Olosamo 141:1-10
Osamo ya Daviti.
141 A Yehova, ndu ku vilikiya.+
Enju lonjanga oco o ñuatise.+
Yevelela eci ndu ku vilikiya.+
2 Ohutililo yange yi kale ndinsensu+ via pongiyiwa kovaso ove,+Apingilo ange a kale ndocilumba colomema ceciwa koñolosi.+
3 A Yehova, ñuatise oku lava omẽla wange,Kuenda ñuatise oku lavulula omẽla wange.+
4 Ku ka ecelele okuti ndi tiamisila utima wange kovina vĩvi,+Poku litenga kovilinga vĩvi violondingaĩvi;Lalimue eteke si ka sanjukile ovilia viavo via velapo.
5 Nda ukuesunga wa ndi vetele, nda ca kala ndelinga liocisola ka ci pongoloka;+Nda eye wa ndi lemẽlele, nda ca kala ndulela kutue wange okuti,+Utue wange lalimue eteke nda wa u likala.+
Ohutililo yange yamameko ndaño vokuenda kuohali yavo.
6 Ndaño olonganji viavo vi imbiwa tunde komunda,Omanu va ka yevelela olondaka viange, momo ovio vi sanjuisa.
7 Ndeci omunu umue a senda ovapia loku tetola osi oco a yi payule,Cimuamue haico okuti, akepa etu a sanduiwa komẽla Wonjembo.*
8 Pole, nda ku kolela, A Ñala Tõlo Yehova.+
Nda sanga ocitililo kokuove.
Ku ka njupe omuenyo wange.
9 Ndi teyuile konjanjo ovo va ndi kapela,Kolonjanjo violondingaĩvi.
10 Olondingaĩvi viosi vi ka kupukila volonjanjo* viavo muẽle,+Ame puãi ndi ka puluka kolonjanjo viaco.
