,Osi ya luluma kuenda ombela ya loka,Alende a lokisa ovava.
5 Olomunda via yengulukila* kovaso a Yehova,+Ndaño muẽle o Sinai kovaso a Yehova,+ Suku ya Isareli.+
6 Koloneke via Siamigara+ omõla a Anate,Koloneke via Yaele,+ atapalo a kala ekalasoko;Vakuakulinga ovongende, va enda oku pita volonjila vikuavo.
7 Ka kua kaile vali* vakuakulima vo Isareli;Ovo ka va kaileko vali toke eci ame ndi Devora+ nda katuka,Toke eci nda katuka ndonjali yimue vo Isareli.+
8 Ovo va nõla olosuku viokaliye;+Kuenje pa kala uyaki polombundi.+
Ka kua muiwile ociyepelo cimue ndaño onjelia,Pokati keci ci soka 40.000 ko Isareli.
9 Utima wange u kasi la vakesongo vo Isareli,+Vana va lieca olumue kumue lomanu.+
Sivayi Yehova!
10 Ene wendeli kovimbulu vievala lievaya,Ene vu tumãli vatapete a fina,Lene wendeli vetapalo,Ci sokololi!
11 Olondaka via vana vakuakutapa ovava, via yeviwa kovitumãlo vioku tapa ovava;Kocitumãlo caco oko va popela catiamẽla kovilinga viesunga via Yehova,Ovilinga viesunga via vakuakulima ko Isareli.
Kuenje omanu va Yehova va lokila toke kolombundi.
12 Pasuka, pasuka A Devora!+
Pasuka, pasuka imba ocisungo cimue!+
Katuka a Baraka!+ Ambata olomandekua viove, ove amõla a Avinoama!
13 Kuenje vana va supilepo va lokila toke kolombuale;Omanu va Yehova va lokila kokuange oco va liyake la vakuonene.
14 Vana va kala vocimbota* va kala vo ko Efarimi;Ovo va kasi oku ku kuama, A Benjamini pokati komanu vove.
Vakesongo va lokila oku upisa kovitumbulukila via Makiri,+Kuenda oku upisa ku Sevulono vana vambata ombueti yesualali.*
15 Olombuale via Isakare via kala kumue la Devora,Ndeci Isakare la Baraka va kala.+
Eye wa endela posi poku tumiwa vocimbota co vetapi.*+
Catiamẽla katepiso ocikoti ca Ruvene, ovitima viavo via kala latatahãi alua.
16 Momo lie wa tumãlela vemẽhi liovilemo* vivali,Oku yevelela angombo oku sika olombendo koviunda viavo?+
Catiamẽla katepiso ocikoti ca Ruvene, ovitima viavo via kala latatahãi alua.
17 Gileada wamamako kesinya likuavo lio Yordão;+Kuenda Dani, momo lie a kalela kumue lolonaviyu?+
Asiyere wa tumãlele lowesi kohulo yokalunga,Kuenda eye wamamako ocipepi latapu* aye olonaviyu.+
18 Va Sevulono va kala omanu vamue va enda oku kapa omuenyo wavo kohele okuti, ka va kuatele usumba woku fa;La Nafitali+ kovitumãlo via lepa.+
19 Olosoma vieya, via yaka;Noke olosoma vio ko Kanana via yakela+Ko Taanake, ocipepi lovava o Megido.+
Ovio ka via pundile ocikuata lacimue copalata.+
20 Oku upisa kilu olombungululu via yaka;Oku upisa kolonjila vialio, via liyaka la Sisera.
21 Endunde* lio Kisone lia va koka,+Andunde* o kosimbu okuti, andunde* o Kisone.
Amuenyo wange,* ove wa liatela vakuonene.
22 Noke akonjo olokavalu a lulumisa osiOsimbu olokavalu viaye viuyaki via lupuka lonjanga lonyeño.+
23 ‘Siñali Merosi,’ oco ca popia ungelo wa Yehova,‘Oco, siñali olonungi vialio,Momo ka vieyile oku kuatisa YehovaOku kuatisa Yehova kumue lalume va pamele calua.’
24 Wa sumũlũha calua pokati kakãi, Yaele+Ukãi wa Heveri+ u Keni;Eye wa sumũlũha calua pokati kakãi va tunga volombalaka.
25 Ulume wa pinga ovava; ukãi wo wĩha asenjele.
Vetiyela limue linene ukãi wo wĩha asenjele a sãsa.*+
26 Leka liaye, ukãi wa kuata ombambo yombalaka,Leka liaye liondio wa kuata omatelo yolonalavayi.
Kuenda wa valela Sisera, ukãi wa sasõla utue waye,Wa tola kuenda wo tombola pombandu yutue waye.+
27 Eye wa kupukila pokati kovolu wukãi; eye wa kupuka kuenda ka lisengele vali;Eye wa kupukila pokati kovolu wukãi kuenda wa kupuka;Eye wa fila pocitumãlo a kupukila.
28 Ukãi umue wa kala oku vanjela ponjanela,Ina ya Sisera wa kala oku lavulula ponjanela,‘Momo lie ekãlu liaye li kasilili oku cilua?
Momo lie handi si tẽlela oku yeva onjuela yolokavalu viaye?’+
29 Akãi va kuetepo vali olondunge pokati kolombuale viaye viakãi, va ponduile oku u tambulula;Ocili, eye wa ponduilevo oku likumbulula,
30 ‘Citava okuti, va kasi oku litepela ovina via pundiwa vina va sanga,Esualali lesualali lia kuata ufeko* umosi, pamue afeko* vavali,Onanga ya pundiwa yi kuete evala ku Sisera, onanga ya pundiwa yi kuete evala,Uwalo umue wa tutiwa, onanga yi kuete evala, ovowalo avali a tutiwaOku iña kosingo ya vakuakupunda.’
31 A Yehova ecelela okuti ovanyãli vove, va nyõliwa,+Pole, ecelela okuti vana va ku sole va kala ndokutunda kuekumbi vulamba walio.”
Kuenje ofeka ya kuata epuyuko* kuyaki vokuenda kueci ci soka 40 kanyamo.+
Atosi Pombuelo
^ Ale “asualali va kasi lesinga lia fuamõha.”
^ Ale “oku linga ovisungo.”
^ Ale pamue “via luluma.”
^ Ale “va imũha.”
^ Ale “vetapi lia vomba.”
^ Ale pamue, “vana va talavaya locimalẽho cukuavisonehua.”
^ Ale “vetapi lia vomba.”
^ Okuti, ovilemo viocinyama cimue ci ambata ocilemo.
^ Ale “ovitumãlo vioku lokila.”
^ Ale “olui.”
^ Tala Elomboluilo.
^ Ale “olui.”
^ Ale “olui.”
^ Ale “asenjele a kuata.”
^ Lit., “imo.”
^ Lit., “ovaimo.”
^ Ale “ombembua.”
