Olosamo 13:1-6
Kusongui wolonjimbi. Osamo ya Daviti.
13 A Yehova, toke otembo yipi o ka njivala? Otembo ka yi pui?
Toke otembo yipi o ka salamisa ocipala cove kokuange?+
2 Toke otembo yipi ndi ka kuata asakalalo,Lesumuo vutima wange eteke leteke?
Toke otembo yipi unyãli wange a ka ndi yula?+
3 A Yehova, Suku yange, vanja kokuange kuenda nambulule.
Eca ocinyi vovaso ange oco si ka pekele kolofa,
4 Oco unyãli wange ka ka popie hati: “Ame ndo yula!”
Ku ka ecelele okuti ovanyãli vange va sanjukila oku kupuka kuange.+
5 Catiamẽla kokuange, ndi kolela kocisola cove ka ci pongoloka;+Utima wange u ka sanjukila ovilinga viove viepopelo.+
6 Ndi ka imbila Yehova ovisungo, momo eye wa siata oku ndi sumũlũisa calua.+
