Olosamo 33:1-22
33 Kaluki lonjolela, ene a vakuesunga, omo liovina Yehova a siata oku linga.+
Ca sunguluka kuava va suñama oku u sivaya.
2 Panduli Yehova lohalupa;Imbili ovisungo viesivayo* kokuaye locikuata covisikilo ci kuete ovikolo ekũi.
3 Imbili kokuaye ocisungo cimue cokaliye;+Siki luloño, loku kaluka lonjolela.
4 Momo ondaka ya Yehova ya suñama,+Kuenda ovina viosi eye a linga via koleliwa.
5 Eye o sole esunga kuenda esombiso ka li kuete ocame.+
Ilu lieve lieyuka locisola ka ci pongoloka ca Yehova.+
6 Ovailu a lulikiwa pocakati condaka ya Yehova,+Kuenda ovina viosi vi kasimo* via lulikiwa lefuimo* liomẽla waye.
7 Eye o kongela ovava okalunga ndovimbaka;+Eye o kapa alondo ovava volosila.
8 Omanu vosi vo kilu lieve va sumbile Yehova.+
Olonungi viosi vio kilu lieve viu komõhele.
9 Momo eye muẽle wa popia kuenje ovina via lingiwa;+Eye muẽle wa handeleka kuenje ovina viosi via talama ngõ.+
10 Yehova wa nyõla asokiyo ãvi* olofeka;+Eye wa nyõla asokiyo* omanu.+
11 Pole, ocipango ca Yehova ci kala otembo ka yi pui;+Ovisimĩlo viutima waye viamamako tunde kocitumbulukila cimue toke kocitumbulukila cikuavo.
12 Ya sumũlũha ofeka yina okuti Suku yavo Yehova,+Omanu eye a nõla ndocipiñalo caye muẽle.+
13 Yehova oku upisa kilu o vanja posi;Eye o lete omãla vosi vomanu.+
14 Oku upisa kocitumãlo caye coku kala,Eye o vanja vanja olonungi vio kilu lieve.
15 Eye o panga ovitima via vosi;Eye o kũlĩhĩsa ovopange avo osi.+
16 Layimue osoma yi popeliwa omo liolohoka viaye vialua;+Omunu wa pama ka popeliwa omo liunene waye walua.+
17 Oku kolela okuti okavalu ka pondola oku nena epopelo, esanda;+Ongusu yalua yokavalu, ka yeci epopelo.
18 Tali! Ovaso a Yehova a lavulula vana vo sumbila;+Vana va lavoka ocisola caye ka ci pongoloka,
19 Oco a va yovole kolofa,Kuenda oku va ĩha omuenyo vokuenda kuonjala.+
20 Tu kasi oku lavoka Yehova oco a tu kuatise.
Eye oñuatisi yetu haeye ociyepelo cetu.+
21 Ovitima vietu vi sanjukila kokuaye,Momo tua kolela konduko yaye yi kola.+
22 A Yehova, ocisola cove ka ci pongoloka ci kale kokuetu,+Osimbu tu amamako oku talamẽla kokuove.+
Atosi Pombuelo
^ Ale “Oku linga ovisungo.”
^ Lit., “olohoka vialio viosi.”
^ Ale “lespiritu.”
^ Ale “alungulo.”
^ Ale “ovisimĩlo.”
