Olosamo 59:1-17
Kusongui wolonjimbi; elaka liaco “Ku ka Nyõle.” Osamo ya Daviti. Mikitama.* Ceci Saulu a tuma alume oku lavulula onjo ya Daviti oco vo ponde.+
59 A Suku yange, mopele kovanyãli vange;+Ndi teyuile ku vana va ndi katukila.+
2 Mopele ku vana va linga eci cĩvi,Kuenda ndi yovole kolongangala.*
3 Tala! Ovo va ndi lavekela vonutula;+Alume va pama va ndi katukila,Pole, ka va ci lingila omo nda lueya,+ ale nda linga ekandu, A Yehova.
4 Ndaño sia lingile cimue cĩvi, ovo va lupuka loku lipongiyila oku ñatukila.
Eci ndu ku vilikiya, votoka oco o ñuatise loku mola eci ovo va linga.
5 Momo ove, A Yehova Suku yolohoka, ove Suku ya Isareli.+
Votoka oco o kũlĩhĩse olofeka viosi.
Ku ka lekise ohenda kolondingaĩvi vakuosuanji.+ (Sela)
6 Uteke luteke ovio vi tiuka;+Vi kua* ndolombua+ kuenda vi ñuala ñuala olupale.+
7 Tala ovina vi tunda vomẽla wavo;Omẽla wavo u kasi ndolosipata,+Momo vi popia viti: “Helie o kasi oku yevelela?”+
8 Pole, ove A Yehova, o ka vi yola;+Ove o ka pembula olofeka viosi.+
9 Angusu yange, ndi amamako oku talamẽla kokuove;+Momo Suku eye ocitililo cange ca koka.*+
10 Suku una o lekisa ocisola ka ci pongoloka kokuange, o keya oku ndi kuatisa;+Suku o ka ndi kokela oku vanja koku yuliwa kuovanyãli vange.+
11 Ku ka va ponde, oco omanu vange ka va ka ivaleko.
Lunene wove, va kokela oku tungayala;Va kokela oku kupuka, A Yehova, aciyepelo cetu.+
12 Omo liekandu liomẽla wavo kuenda ondaka yomẽla wavo,Va kuatiwe omo liepela liavo,+Momo va kasi oku siñala omanu kuenda vakuelimbi.
13 Va kundula vonyeño yove;+Va kundula, oco ka va ka kaleko vali;Va kokela oku kũlĩha okuti, Suku o kasi oku viala pokati ka Yakoba kuenda toke kasulilo o kilu lieve.+ (Sela)
14 Va ecelela oku tiuka koñolosi;Va ecelela oku kua* ndolombua kuenda va ñuale ñuale olupale.+
15 Va ecelela oku tungayala poku sanda cimue coku lia;+Ku ka ecelele okuti vekuta, ale va sanga ocitumãlo coku kala.
16 Pole, catiamẽla kokuange ndi ka imba eci catiamẽla kongusu yove;+Lomẽle ndi ka sanjukila oku vangula catiamẽla kocisola cove ka ci pongoloka.+
Momo ove wucitililo cange ca koka,Haive wucitumãlo cange coku tila kotembo yohali.+
17 Angusu yange, njimba ovisungo viesivayo*+ kokuove,Momo Suku eye ocitililo cange ca koka, Suku una o lekisa ocisola ka ci pongoloka kokuange.+
Atosi Pombuelo
^ Tala Elomboluilo.
^ Ale “kolomondi.”
^ Ale “va koma.”
^ Ale “ocitililo ca lepa.”
^ Ale “oku koma.”
^ Ale “oku linga ovisungo.”
