Olosamo 40:1-17
Kusongui wolonjimbi. Osamo ya Daviti.
40 Nda lavoka ku Yehova lepandi,Kuenje eye wa vonguila etũi* liaye kokuange kuenda wa yeva oku liyula kuange kuekuatiso.+
2 Eye wa njupa vocitunu ci kuete ovava a lupuka,Wa njupa volonata.
Kuenje wa kapa olomãhi viange kesenje;Wa kolisa omãhi yange.
3 Kuenje eye wa ndongisa ocisungo cimue cokaliye,+Ocisungo cesivayo ku Suku yetu.
Valua va ka mola loku komõhaKuenda va ka kolela ku Yehova.
4 Wa sumũlũha omunu o kolela ku YehovaHaeye ka likongela lomanu va siva ndaño lolohembi.
5 Ovopange a komõhisa ove wa tu lingila alua,A Yehova Suku yange,Kuenda ovisimĩlo viove viatiamẽla kokuetu vialua.+
Lomue wa lisoka love;+Nda nda seteka oku sapula loku vangula catiamẽla kokuavio,Oku vi lombolola nda vialua calua!+
6 Ove kua yonguile* ovilumba kuenda olombanjaile,+Pole, ove wa ñuatisa oku yevelela loku kuata elomboloko lieci o popia.+
Kua pingile ovilumba vioku pia elisi ndaño ovilumba viekandu.+
7 Kuenje nda popia siti: “Tala, ndeya.
Vociña* mua sonehiwa eci catiamẽla kokuange.+
8 A Suku yange, oku linga ocipango cove oyo onjongole* yange,+Kuenda ocihandeleko cove ci kasi vokati kutima wange.+
9 Ndi sapula olondaka viwa viesunga vekongelo linene.+
Tala! Si yiki omẽla wange,+Ndomo ove wa ci kũlĩha ciwa, A Yehova.
10 Si vundisa esunga liove vutima wange.
Ndi sapula esunga kuenda epopelo liove.
Si vundisa ocisola cove ka ci pongoloka kuenda ocili cove vekongelo linene.”+
11 A Yehova, ku ka likale ohenda yove kokuange.
Ocisola cove ka ci pongoloka kuenda ocili cove, vi ndi teyuile otembo yosi.+
12 Ovitangi via ndi ñuala vialua enene okuti, oku vi tenda ka vi tẽliwa.+
Akulueya ange alua enene okuti, si tẽla oku mola oku ndi kasi oku enda;+Ovio vialua calua okuti esinga liutue wange li sule,Kuenje nda sumua.
13 A Yehova, ndinge ohenda, mopele.+
A Yehova, yayulako oku ndi kuatisa.+
14 Vosi vana va kasi oku sandiliya oku ndi pondaVa kutisiwe osõi loku sepuiwa.
Vana va sanjukila ovitangi viangeVa tiukile konyima lelaviso.
15 Vana va kasi oku ndi yola epembe loku popia vati: “Eci oco o sesamẽla!”
Va saluke omo liosõi yavo muẽle.
16 Pole, ecelela okuti vana va ku sanda+Va yolela loku sanjuka vokuove.+
Vana va sole ovilinga viove viepopelo otembo yosi va popie vati:
“Yehova a kemãlisiwe.”+
17 Pole, ame si kuete ekuatiso kuenda ndihukũi;Yehova a ndi tate.
Ove wuñuatisi yange haive wunjovoli yange;+A Suku yange, ku ka cilue.+
Atosi Pombuelo
^ Ale “wa petama oco a yevelele.”
^ Ale “oku sanjukila.”
^ Lit., “ociña celivulu.”
^ Ale “esanju.”
