Yehosua 21:1-45
21 Asongui volonjo via va isia via va Lewi, va enda ku Eleasa+ ocitunda, ku Yehosua omõla a Nune kuenda kasongui volonjo via va isia viovikoti via Isareli,
2 kuenje ovo va vangula lavo ko Silo+ vofeka yo Kanana vati: “Yehova pocakati ca Mose wa handeleka okuti tua laikele oku tambula alupale ana tu kala kumue lovisenge viaco vioku lisila oviunda vietu.”+
3 Omo liocihandeleko ca Yehova, va Isareli vopa kocipiñalo cavo muẽle alupale+ kuenda ovisenge viaco kuenje va vi eca ku va Lewi.+
4 Ocela ca kupukila kepata lia va Kohata+ kuenje va Lewi vana va kala ovitumbulukila via Arone ocitunda, va tambula locela 13 kalupale kocikoti ca Yuda,+ kocikoti ca Simeone+ kuenda kocikoti ca Benjamini.+
5 Kuenje va Kohata va supapo, va tambula* ekũi kalupale kapata ocikoti ca Efarimi,+ kocikoti ca Dani kuenda konepa yimue yocikoti ca Manase.+
6 Va Gerisiono+ va tambula 13 kalupale kapata ocikoti ca Isakare, kocikoti ca Asiyere, kocikoti ca Nafitali kuenda konepa yimue yocikoti ca Manase ko Basiane.+
7 Va Merari+ ndomo ci likuata lapata avo, va tambula 12 kalupale kocikoti ca Ruvene, kocikoti ca Gadi kuenda kocikoti ca Sevulono.+
8 Kuenje va Isareli va eca ku va Lewi alupale aco kuenda ovisenge viavo vioku lisila oviunda locela, ndomo Yehova a ci handelekele pocakati ca Mose.+
9 Ovo va eca alupale aco a tunda kocikoti ca Yuda kuenda kocikoti ca Simeone ana a tukuiwa volonduko,+
10 kuenje a eciwa komãla va Arone va tiamẽlele kepata lia va Kohata okuti va Lewi, momo ocela catete ca kupukila kokuavo.
11 Ovo va eca kokuavo o Kiriyata-Ariva+ okuti, o Hevirone+ ovaimbo a kasi kolomunda via Yuda kuenda ovisenge via lisunguile lavio vioku lisila oviunda. (Ariva wa kala isia ya Anaki.)
12 Pole, ovapia o volupale kumue lovaimbo aco, ovo va vi eca ku Kalembe omõla a Yefune ndocipiñalo caye.+
13 Kuenje komãla va Arone ocitunda, ovo va eca olupale luocitililo comondi+ okuti, o Hevirone+ kumue lovisenge viaco vioku lisila oviunda, va ecavo o Livina+ kumue lovisenge viaco vioku lisila oviunda,
14 o Yatiri+ kumue lovisenge viaco vioku lisila oviunda, o Esitemoa+ kumue lovisenge viaco vioku lisila oviunda,
15 o Holone+ kumue lovisenge viaco vioku lisila oviunda, o Deviri+ kumue lovisenge viaco vioku lisila oviunda,
16 o Ayini+ kumue lovisenge viaco vioku lisila oviunda, o Yuta+ kumue lovisenge viaco vioku lisila oviunda kuenda o Bete-Siemese kumue lovisenge viaco vioku lisila oviunda okuti, alupale ecea opiwa kovikoti viaco vivali.
17 Kuenje kocikoti ca Benjamini kua tunda: O Giveone+ kumue lovisenge viaco vioku lisila oviunda, o Geva kumue lovisenge viaco vioku lisila oviunda,+
18 o Anatote+ kumue lovisenge viaco vioku lisila oviunda kuenda o Alimone kumue lovisenge viaco vioku lisila oviunda okuti, alupale akuãla.
19 Alupale osi a eciwa kovitumbulukila via Arone okuti ovitunda, a kala 13 kalupale kumue lovisenge viaco vioku lisila oviunda.+
20 Apata ana a supapo a va Kohata okuti, a kala pokati ka va Lewi, a tambula locela alupale kocikoti ca Efarimi.
21 Ovo va eca kokuavo olupale luocitililo comondi+ okuti, o Sekeme+ kumue lovisenge viaco vioku lisila oviunda kovaimbo a kasi kolomunda via Efarimi, o Gesere+ kumue lovisenge viaco vioku lisila oviunda,
22 o Kivisayi kumue lovisenge viaco vioku lisila oviunda kuenda o Bete-Horone+ kumue lovisenge viaco vioku lisila oviunda okuti, alupale akuãla.
