Olosamo 118:1-29
118 Eci olopandu ku Yehova, momo eye uwa;+Ocisola caye ka ci pongoloka ci kala otembo ka yi pui.
2 Isareli a popie hati:
“Ocisola caye ka ci pongoloka ci kala otembo ka yi pui.”
3 Vakuanjo ya Arone va popie vati:
“Ocisola caye ka ci pongoloka ci kala otembo ka yi pui.”
4 Vana va sumbila Yehova va popie vati:
“Ocisola caye ka ci pongoloka ci kala otembo ka yi pui.”
5 Nda vilikiya Yehova vohali yange;Yehova wa nambulula kuenda wa ndi tuala kocitumãlo cimue ca koka.*+
6 Yehova o kasi konele yange; si ka kuata usumba.+
Omunu hẽ o ndinga nye?+
7 Yehova o kasi konele yange ndoñuatisi yange;*+Ndi ka vanja koku yuliwa kua vana va ndi suvuka.+
8 Ca velapo oku sanda ocitililo ku YehovaOkuti, oku kolela omanu ci sule.+
9 Ca velapo oku sanda ocitililo ku YehovaOkuti, oku kolela kolombuale ci sule.+
10 Olofeka viosi via ndi ñuala,Pole, vonduko ya Yehova,Nda vi lupuisa.+
11 Ovio via ndi ñualele, ocili, nda ñualiwile kolonele viosi,Pole, vonduko ya Yehova,Nda vi lupuisa.
12 Ovio via ndi ñuala ndolonyihi,Pole, ovio via taka lonjanga ndondalu pokati kolosongo.
Vonduko ya Yehova,Nda vi lupuisa.+
13 Nda leñuiwa longusu* oco ndi kupuke,Pole, Yehova wa ñuatisa.
14 Yehova eye ocitililo cange kuenda ongusu yange,Kuenje eye wa linga epopelo liange.+
15 Ocileñi conjolela kuenda cepopelo,*Ci kasi volombalaka via vakuesunga.
Eka liondio lia Yehova li lekisa unene walio.+
16 Eka liondio lia Yehova li li kemãlisa olio muẽle;Eka liondio lia Yehova li lekisa unene walio.+
17 Ame si ka fa, sio, ndi ka kala lomuenyo,Oco ndi sapule ovopange a Yehova.+
18 Yehova wa ndonga eci ci vala,+Pole, ka ngecele kolofa.+
19 Njuluili olombundi viesunga;+Ndi ka iñililamo kuenje ndi sivaya Yehova.
20 Eyi oyo ombundi ya Yehova.
Vakuesunga va ka pitamo.+
21 Ndi ka ku sivaya, momo ove wa nambulula+Kuenda wa linga epopelo liange.
22 Ewe lia nyehũiwa la vakuakutungaOlio lia linga ewe lia velapo lievindi.*+
23 Ewe liaco lia tunda ku Yehova;+Olio li komõhisa kovaso etu.+
24 Eli olio eteke Yehova a tumbika;Tu ka sanjuka loku yolela vokuenda kueteke eli.
25 A Yehova, tu linge ohenda, tu popele, tu ku pinga!
A Yehova, linga ohenda tu ĩhe eyulo!
26 Wa sumũlũha omunu iya vonduko ya Yehova;+Tu vu sumũlũisi oku upisa konjo ya Yehova.
27 Yehova eye Suku;Eye o tu ĩha ocinyi.+
Likongeli ku vana va enda kocipito lovianja peka,+Ocipepi lolombinga viutala.+
28 Ove wu Suku yange kuenda ndu ku sivaya;A Suku yange, ndi ka ku kemãlisa.+
29 Eci olopandu ku Yehova,+ momo eye uwa;Ocisola caye ka ci pongoloka ci kala otembo ka yi pui.+
Atosi Pombuelo
^ Ale “ocitumãlo ca lisanja.”
^ Ale pamue, “kumue la vana va ndi kuatisa.”
^ Ale pamue, “Ove wa ndi leñula longusu.”
^ Ale “eyulo.”
^ Lit., “utue wevindi.”
