Ku Tiago 5:1-20
5 Kaliye yeveleli ene alohuasi, lili kuenda lisiõsiõli omo liohali yi laika oku iya kokuene.+
2 Ukuasi wene wa vola kuenda ovowalo ene a liwa lombunji.+
3 Ulu lopalata yene via liwa longuyu kuenje onguyu yaco yu wimbili uvangi woku vu pisa kuenda yi ka lia etimba liene. Ovina wa seleki, vi ka kala ndondalu koloneke via sulako.+
4 Tali! Ofeto yina ka wa eceli kolonalavayi viongula vovapia ene, yi kasi oku vilikiya kuenda epingilo liekuatiso lia vakuakulombola, lia pitĩla vovatũi a Yehova* ukualohoka.+
5 Ene wa liali elau kuenda wa litumbiki kayele kilu lieve. Ovitima viene vi kasi ndovinyama vi kasi oku neta toke keteke liepondelo.+
6 Ene wa pisi; kuenda wa pondi ukuesunga. Eye hẽ ka tamalãla lene?
7 A vamanji, kali vakuepandi toke ketukuluko lia Ñala.+ Tali! Ongunja yamamako oku talamẽla ovaima awa o posi, loku lekisa epandi toke eci ku iya ombela yatete lombela ya sulako.+
8 Lenevo lekisi epandi;+ pamisi ovitima viene, momo etukuluko lia Ñala li kasi ocipepi.+
9 A vamanji, ko ka liyeyeli* pokati, oco ka vu ka sombisiwi.+ Tali! Onganji yi tãi pivelo.
10 A vamanji, upi ongangu kohali+ kuenda kepandi+ liovaprofeto vana va vangula vonduko ya Yehova.*+
11 Tali! Vana va pandikisa tu va tenda okuti va sumũlũha.+ Wa yevi epandi lia Yovi+ kuenda wa moli onima Yehova* o wĩha,+ momo Yehova* ukuacisola calua* haeye ukuahenda.+
12 Ca velapo vali a vamanji ceci okuti, liwekipo oku lisingila ilu ndaño osi, pamue oku lisingila ocina cikuavo. Puãi ondaka yene yokuti “Oco,” yi lomboloke oco kuenda ondaka “Hacoko,” hacoko,+ oco okuti ka vu sombisiwa.
13 Anga pokati kene pali umue o kasi oku tala ohali? Amameko oku likutilila.+ Kuli umue wa sanjuka? A imbe ovisungo viesivayo.+
14 Pokati kene pali hẽ umue o vela? A vilikiye akulu+ vekongelo kuenje ovo vo likutilileko,+ loku u sieketa ulela vonduko ya Yehova.*
15 Kuenje ohutililo yekolelo yi ka kuatisa u o vela* okuti o kaya kuenda Yehova* o ko votola. Handi vali, nda wa linga akandu, o ka eceliwa.
16 Omo liaco, litaveli akandu ene+ omunu lukuavo, loku likutilila pokati okuti, vu sakuiwa. Elombelo liukuesunga li kuete unene.*+
17 Eliya wa kalavo omunu umue ndetu kuenje eci a likutilila lutima wosi oco ombela ka yi ka loke, ombela ka ya lokele vofeka vokuenda kuanyamo atatu lolosãi epandu.+
18 Noke eye wa likutilila vali kuenje ilu lia eca ombela kuenda osi ya ima apako.+
19 A vamanjange, nda umue pokati kene wa yapuisiwa vocili kuenje ukuavo wo tiula,
20 kũlĩhi okuti, wosi o tiula ukuekandu+ konjila yaye yĩvi, u popela* kolofa kuenje Suku o ka ecela akandu aye alua.+
Atosi Pombuelo
^ Tala Alombo. A5.
^ Ale “oku leña leña; oku lisiõsiõla.” Lit., “oku tula ocimuenyo.”
^ Tala Alombo. A5.
^ Ale “ukuacikembe calua.”
^ Tala Alombo. A5.
^ Tala Alombo. A5.
^ Tala Alombo. A5.
^ Ale pamue, “u wa kava.”
^ Tala Alombo. A5.
^ Lit., “li kuete ongusu yalua eci li talavaya.”
^ Ale “omuenyo waye.”
