Olosamo 11:1-7
Kusongui wolonjimbi. Osamo ya Daviti.
11 Ame nda sanga ociteyuilo ku Yehova.+
Omo liaco, vu ndi sapuila ndati hoti:
“Tilila komunda ndonjila yimue!
2 Tala ndomo olondingaĩvi vi lumbilila ohonji;Ovio vi kapa usongo vukolo wohonji,Oco okuti vowelema ovio vi wimba ku vana va kuete utima wa suñama.
3 Eci oviseveto* vi nyõliwa,Nye ukuesunga a pondola oku linga?”
4 Yehova o kasi vonembele yaye yi kola.+
Ocalo ca Yehova ci kasi kovailu.+
Ovaso aye a lete kuenda ovaso aye a konomuisa omãla vomanu.+
5 Yehova o kũlĩhĩsa ukuesunga kuenda ondingaĩvi;+Eye o suvuka omunu o sole ungangala.+
6 Eye o ka kapela olonjanjo olondingaĩvi;Ondalu lofuofuo,+ ofela lowuya walua, ovio onepa vi sukila oku nyua.
7 Momo Yehova ukuesunga;+ eye o sole ovilinga viesunga.+
Omunu wa suñama o ka mola ocipala caye.*+
