Yehosua 16:1-10
16 Ofeka yina ya eciwa locela+ kovitumbulukila via Yosefe,+ ya kala oku upisa ko Yordão ko Yeriko toke kovava o kutundilo wo Yeriko, oku pita vekalasoko oku lamanela ko Yeriko kovaimbo a kasi kolomunda vio ko Betele.+
2 Oyo ya tunda oku upisa ko Betele ya tiamẽla ko Lusi kuenje yamisako toke kongave ya va Ariki ko Ataroti,
3 noke ya lokila kutakelo oku endela kongave ya va Yafeliti toke kongave yo Bete-Horone+ yo Kombuelo kuenda ko Gesere+ kuenje ya sulila kokalunga.
4 Kuenje ovitumbulukila via Yosefe+ okuti, Manase la Efarimi, va tambula ofeka yavo.+
5 Ongave yovitumbulukila via Efarimi ndomo ci likuata lapata avo a kala ndoco: Ongave yocipiñalo cavo kutundilo ya kala o Ataroti-Adara,+ toke ko Bete-Horone yo Konano,+
6 kuenda ongave ya enda toke vokalunga. O Mikimeta+ ya kala konano kuenda ongave ya ñualele kutundilo toke ko Taanata-Silo kuenje ya pita kutundilo oku loña toke ko Yanoha.
7 Noke oyo ya lokila oku upisa ko Yanoha oku endela ko Ataroti lo ko Naara kuenje ya pitĩla toke ko Yeriko+ kuenda ya enda toke ko Yordão.
8 Oku upisa ko Tapuha+ ongave yamisako kutakelo toke Kekango lio Kana kuenda oyo ya sulila vokalunga.+ Eci oco ocipiñalo cocikoti ca Efarimi ndomo ci likuata lapata avo;
9 vocipiñalo caco mua kongelelevo alupale osi kumue lovaimbo avo ana omãla va Efarimi va kuatele pokati kocipiñalo comãla va Manase.+
10 Pole, ovo ka va tundisile va Kanana vana va tungile vo Gesere+ kuenda va Kanana vamamako oku tunga pokati ko Efarimi toke etaili+ kuenje va kisikiwa oku linga upange wa tĩla.+
