Ovadiya 1:1-21
1 Ocinjonde ca Ovadiya:*
Eci oco Ñala Yehova Tõlo a popia catiamẽla ko Edome hati:+
“Tua yeva esapulo limue li tunda ku Yehova,Omunga yimue ya tumiwa pokati kolofeka, yiti:
‘Katuki, tu lipongiyili oku yaka limbo lio Edome.’”+
2 “Tala! Nda ku lingisa okuti ku kuata esilivilo pokati kolofeka;O pembuiwa calua.+
3 Epela lio vutima wove lia ku yapuisa,+Ove wa tunga vovitililo viesenje,Kuenda wa tumbika onjo yove kilu, loku popia lutima wove huti:
‘Helie o ndi kupuila posi?’
4 Ndaño wa tunga kilu* ndongonga,Ale o tunga ocanju cove pokati kolombumgululu,Lopo hu kupula,” oco Yehova a popia.
5 “Nda ovimunu vieyile kokuove, la vakuakupunda luteke,(Nda via ku ponda!)*
Siti nda vambata lika ovina va yongola?
Ale nda vakuakungula ayuva veyile kokuove,Nda ka va sile hẽ ovisiakata vimue viayuva?+
6 Esau wa pundiwa calua!
Ovokuasi aye a solekiwile, a sandiliyiwa!
7 Va ku kisika oku enda toke kongave.
Akamba vove vosi va ku pakula.
Omanu va kuatele ombembua love, va ku yula.
Vana o lia lia lavo ombolo, va ka ku kapela onjanjo.
Pole, ove ku ka ci limbuka.
8 Keteke liaco,” oco Yehova a popia,“Si ka kundula hẽ olonoño vio Edome,+Lolondunge viovaimbo a kasi kolomunda via Esau?
9 A Temane,+ asualali vove va ka yokoka,+Momo wosi o kasi kovaimbo a kasi kolomunda via Esau o ka pondiwa.+
10 Omo liungangala wa lingila manjove Yakoba,+Osõi yu ka ku kuta,+Kuenda o ka taka otembo ka yi pui.+
11 Eteke wa kala oku vanja suĩ,Eteke ovingendeleyi viambata olohoka viove kumandekua,+Eci omanu vo kofeka yiñi va iñila pombundi yavo, loku imbila ocela+ o Yerusalãi,Ove wa lingavo ndeci ovo va linga.
12 Ka ciwako ndomo wa sanjukile keteke lia manjove, keteke liohali yaye,+Ka ciwako ndomo wa yola epembe keteke lia manjove, keteke eci Yuda a nyõliwa,+Ka ca sungulukile ndomo wa vangula lavo lukãlu keteke liavo liesumuo.
13 Ka ca sungulukile ndomo wa pita vombundi yomanu vange keteke liavo liohali,+Ka ca sungulukile ndomo wa sanjukila ohali va tala keteke liavo liekundu,Ka ciwako ndomo wa punda ukuasi wavo keteke liekundu liavo.+
14 Ka ca sungulukile ndomo wa talama panyãha oku ponda vana va puluka,+Ka ca sungulukile ndomo wa eca kovanyãli omanu vana va puluka keteke liohali.+
15 Momo eteke lia Yehova lioku katukila olofeka viosi li kasi ocipepi.+
Ndeci wa linga ku vakuene, haico ci ka lingiwavo love.+
Ndomo wa tata vakuene, haico va ka ku tatavo.
16 Momo ndeci wa nyuili komunda yange yi kola,Haico olofeka viosi vi ka amamako oku nyua nyua.+
Ovio vi ka nyua kuenda vi yengenga,Vi ka kala ndu okuti ka via la kala komuenyo.
17 Pole, Komunda Siono ku ka kala vamue va puluka,+Kuenje ku kola;+Kuenda onjo ya Yakoba yi ka piñala ovina viavo.+
18 Onjo ya Yakoba yi linga ondalu,Onjo ya Yosefe yi linga ulienge;Kuenda onjo ya Esau yi linga ovinene;Va ka yi timĩha kuenda yi ka pia,Kuenje ka ku ka supa umue konjo ya Esau,+Momo oco Yehova a popia.
19 Ovo va ka piñala ofeka yo Negebe kuenda ovaimbo a kasi kolomunda via Esau,+Va ka piñala ofeka yo Sefela kuenda ya va Filisiti.+
Va ka piñala ofeka ya Efarimi kuenda ofeka ya va Samaria,+Kuenda Benjamini o ka piñala ofeka yo Gileada.
20 Olomandekua viocimbaka caco,+Va Isareli va ka piñala ofeka ya va Kanana toke ko Sarepata.+
Olomandekua vio ko Yerusalãi, vina vi kasi vo Sefarade ovio vi ka piñala alupale o Negebe.+
21 Vakuakupopela va ka londa Komunda SionoOco va sombise ovaimbo a kasi kolomunda via Esau,+Kuenda uviali waco u kala wa Yehova.”+
Atosi Pombuelo
^ Ci lomboloka “Ufendeli wa Yehova.”
^ Ale pamue, “o palãla ocipãla.”
^ Ale pamue, “Va kundula ca piãla.”