Sofoniya 3:1-20
3 Ngongo yolupale luesino, lua vĩhisua haluo lungangala!+
2 Olupale luaco, ka lu pokola kondaka layimue;+ ndaño oku tava kelungulo limue.+
Ka lua kolelele ku Yehova;+ ka lua lingile ukamba la Suku yalio.+
3 Olombuale pokati kalio, olohosi vi koma.+
Olonganji vialio olombinji koñolosi;Ovio ka vi supisa ekepa lalimue oco li takĩliwe toke komẽle.
4 Ovaprofeto vaye vakuemande, alume vakuakupakula.+
Ovitunda viaye vi nyehula eci ci kola;+
Ovo va sinĩla ocihandeleko.+
5 Yehova ukuesunga pokati kalio;+ ka lingi eci cĩvi.
Omẽle lomẽle eye ecelela okuti asombiso aye a kũlĩhĩwa,+Asombiso aco a tẽlisiwa muẽle ndocinyi cutanya.
Pole, olondingaĩvi ka vi kuete osõi.+
6 “Nda nyõla olofeka; olosapalalo viavo vio kevindi vi siala upolokoso.
Nda nyõla olokololo vialio okuti, lomue o pitamo vali.
Alupale avo, a siala alunda okuti ka muli omunu ale onungi yimue.+
7 Nda popia siti, ‘Ocili okuti o ka ndi kuatela usumba kuenda o ka tava kepindiso,’*+
Oco okuti ocitumãlo calio coku kala, ka ci ka nyõliwa+
Ndi ka u sombisa omo* liovina viaco viosi.
Pole, ovo va sanjukila vali oku lekisa esino.+
8 ‘Omo liaco, amamiko oku ndavoka,’*+ oco Yehova a popia,‘Toke keteke eci ñatuka oco ndi tunde,*Momo esombiso liange, oku kongela olofeka oco vi kongele ovoviali,Oco ndi sukumuĩle onyeño yange okuti, onyeño yange yosi ya piãla;+Momo ondalu yombili yange yi ka lia ongongo yosi.+
9 Momo ndi ka eca komanu elimi limue lia pua esanda,Oco vosi yavo va vilikiye onduko ya Yehova,Okuti vo vumba lutima umuamue.’*+
10 Oku upisa kofeka yolondui vio ko Etiopia,Vana va pinga kokuange, omõla ufeko womanu vange okuti va sanduiwa, va ka ndi nenela ombanjaile yimue.+
11 Keteke liaco, ove ku ka kutisiwa osõiOmo liovilinga viove viesino vina wa ndingila,+Momo ndi ka tundisa pokati kove vakuakulipanda;Kuenda lalimue eteke vali o ka kala ukuakulipanda komunda yange yi kola.+
12 Ndi ka ecelela okuti omanu ambombe haivo vomboka vamamako oku kala pokati kove,+Kuenda ovo va ka sanda ocitililo vonduko ya Yehova.
13 Vana va supa ko Isareli+ ka va ka linga eci cĩvi;+Ka va ka popia uhembi ale oku yapuisa omanu lomẽla wavo;Ovo va ka lia* loku pekela kuenda lomue o ka va lingisa usumba.”+
14 Kaluka lonjolela, Alupale lua Siono!
Kaluki leyulo, A Isareli!+
Sanjuka kuenda yolela lutima wosi, Alupale luo Yerusalãi!+
15 Yehova wopa asombiso pokati kove.+
Eye wa lupuisa unyãli wove.+
Soma ya Isareli, Yehova, o kasi pokati kove.+
Ove ku ka kuatela vali usumba ocilunga cimue.+
16 Keteke liaco, eci oco ci ka popiwa ko Yerusalãi okuti:
“Ko ka kuate usumba A Siono.+
Ku ka ecelele okuti ovaka ove a leñela.
17 Yehova Suku yove, o kasi pokati kove.+
Ndesualali Limue lia pama, eye o ka popela.
Eye o ka ku yolela lesanju lialua.+
Eye o kõha* vocisola caye.
Eye o ka sanjuka mekonda liove lonjuela yesanju.
18 Ndi kongolola vana va sumua omo lioku kambela povipito viavo;+Ovo va kala ocipãla love osimbu va kutisiwa osõi mekonda liaye.+
19 Tala! Kotembo yaco, ndi ka ñualelapo vana va ku talisa ohali;+Kuenda ndi ka popela una o teñela,+Kuenda ndi kongoluila pamosi vana va sanduiwa.+
Ndi ka va lingisa ocikuata cimue cesivayo kuenda cekemãlo,*
Kofeka yina ovo va kutisiwa osõi.
20 Kotembo yaco, ndi ka vu neni vali,Kotembo eci ndi ka vu kongeli pamosi.
Ndi ka vu lingisi ocikuata cimue cekemãlo* kuenda esivayo+ pokati komanu vosi vo kilu lieve,Eci ndi ka kongela olomandekua viove kovaso ove,” oco Yehova a popia.+
Atosi Pombuelo
^ Ale “oku u kangisa omo.”
^ Ale “elungulo.”
^ Ale “oku talamẽla lepandi.”
^ Ale pamue, “oku votoka ndombangi.”
^ Ale “oku u fendela lomunga.”
^ Ale “oku lisa.”
^ Ale “oku lipolapo; oku tula utima; wa sanjuka.”
^ Lit., “onduko yimue.”
^ Lit., “onduko yimue.”
