Yehosua 18:1-28
18 Noke owiñi wosi wa va Isareli wa liongoluila ko Silo+ kuenda wa tungilako ombalaka yohongele,+ momo ofeka ya yuliwile ale kovaso avo.+
2 Pole, handi kua kala ovikoti epanduvali via supilepo via va Isareli okuti, ka via tambuile ocipiñalo.
3 Omo liaco, Yehosua wa sapuila va Isareli hati: “Toke otembo yipi vu talamẽla oco wendi oku ka tambula ofeka yina Yehova Suku ya vakukululu yene a eca kokuene?+
4 Kocikoti locikoti nõliko alume vatatu oco ndi va tume; ovo va sukila oku enda loku ñuala ofeka kuenda oku soneha ovikanjo viofeka ndomo ci likuata locipiñalo cavo. Noke ovo va sukila oku tiuka kokuange.
5 Ovo va sukila oku tepa ofeka pokati kavo volonepa epanduvali.+ Yuda o kamamako vocikanjo caye co kombuelo+ kuenda ovitumbulukila via Yosefe vi kamamako vocikanjo cavo co konano.+
6 Sonehi ovikanjo viofeka loku vi tepa volonepa epanduvali kuenda neni kokuange eci wa sonehi kuenje ame ndu wimbili ocela+ kovaso a Yehova Suku yetu.
7 Pole, va Lewi ka va kuata onepa layimue yofeka pokati kene,+ momo utunda wa Yehova owo ocipiñalo cavo;+ kuenda Gadi la Ruvene kumue lonepa yimue yocikoti ca Manase+ va tambula ale ocipiñalo cavo konele yutundilo wo Yordão, yina Mose ukuenje wa Yehova a eca kokuavo.”
8 Alume va lipongiyila oku enda kuenje Yehosua wa handeleka vana va laikele oku ka soneha ovikanjo viofeka hati: “Kuendi loku ñuala ofeka kuenda sonehi ovikanjo viaco, noke tiuki kokuange kuenje ame ndu wimbili ocela kovaso a Yehova ko Silo.”+
9 Kuenje alume va enda kuenda va kũlĩhĩsa ofeka loku soneha ovikanjo viaco. Ovo va yi tepa volonepa epanduvali, ndomo ci likuata lalupale aco poku vi soneha velivulu limue. Noke liovina viaco, ovo va tiukila ku Yehosua vocilombo ko Silo.
10 Noke Yehosua wa va imbila ocela ko Silo kovaso a Yehova.+ Kocitumãlo caco, oko Yehosua a tepaila ofeka va Isareli okuti, ocikoti locikoti lonepa yalio.+
11 Ocela ca kupukila kocikoti ca Benjamini ndomo ci likuata lapata avo kuenda ocikanjo cina ca eciwa kokuavo locela, ca kala pokati komanu va Yuda+ kuenda omanu va Yosefe.+
12 Konele yo konano ongave yavo ya fetikila vo Yordão kuenda ongave ya lamanela toke kowulu wo Yeriko+ konano kuenje ya lamanela komunda kutakelo kuenda ya enda toke vekalasoko lio Betavene.+
13 Kuenje ongave yamisako toke ko Lusi kombuelo yowulu wo ko Lusi okuti, o Betele;+ ongave ya lokila toke ko Ataroti-Adara+ komunda yi kasi kombuelo yo Bete-Horone yo Kombuelo.+
14 Kuenje ongave ya kapiwa ondimbukiso konele yutakelo kuenda ya ñuala oku endela kombuelo, oku upisa komunda ya imba ovaso ko Bete-Horone kombuelo; oyo ya sulila ko Kiriyata-Baale okuti, o Kiriyata-Yeari+ olupale lumue lua Yuda. Oyo ya kala konele yutakelo.
15 Onepa yo kombuelo ya kala oku upisa kesulilo lio Kiriyata-Yeari kuenda ongave ya enda toke kutakelo; oyo yamisako toke kono yovava o Nefitoa.+
16 Ongave ya loka toke kesulilo liomunda ya imba ovaso Kocimbota Comõla a Hinome,+ yina yi kasi Kocimbota* co Refayimi+ konano kuenda ya loka toke kocimbota ca Hinome toke kowulu wa va Yevusi+ kombuelo kuenje ya loka toke ko Enrogeli.+
17 Kuenje oyo ya kapiwa ondimbukiso konano kuenda ya enda toke ko Enisiemese kuenda toke ko Gelilote, yina yi kasi kovaso yonjila yi lamanela ko Adumi+ kuenje oyo ya lokila toke kewe+ lia Bohana+ omõla a Ruvene.
18 Kuenda oyo yamisako toke konano yowulu kovaso yo Araba kuenda ya lokila toke ko Araba.
19 Kuenje ongave yamisako toke konano yowulu wo Bete-Hogila+ kuenda ongave ya sulila konano yocihondoloka Cokalunga Komongua*+ kesulilo liombuelo yo Yordão. Eyi ya kala ongave yo kombuelo.
20 Kuenda o Yordão ya kala ndongave konele yutundilo. Eci ca kala ocipiñalo covitumbulukila via Benjamini ndapata avo, ndomo ci likuata lolongave viaco kolonepa viosi.
21 Kuenje alupale ocikoti ca Benjamini ndomo ci likuata lapata avo a kala ndoco: O Yeriko, o Bete-Hogila, o Emeke-Kesisi,
22 o Betarava,+ o Semarimi, o Betele,+
23 o Awimi, o Para, o Ofira,
24 o Kefaramoni, o Ofini kuenda o Geva+ okuti, 12 kalupale kumue lovaimbo aco.
25 O Giveone,+ o Rama, o Berote,
26 o Misipa, o Kefira, o Mosa,
27 o Rekeme, o Iripele, o Tarala,
28 o Cela,+ o Ha-Elefe, o Yevusi okuti, o Yerusalãi,+ o Givea+ kuenda o Kiriyata okuti, ci soka 14 kalupale kumue lovaimbo aco.
Eci ca kala ocipiñalo covitumbulukila via Benjamini ndomo ci likuata lapata avo.
