Sofoniya 1:1-18
1 Ondaka ya Yehova yeya ku Sofoniya,* omõla a Kusi, omõla Gedaliya, omõla a Amariya, omõla a Hesekiya, koloneke via Yosiya+ omõla a Amoni+ soma yo Yuda yiti:
2 “Ndi ka nyõla olumue ovina viosi vi kasi kilu lieve,” oco Yehova a popia.+
3 “Ndi ka kundula omunu kuenda ocinyama.
Ndi ka kundula olonjila viovailu kuenda olõsi vio vokalunga,+Kuenda ovilondokua viekandu+ kumue lolondingaĩvi;Kuenda ndi ka kundula omanu kilu lieve,” oco Yehova a popia.
4 “Ndi ka nyanyumuĩla okuokuo kuange ko YudaKuenda kolonungi viosi vio Yerusalãi,Kuenda ndi ka nyõla kocitumãlo cilo cosi ca supa ku Baale,+Onduko yovitunda, yolosuku, yovingendeleyi kumue lovitunda,+
5 Kuenda vana va petamẽla kilu liolusoka kovaso yolohoka viovailu,+La vana va petamẽla loku lisila ocili ku Yehova+Haivo va lisila ocili ku Malikama;+
6 Kuenda vana va liwekapo oku kuama Yehova+
Okuti, ka va sandiliya Yehova ndaño oku u kũlĩhĩsa.”+
7 Ũhila kovaso ya Ñala Tõlo Yehova, momo eteke lia Yehova li kasi ocipepi.+
Yehova wa pongiya ocilumba cimue; eye wa kolisa vana a laleka.
8 “Keteke liocilumba ca Yehova ndi ka kangisa olombuale,Omãla va soma+ kuenda vosi vana va wala ovowalo ovingendeleyi.
9 Keteke liaco, ndi ka kangisa wosi una o londa kembumbua,*Vana va yukisa onjo ya cime cavo lungangala kuenda uhembi.
10 Keteke liaco,” oco Yehova a popia,“Ku ka kala ocileñi conjuela yi tunda Pombundi Yolõsi,+Oku lisiõsiõla ku tunda kolupale luokaliye,+Kuenda onjuela yimue yi tunda kolomunda.
11 Lisiõsiõli alonungi vio Makatesi,*Momo, vakualomĩlu* va nyõliwa;*Vosi vana va pesalisa opalata va nyõliwa.
12 Kotembo yaco, ndi ka sandiliya o Yerusalãi lolondiyelo,Kuenda ndi ka kangisa vana va lipolapo* va popia vutima wavo vati:
‘Yehova ka ka linga eci ciwa kuenda eye ka ka linga eci cĩvi.’+
13 Ukuasi wavo u ka pundiwa kuenda olonjo viavo vi ka siala upolokoso.+
Ovo va ka tunga olonjo, pole, ka va ka kalamo;Kuenda va ka kũla oviumbo viayuva pole, ka va ka nyua kovinyu yaco.+
14 Eteke linene lia Yehova li kasi ocipepi!+
Li kasi muẽle ocipepi kuenda liya lonjanga yalua!*+
Ocileñi ceteke lia Yehova ci koka usumba.+
Keteke liaco ndaño muẽle esualali li liyula.+
15 Eteke liaco eteke lionyeño,+Eteke liohali kuenda lievalo,+Eteke liehunguhungu kuenda lienyõleho,Eteke liowelema,+Eteke lialende alua kuenda alende a tekãva,+
16 Eteke limue liocileñi combinga lonjuela yuyaki,+Ya tiamẽla kalupale a kuete oviteyuilo kuenda kolosapalalo via lepa vio kevindi.+
17 Ndi ka kokela ohali komanu,Kuenda ovo va ka enda ndolomeke,+Momo ovo va lueyela Yehova.+
Osonde yavo yi ka pesiwa ndoneketela,Ositu* yavo ndaniña.+
18 Ndaño muẽle opalata yavo, ale ulu wavo, ka vi ka va popela keteke lionyeño ya Yehova,+Momo ondalu yombili yaye yi ka lia ongongo yosi,+Momo eye o ka nena ekundu okuti, ekundu limue linene, kolonungi viosi vio kilu lieve.”+
Atosi Pombuelo
^ Ci lomboloka “Yehova wa Salamisa (Wa Soleka).”
^ Ale “kembumbua; koku iñilila.” Pamue embumbua liocalo ca soma.
^ Citava okuti, onepa yimue yo Yerusalãi ocipepi Lombundi Yolõsi.
^ Ale “vakuakulandisa.”
^ Lit., “oku va tuma oku ũha.”
^ Lit., “vana va li tiñolola veliño liavo” ndoku li tiñolola vocikuata ceyuka ovinyu.
^ Ale “li yayulako!”
^ Lit., “ovãla.”