Yehosua 13:1-33
13 Yehosua wa kukile calua kuenda wa kala oku panda kesulilo liomuenyo waye.+ Kuenje Yehova wo sapuila hati: “Ove wa kuka calua kuenda o panda kesulilo liomuenyo wove; pole, onepa yalua yofeka yi sukila oku tambuiwa.*
2 Eyi oyo ofeka ya kamba:+ ovaimbo osi a va Filisiti kuenda ya va Gesiuri vosi+
3 (oku upisa kocanja co Nilu* ci kasi kutundilo* wo Egito toke kongave yo Ekirone konano, yina ya enda oku tendiwa ndofeka ya va Kanana)+ oku kongelamo olombiali vitãlo via va Filisiti+ okuti, va Gasa, va Asidode,+ va Asikelone,+ va Gati+ kuenda va Ekirone;+ va Awimi+
4 kombuelo; ofeka yosi ya va Kanana; Meara, yina ya tiamẽla ku va Sidono+ toke ko Afeke, ongave ya va Amori;
5 ofeka ya va Gevale+ kuenda onepa yosi yutundilo wo Levanone, oku upisa ko Baale-Gade kepato Liomunda Herimone toke ko Lebo-Hamati;*+
6 olonungi viosi viovaimbo a kasi kolomunda oku upisa ko Levanone+ toke ko Misirefoti-Mayimi;+ kuenda o Sidono yosi.+ Ame ndi va tundisa* kovaso ya va Isareli.+ Ove o sukila lika oku yi nõlela Isareli ndocipiñalo ndomo nda ku handeleka.+
7 O sukila oku tepa ofeka eyi ndocipiñalo cimue kovikoti ecea kuenda konepa yimue yocikoti ca Manase.”+
8 Va Ruvene kuenda va Gadi kumue lonepa yikuavo yocikoti ca Manase, va tambula ocipiñalo cavo cina Mose a ecele kokuavo konele yutundilo wo Yordão, ndeci Mose ukuenje wa Yehova a ecele kokuavo:+
9 oku upisa ko Aroere+ yina yi kasi kohulo Yocimbota co Arinone*+ kuenda olupale lu kasi pokati kocimbota, lomunda* yosi yo Medeva toke ko Divone;
10 kuenda alupale osi a Soma Sihoni ya va Amori una wa vialele ko Hesibone, toke kongave ya va Amoni;+
11 lo Gileada kuenda ocikanjo ca va Gesiuri leci ca va Maakati+ kuenda Omunda yosi Herimone lo Basiane+ yosi toke ko Saleka;+
12 uviali wosi wa Oge ko Basiane una wa vialele ko Asitarote kuenda ko Edirei. (Eye wa kala umue wa sulako pokati ka va Refayimi.)+ Mose wa va yula kuenda wa va tundisa.*+
13 Pole, va Isareli ka va tundisile*+ va Gesiuri la va Maakati, momo Gesiuri kuenda Maakati, va tunga pokati ka Isareli toke etaili.
14 Ocikoti ca va Lewi oco lika eye ka ecele ocipiñalo cimue.+ Ovilumba viondalu via lingiwila Yehova Suku ya Isareli, ovio via linga ocipiñalo+ cavo ndeci eye a likuminyile kokuavo.+
15 Noke Mose wa eca ocipiñalo cimue kocikoti ca va Ruvene ndomo ci likuata lapata avo,
16 kuenda ovikanjo viavo via kala oku upisa ko Aroere yina yi kasi kohulo Yocimbota co Arinone* kuenda olupale pokati kocimbota letapi liosi ocipepi lo Medeva;
17 o Hesibone kuenda alupale+ aco osi o vetapi, o Divone, o Bete-Baale, o Baale-Meone,+
18 o Yahaca,+ o Kedemoti,+ o Mefaata,+
19 o Kiriyatayi, o Sivima+ kuenda o Serete-Siahare komunda yocimbota,*
20 o Bete-Peore, oviwulu vio Pisiga,+ o Bete-Yesimoti,+
21 alupale osi o vetapi kuenda uviali wosi wa Soma Sihoni wa va Amori una wa vialele ko Hesibone.+ Mose wo yula+ kuenda wa yulavo asongui va va Midiane okuti Ewi, Rekeme, Suru, Huru kuenda Reva+ okuti, olosoma vina via kala oku vialiwa la Sihoni haivio via kala vimbo limuamue.
22 Baliame+ omõla a Beore ukuakutãha,+ wa pondiwa kumue la vana va Isareli va ponda losipata.
23 Ongave ya va Ruvene ya kala o Yordão; kuenda ocikanjo caco kumue lalupale kuenda ovaimbo avo, a kala ocipiñalo ca va Ruvene ndomo ci likuata lapata avo.
24 Handi vali, Mose wa eca ocipiñalo cimue kocikoti ca Gadi, va Gadi ndomo ci likuata lapata avo,
25 kuenda ocikanjo cavo mua kongelele o Yasere+ kuenda alupale osi o Gileada lonepa yofeka ya va Amoni+ toke ko Aroere ya kala kovaso yo Raba;+
26 kuenda oku upisa ko Hesibone+ toke ko Ramati-Misipe kuenda ko Betoni loku upisa ko Mahanayimi+ toke kongave yo Deviri;
27 kuenda vocimbota* mua kongelele, o Bete-Harana, o Bete-Nimira,+ o Sukote,+ o Safono, uviali ukuavo wa Soma Sihoni wo ko Hesibone+ kumue lo Yordão ndongave oku upisa kombuelo kesulilo Liokalunga ko Kinerote*+ konele yutundilo wo Yordão.
28 Eci oco ca kala ocipiñalo ca va Gadi kumue lalupale kuenda ovaimbo avo, ndomo ci likuata lapata avo.
29 Handi vali, Mose wa eca ocipiñalo cimue konepa yimue yocikoti ca Manase, konepa yimue yocikoti ca Manase ndomo ci likuata lapata avo.+
30 Kuenje ocikanjo cavo ca kala oku upisa ko Mahanayimi+ kuenda mua kongelele o Basiane yosi, okuti uviali wosi wa Soma Oge yo Basiane kuenda ovaimbo osi olombalaka a Yairi+ ko Basiane okuti, 60 kalupale.
31 Onepa yimue yo Gileada kuenda o Asitarote lo Edirei,+ alupale wuviali wa Oge ko Basiane, via tiamẽla komãla va Makiri,+ omõla a Manase okuti, konepa yomãla va Makiri ndomo ci likuata lapata avo.
32 Evi ovio via kala ovipiñalo Mose a eca kokuavo vanyãla o vekalasoko lio Moavi konele yikuavo yo Yordão kutundilo wo Yeriko.+
33 Pole, Mose ka ecele ocipiñalo lacimue kocikoti ca va Lewi.+ Yehova Suku ya Isareli eye ocipiñalo cavo ndeci a va likuminyile.+
Atosi Pombuelo
^ Ale “oku yuliwa.”
^ Lit., “kovaso yo.”
^ Ale “oku upisa ko Sihore.”
^ Ale “koku iñilila ko Hamati.”
^ Ale “ndi va lupuisa.”
^ Ale “ocimbota.”
^ Ale “Ekango lio Arinone.”
^ Ale “wa va lupuisa.”
^ Ale “oku lupuisa.”
^ Ale “Ekango lio Arinone.”
^ Ale “etapi lia vomba.”
^ Okuti, ociva co Genesarete, ale Okalunga ko Galilea.
^ Ale “etapi lia vomba.”
