Olosamo 35:1-28
Osamo ya Daviti.
35 A Yehova, ndi teyuile kovanyãli vange;+Liyaka la vana va liyaka lame.+
2 Kuata oviyepelo vitito* levi vinene,+Enju kuenda ndi kuatise.+
3 Yeluila onjelia yove kuenda ondiaviti ku vana va ndi landula.+
Ndi sapuile hati: “Ame ndupopeli wove.”+
4 Vana va kasi oku sandiliya oku ndi ponda va kutisiwe osõi loku lavisiwa.+
Vana va tumbika ongombo yoku ndi kundula, va tiukile konyima losõi.
5 Ovo va linge ndovinene viambatiwa lofela;Ungelo wa Yehova a va lupuise.+
6 Onjila yavo yi tekãve loku sielenaOsimbu ungelo wa Yehova a va landula.
7 Momo ndaño okuti ame sia va lingile cimue, ovo va ndi petuila owanda ndociliva;Kuenda va ndi fẽlela ocitunu.
8 Ocilunga cu sange ocipikipiki;Owanda a petula ndociliva, cu kuate eye muẽle;A kupukilemo loku kunduiwa.+
9 Pole, ame ndi ka sanjukila ku Yehova;Ndi ka yolela ovilinga viaye vioku popela.
10 Linga ndi popie lutima wange wosi siti:
“A Yehova, helie wa lisoka love?
Ove o yovola omunu ka kuete ekuatiso ku vana va pama calua,+O yovola omunu ka kuete ekuatiso lohukũi ku vana va va nyana.”+
11 Olondingaĩvi vieya kuenda via ndi lundila eci nda kala oku sombisiwa,+Ovio via ndi lundila ovina sia kũlĩhĩle.
12 Eci ciwa va ci ndi fetuluinya leci cĩvi,+Omo liaco, nda pua elavoko.
13 Pole, eci ovo va kala oku vela, nda walele ovikelẽyi;Nda liketisa poku likandangiya oku lia,Kuenda eci ohutililo yange ka ya tambuluiwile,*
14 Nda ñuala ñuala loku lila ndu okuti, ndi lilila ekamba liange ale manjange;Nda kekama lesumuo, ndomunu o lilila inaye.
15 Pole, eci nda lilondoka ovo va sanjuka kuenda va liongoluila pamosi;Ovo va liongolola oco va ndi katukile osimbu sia kapeleleko;Ka vohĩleko osimbu va kala oku ndi katukila lolombonde.
16 Olondingaĩvi vi ndi yola epembe,*Ovio vi ndi keleketa ovayo.+
17 A Yehova, toke otembo yipi o ka vanja ño?+
Ndi popele kongombo yavo,+Yovola omuenyo wange uwa kolohosi viamalẽhe.*+
18 Kuenje ndi ka ku pandula vekongelo linene;+Ndi ka ku sivayela pokati kowiñi womanu.
19 Ku ka ecelele okuti vana ka va kuete esunga lioku kala ovanyãli vange va sanjukila ohali yange;Ku ka ecelele okuti vana va ndi suvuka okuti ka va kuete esunga lioku ci linga+ va njola epembe.*+
20 Momo ovo ka va vangula olondaka viombembua,Pole, luhembi, ovo va sokiyila eci cĩvi omanu vakuambembua vo vofeka.+
21 Ovo va yikula ovimẽla viavo oku ndi lundila,Vati: “Ove wa linga eci! Ovaso etu a ci mola.”
22 A Yehova, ove wa mola ovina via pita. Ku kamameko oku ũha.+
A Yehova, ku ka kale ocipãla lame.+
23 Katuka oco o ndi popele,A Yehova, a Suku yange, ku lingiwe esunga kocitangi cange.
24 A Yehova Suku yange, ndi sombise ndomo ci likuata lesunga liove;+Ovanyãli vange ka va ka sanjukile ohali yange.
25 Ovo ka va ka popie vati: “Eci oco tua yonguile.”
Ka va ka popie vati: “Tuo kundula.”+
26 Vosi yavo va kutisiwe osõi loku sepuiwa,Vana va sanjukila ohali yange.
Vana va sima okuti va velapo okuti ame ndi sule, va kutisiwe osõi loku lavisiwa.
27 Pole, vana va sanjukila esunga liange va kaluke lonjolela;Vamameko oku popia vati:
“Yehova a kemanyiwe, una o sanjukila ombembua yukuenje waye.”+
28 Kuenje elimi liange li ka sapula* esunga liove+Loku ku sivaya otembo yosi.+
Atosi Pombuelo
^ Ociyepelo cimue citito okuti, ca enda oku ambatiwa la vakualohonji.
^ Ale “ya ponduile oku tiukila ponete yange.”
^ Ale pamue, “Olondingaĩvi vi yola epembe omo liokulia kutito.”
^ Ale “ayove olohosi.”
^ Ale “oku piakola ovaso ndocindekaise coku pembula.”
^ Ale “oku sokolola.”
