Yehosua 23:1-16
23 Noke yoku pita oloneke vialua tunde eci Yehova a eca epuyuko ko Isareli+ omo liovanyãli vosi va lisunguile lavo, eci Yehosua a kukile calua kuenda wa kala oku panda kesulilo liomuenyo waye, Suku+
2 Yehosua wa kovonga o Isareli yosi,+ akulu, asongui, olonganji kuenda va kesongo vavo+ kuenje wa va sapuila hati: “Ame nda kuka calua kuenda si kuete otembo yalua komuenyo.
3 Ene muẽle wa moli ovina viosi Yehova Suku yene a linga lolofeka evi viosi oco a ku kuatisi, momo Yehova Suku yene eye wa kala oku vu yakeliko.+
4 Tali, ame nda ku ĩhi locela+ ofeka yolofeka vina vi kasi oku amamako ndocipiñalo kovikoti viene,+ kumue lolofeka viosi vina ame nda kundula+ tunde ko Yordão toke Kokalunga Kanene* kutakelo.*
5 Kuenje Yehova Suku yene, eye wamamako oku va lupuisa kovaso ene+ kuenda eye wa va tundisa* pokati kene kuenje ene wa tambuli ofeka yavo, ndomo Yehova Suku yene a likuminyile kokuene.+
6 “Cilo, vu sukila oku kuata utõi walua, oco vu pokoli loku tẽlisa ovina viosi via sonehiwa velivulu Liocihandeleko+ ca Mose okuti, lalimue eteke vu ka yapuka ndaño kondio ale kepĩli,+
7 oco ka vu ka litengi lolofeka+ evi vi kasi oku amamako pokati kene. Ka citava ndaño muẽle oku tukula olonduko violosuku viavo,+ ndaño oku lisila volonduko viavo kuenda lalimue eteke ko ka vi vumbi ale oku vi kekamẽla.+
8 Pole, vu sukila oku kakatela ku Yehova Suku yene+ ndeci wa lingi toke etaili.
9 Yehova o ka tundisa olofeka vinene haivio via pama kovaso ene,+ momo toke etaili laumue ulume wa tẽla oku tamalãla kovaso ene.+
10 Ulume umosi pokati kene o ka lundula ohulukãi,+ momo Yehova Suku yene o kasi oku vu yakeliko+ ndomo eye a likuminyile kokuene.+
11 Omo liaco, amamiko oku li lava lutate*+ oco vu soli Yehova Suku yene.+
12 “Pole, nda wa pambuki loku kakatela komanu va supapo+ vo kolofeka viaco, vana va kasi oku amamako oku kala pokati kene kuenje vu linga ocisila coku likuela lavo+ loku kala pokati kavo kuenda ovo va kala pokati kene,
13 kũlĩhi okuti Yehova Suku yene ka kamamako oku tundisa* olofeka evi kovaso ene.+ Ovo va ka kala ndulivi kuenda ndonjanjo loku kala ndefengi limue konyima yene+ kuenda ndolosongo vovaso ene toke eci vu ka kunduiwa vofeka yilo yiwa yina Yehova Suku yene a eca kokuene.
14 “Kaliye tali! Ndopo ndi fa* kuenda ene wa kũlĩhi ciwa lutima wene wosi lomuenyo* wene wosi okuti, layimue ondaka ya kambapo pokati kolohuminyo viosi viwa vina Yehova Suku yene a popia kokuene. Viosi via tẽlisiwa kokuene. Layimue ondaka pokati kavio ya kambapo.+
15 Pole, ndeci olohuminyo viosi viwa Yehova Suku yene a popia kokuene via tẽlisiwa,+ haico Yehova a ka nena kokuene efengi liosi a likuminya* kuenda o ka vu kunduli vofeka yilo yiwa Yehova Suku yene a ku ĩhi.+
16 Nda wa sinĩli ocisila ca Yehova Suku yene, cina eye a ku handeleki oku ci tẽlisa kuenda nda wendi loku ka vumba olosuku vikuavo loku vi kekamẽla, onyeño ya Yehova yi vu wengukili+ kuenje vu ka kunduiwa lonjanga vofeka yiwa yina eye a eca kokuene.”+
Atosi Pombuelo
^ Okuti, o Mediterraneo.
^ Ale “konele ku iñilila ekumbi.”
^ Ale “wa va lupuisa.”
^ Ale “Omo liaco, lavi ovimuenyo viene lutate.”
^ Ale “oku lupuisa.”
^ Lit., “etaili ñasi oku enda vonjila yo kilu lieve liosi.”
^ Tala Elomboluilo.
^ Ale “ondaka yosi yesiñalo.”