Olosapo 9:1-18
9 Olondunge viocili via tunga onjo yavio;Ovio via panga olongunji vialio epanduvali.
2 Ovio via pongiya ositu yavio yalua;*Via tenga ovinyu yavio;Via pongiyavo omesa yavio.
3 Ovio via tuma apika vaye vakãiOco va kalukile vovitumãlo via lepa vio volupale vati:+
4 “Wosi wa kamba olondunge, eye kulo.”
Ovio vi sapuila omunu eveke* viti:
5 “Enju, lia ombolo nda pongiyaKuenda nyua kovinyu nda tenga.
6 Siapo ekambo liove liolondunge* kuenje kala lomuenyo;+Amamako oku endela vonjila yelomboloko.”+
7 Omunu o lemẽla ukuakupembula, ka tambula lacimue te lika ekambo liesumbilo,+Kuenda wosi o lungula ondingaĩvi, o ka li lemẽha.
8 Ku ka lungule ukuakupembula sanga o ka ku suvuka.+
Lungula ukualondunge kuenje eye o ka ku sola.+
9 Pindisa omunu ukualondunge kuenje eye o kamamako kolondunge.+
Longisa ukuesunga kuenje eye o ka vokiya kukũlĩhĩso waye.
10 Oku sumbila Yehova oco efetikilo liolondunge,+Kuenda oku kũlĩha Una o Kola Koku Kola,+ oco elomboloko.
11 Momo mekonda liolondunge, oloneke viove vi ka lua,+Kuenda anyamo omuenyo wove a ka livokiya.
12 Nda wa linga ukualondunge, ove ukualondunge oco o likuatise ove muẽle,Pole, nda ove ukuakupembula, ove lika o ka liyaka lovitangi vi yililako.
13 Ukãi eveke, ukuambuanja.+
Eye ukuanumbi kuenda ka kũlĩhĩle lacimue.
14 Eye o tumãla puvelo wonjo yayePomangu yimue povitumãlo via lepa violupale,+
15 Eye o vilikiya vana va pita,Haivo va kasi oku amamako oku endela vonjila yavo hati:
16 “Wosi wa kamba olondunge eye kulo.”
Ukãi waco o sapuila aveke* hati:+
17 “Ovava a nyaniwa a sõsã,Kuenda okulia ku liwa vuyombeki, ku pepa.”+
18 Pole, ovo ka va kũlĩhĩle okuti onjo yukãi waco, yeyuka lava va fa,Kuenda ka va kũlĩhĩlevo okuti vana ukãi a laleka, va kasi valondo Onjembo.* +
Atosi Pombuelo
^ Lit., “Via ipaya ovinyama viaye.”
^ Lit., “ka va kuete utima.”
^ Ale “vana va kamba olondunge.”
^ Lit., “ka va kuete utima.”
^ Okuti, ocitumãlo mu kendiwa omanu va fa.