23 Kuenje kocikoti ca Dani kua tunda: O Eliteke kumue lovisenge viaco vioku lisila oviunda, o Gibetoni kumue lovisenge viaco vioku lisila oviunda,
24 o Ayalone+ kumue lovisenge viaco vioku lisila oviunda, o Gati-Rimone kumue lovisenge viaco vioku lisila oviunda okuti, alupale akuãla.
25 Konepa yimue yocikoti ca Manase kua tunda: O Taanake+ kumue lovisenge viaco vioku lisila oviunda kuenda o Gati-Rimone kumue lovisenge viaco vioku lisila oviunda okuti, alupale avali.
26 Alupale osi kumue lovisenge viaco vioku lisila oviunda vina via eciwa kapata a supapo a va Kohata, via kala ekũi.
27 Kuenje va Gerisiono+ vakuepata lia va Lewi va tambula konepa yimue yocikoti ca Manase olupale luocitililo comondi okuti, o Golane+ ko Basiane kumue lovisenge viaco vioku lisila oviunda kuenda o Bisitera kumue lovisenge viaco vioku lisila oviunda okuti, alupale avali.
28 Kocikoti ca Isakare+ kua tunda: O Kisione kumue lovisenge viaco vioku lisila oviunda, o Daverati+ kumue lovisenge viaco vioku lisila oviunda,
29 o Yarimuti kumue lovisenge viaco vioku lisila oviunda kuenda o Engani kumue lovisenge viaco vioku lisila oviunda okuti, alupale akuãla.
30 Kocikoti ca Asiyere+ kua tunda: O Misiale kumue lovisenge viaco vioku lisila oviunda, o Avidone kumue lovisenge viaco vioku lisila oviunda,
31 o Helikati+ kumue lovisenge viaco vioku lisila oviunda kuenda o Rehove+ kumue lovisenge viaco vioku lisila oviunda okuti, alupale akuãla.
32 Kocikoti ca Nafitali kua tunda: Olupale luocitililo+ comondi okuti, o Kedesi+ ko Galilea kumue lovisenge viaco vioku lisila oviunda, o Hamoti-Dore kumue lovisenge viaco vioku lisila oviunda kuenda o Karitana kumue lovisenge viaco vioku lisila oviunda okuti, alupale atatu.
33 Alupale osi a va Gerisiono ndomo ci likuata lapata avo, a kala 13 kalupale kumue lovisenge viaco vioku lisila oviunda.
34 Kuenje epata lia va Merari+ okuti, va Lewi va supapo va tambula kocikoti ca Sevulono:+ O Yokineama+ kumue lovisenge viaco vioku lisila oviunda, o Karita kumue lovisenge viaco vioku lisila oviunda,
35 o Dimena kumue lovisenge viaco vioku lisila oviunda kuenda o Nahalali+ kumue lovisenge viaco vioku lisila oviunda okuti, alupale akuãla.
36 Kocikoti ca Ruvene kua tunda: O Becere+ kumue lovisenge viaco vioku lisila oviunda, o Yahaca kumue lovisenge viaco vioku lisila oviunda,+
37 o Kedemoti kumue lovisenge viaco vioku lisila oviunda kuenda o Mefaata kumue lovisenge viaco vioku lisila oviunda okuti, alupale akuãla.
38 Kocikoti ca Gadi+ kua tunda: olupale luocitililo comondi okuti, o Ramote ko Gileada+ kumue lovisenge viaco vioku lisila oviunda, o Mahanayimi+ kumue lovisenge viaco vioku lisila oviunda,
39 o Hesibone+ kumue lovisenge viaco vioku lisila oviunda kuenda o Yasere+ kumue lovisenge viaco vioku lisila oviunda okuti, alupale aco osi a soka akuãla.
40 Vo cosi, va Merari okuti apata a supapo a va Lewi, va tambula 12 kalupale ndomo ci likuata lapata avo.
41 Alupale osi a va Lewi ana a kala vokati kocipiñalo ca va Isareli, a kala 48 kalupale kumue lovisenge viavo vioku lisila oviunda.+
42 Olupale lolupale lua ñualiwile lovisenge viaco vioku lisila oviunda okuti, alupale aco osi oco a kala.
43 Omo liaco, Yehova wa eca ku Isareli ofeka yosi a lisilile oku eca ku vakukululu yavo+ kuenje ovo va yi tambula loku kalamo.+
44 Handi vali, Yehova wa eca epuyuko kokuavo kolonepa viosi, ndeci a lisilile la vakukululu yavo+ kuenda pokati kovanyãli vavo vosi lomue wa tẽla oku tamalãla lavo.+ Yehova wa eca ovanyãli vavo vosi peka liavo.+
45 Olohuminyo viosi viwa Yehova a lingile lonjo ya Isareli, layimue ohuminyo* ya kambapo; viosi via tẽlisiwa.+
